Гимназиямыздың 1-сынып оқушылары Масалимова Ясмин мен Сәкен Нұрислам  "KazRobotics" спорттық және білім беру робототехникаcы федерациясының ұйымдастыруымен өткізілген республикалық "ROBOBALAPAN-2020"  балалар шығармашылық фестивалінде үздіктер қатарынан көрініп, І орынды иеленді.

Фестиваль мақсаты: бүлдіршіндер арасында робототехникаға деген қызығушылықтарын арттыру, ата-ана- мұғалім мен балалардың бірлесе жұмыс жасауларына ықпал ету. Фестиваль  4-7 жас аралығында, 5 номинация бойынша өткізілген. Ясмин мен Нұрислам "Роботпен би"  номинациясы бойынша қатысып,  жоғары нәтиже көрсеткен. Аз уақыт аралығында бүлдіршіндердің қызығушылығын оятқан жетекшісі - Бибигуль Васильевна.

Бибигуль Васильевнаның оқушылары 2016 жылдан облыстық,  республикалық роботтехника сайыстарында  жүлделі орындарға ие болып жүр, сондай-ақ қашықтықтан оқу кезінде де Республикалық "Казроботикс-2020" сайысында оқушылары Жалешева Айым мен Аяна арнайы номинацияға ие болды.