2017 жылдың  3 қарашасында №25 мектепте 1-7-сынып оқушылары арасында республикалық «Зерде» ғылыми жобалар конкурсының облыстық кезеңі өтті. «Ертіс дарыны» өңірлік қосымша білім беру оқу-әдістемелік орталығының хабарлауынша, аталмыш ғылым додасына 695 бала қатысуға ниет білдірген. Байқаудың қорытындысы бойынша І орын жүлдегері математика бағытында 4 сынып оқушысы Жалешова Айым (жетекшісі: Катепбай.А.), ІІІ орын жүлдегерлері: этномәдениеттану бағыты бойынша 6 сынып оқушылары Қазтай Айшат, Сайыпова Әсем (жетекшілері: Нургалиева Д.А., Есенгожина А.Е.), биология бағыты бойынша 3 сынып оқушылары Ермек Назерке мен Ермек Жанерке (жетекшісі: Елубаева М.С.), қазақ тілі мен әдебиеті бағыты бойынша 6 сынып оқушылары Садыбекова Арайлым және Кабиденова Томирис (жетекшілері: Нургалиева Д.А., Есенгожина А.Е.), математика бағыты бойынша 7 сынып оқушысы Айгожина Адина (жетекшісі: Алькеева З.Б). Барлық жеңімпаз оқушыларды және ұстаздарды құттықтаймыз!