14 желтоқсан Білім инновация лицейінің ұйымдастыруымен өткен “Қоғамдық жауапкершілік және жастардың өзін-өзі басқарудағы орны” көшбасшылық форумы өтті. Форум мақсаты оқушылар арасында тәжірибе алмасу, жастарды қолдау, шығармашылық әлеуетін дамытуға жағдай жасау болып табылады. Гимназиямыздың парламент мүшелері де форумға қатысып тәжірибе алмасып, түрлі шеберлік сабақтарына белсенді қатысты. Ұйымдастырушыларға алғыс білдіреміз.

Тәуелсіздік күніне орай, мектеп парламенті мүшелері, еліміздің тарихы, кемеңгер тұлғалары, желтоқсан құрбандары туралы сауалдардан тұратын шағын сайыс ұйымдастырды.

Ата-аналарды педагогикалық қолдау орталығының ұйымдастыруымен 7-8 сынып ата-аналарымен “Жасөспіріммен қарым-қатынас құпиялары” тақырыбында кездесу өтті.

Жұртым менің не қиындық көрмеді?! Жылап тұрып Аналарым бұл жолда, Сан перзентін қара жерге жерледі. Тәуелсіздік бізге оңай келмеді, Асау аттай өз тізгінін бермеді. Қазағымның алтын басын иілтіп, Талай дұшпан төрімізге өрледі

2024 жылдың 9 желтоқсан күні гимназияда 5а, 5ә және 10а, 10ә сыныптарына арналған психолого-педагогикалық консилиум болып өтті. Консилиумға әкімшілік мүшелері, сынып жетекшілері және пән мұғалімдері қатысты. Консилиумның тақырыбы: 5,10-сынып оқушыларының оқу жағдайына бейімделуі. Мақсаты оқушылардың мектептегі оқуға бейімделуін, жүргізілген диагностикалық жұмыс нәтижелелерін пән мұғалімдеріне ұсына отырып неғұрлым қолайлы жағдайлар тудыру жолдарын қарастыру.

Біртұтас тәрбие тәрбие бағдарламасы аясында жоғары сынып оқушылары арасында волейбол жарысы ұйымдастырылды. Ойын нәтижесінде: 1 орын - 8”А” сыныбы; 2 орын - 10”А” сыныбы; 3 орын - 9 сынып. Құттықтаймыз!

Тәуелсіздіккүніне орай барлық сыныптарда “Тәуелсіздік - елдігімнің тірегі” атты сынып сағаттары өтті.

«Мәшһүр Жүсіп оқуларының» облыстық кезеңінде 10-сынып оқушылары Сабиганова Аружан «Мәшһүр Жүсіп Көпейұлының фольклорлық мұрасы. Хандар, батырлар» бағытында және Қалмақан Жасмин «Бас болып өнер білсең…» (ғылыми жоба қорғау) бағытында, 11-сынып оқушысы Партияқызы Арайлым “Білімді зерек адам болам!» - десең…» (эссе жазу) бағытында 2-орынға ие болды. Жетекшілері Бахыт Жумабаевна және Райгүл Токановна. Құттықтаймыз!

“Балалар кітапханасы” жобасы аясында әртүрлі ресурс көздерімен жұмыс жасауды үйрену, қажетті ақпаратты өз бетінше іздей алу мақсатында 8 сынып оқушыларымен “Зерттеуші компасы” әдісі бойынша 2024 жылғы мерейгер жазушыларды таныстыруға бағытталған зерттеулер жұмыстары өткізілді. Әр оқушы зерттеу парақшасын толтырып, ақын-жазушылардың өмірбаянымен, құнды мұраларымен өзара бөлісті.

Ағылшын тілінің магистрі, педагог-шебер санатындағы ұстаз Нургалиева Салтанат Еркиновнаға алғыс білдіреміз. Айта кетсек, ұстаз шәкірттері халықаралық IELTS емтиханын тапсыруды дәстүрге айналдырған.

Павлодар қаласының Ж. Тәшенев жалпы орта білім беру мектебінде 2024 жылғы 22 қарашада 2-7 сынып оқушылары арасында «Зерде» республикалық зерттеу жұмыстары мен шығармашылық жобалары конкурсының облыстық кезеңі өткізілді. Конкурстың қорытындысы бойынша 6б-сынып оқушылары Хуат Еркебұлан, Әділхан Ақжарқын - 2 орынға (қазақ тілі мен әдебиеті секциясы), 6а-сынып оқушылары Мұрат Айлана, Абылай Нұрсултан, Жаңғазы Айзере (шетел тілі секциясы), Жалешева Аяна (математика, қолданбалы математика секциясы),

2 желтоқсан күні гимназияда бастауыш , негізгі орта білім берудің жаңа мемлекеттік жалпыға міндетті стандарты (МЖМБС) жобасын талқылау өтті. МЖМБС жобасына енгізілген өзгерістер мынадай аспектілерді қамтиды: - Білім беру құндылықтары мен негізгі құзіреттерді нақтылау. - МЖМБС қолдану салаларын кеңейту.