13 ақпан күні өткен облыстық Павлодар қазақша КВН лигасы "Маусымашар-2020" фестивалінде гимназиямыздың "Әрі-бері" командасы әзілдері жарасып, Кіші кубокты иеленді. Команда құрамында: Ерназарұлы И. (6а-сынып), Баисова А., Апаева А., Алимжанов А., Арнабекұлы А., Малибекова Д., Кожагелдыев А., және Талғатбек Е. (8а-сынып). Команда мүшелерін және олардың жетекшісі Кушова Ақмөлдір Сагинбаевнаны құттықтаймыз.

3.02-13.02 күндері аралығында гимназияда "Өзін-өзі тану: махаббат пен шығармашылық" онкүндігі өткізілді. Онкүндік аясында жоспар бойынша "Жүректі жылытар мейірімділік" концерті, "Жанымда жүр жақсы адам" мектеп қызметкерлерін құрметтеу күні және т.б. іс-шаралар ұйымдастырылды.

Бүгінгі күні әлемді жаулаған індеттең сақтанып жүріңіздер. Ол үшін алғашқы белгілерін және сақтану шараларын әрдайым орынданыздар!

2а сынып оқушылары жүзуден Ақсу қалалық ашық біріншілігінде жүлделі орындарды иеленді. Олар Төлеутай Ерқанат 1 орын, Сулейменов Данияр, Зайкен Сезім 2 орын. Құттықтаймыз!

Қазақтың бас ақыны, ұлы Абайдың 175 жылдығына орай ұйымдастырылған ІІ республикалық Абайтану олимпиадасында ерекше белсенділік танытқаны үшін гимназиямыздың 10-сынып оқушысы Мағзүмова Айшабибі Алғыс хатпен марапатталды. Мұғалімі Есенгожина Акмарал Еркеновна. Құттықтаймыз!

"Қазақстан-мейірімділік мекені" балалар бастамасы аясында гимназиямыздың 3 сынып оқушылары өз қолдарымен бала-бақша бүлдіршіндеріне массажерлер жасап, сыйға тартты. Бұл игі шараға бастамашы болған сынып жетекшісі Ақмарал Имантахуовна. Жақсылық жасаудан жалықпайық.

20-25 қаңтар аралығында гимназияның жылдық жоспарына сәйкес МИФ (математика, информатика, физика) апталығы өткізілді. Бұл шараның ашылуы оқушыларға қызықты тапсырманы орындап, сыйлыққа алмастыра алатын бірлік ұтып алудан басталды. МИФ апталығының соңғы күні 9-10 сыныптар арасында "Білгірлер мен білгіштер" интеллектуалдық ойыны өтті. Бұл шара Абайдың 175 жылдығына арналды.

Қазақстан Республикасының "Педагог мәртебесі" туралы заң қабылдануына байланысты гимназиямызда педкеңес өткізіліп, директордың орынбасары Аккентаева Клара Мухаметкалиевна Заңда көрсетілген Педагогтар мәртебесін көтеру маңыздылығын атап көрсетті.

17 қаңтар күні Павлодар жоғары басқару колледжінің негізінде 9-сынып оқушылары арасында «ІТ болашақ маманы» атты І облыстық олимпиадасы өкізілді. Олимпиадасының қортыныдысы бойынша гимнзияның 9-сынып оқушысы Кожабергенов Думан ІІІ орынға ие болды. Жетекшісі информатика мұғалімі Абылгазина Эльмира Турагуловна. Сонымен қатар, колледж ұстаздары роботехника бойынша мастер-класс өткізді.

2020 жылғы 16 қаңтарда облыстық көп салалы дарынды балаларға арналған лицей-интернаты негізінде облыстық «Ақберен» байқауы өткізілген. Байқаудың қорытындысы бойынша «Көркем сөз оқу» бағыты бойынша ІІ дәрежелі дипломға 10 сынып оқушысы Баянбатұлы Ерасыл және «Шығарма жазу» бағыты бойынша ІІ дәрежелі дипломды 11 сынып оқушысы Батай Аружан иеленді. Жетекшілері Есенгожина Ақмарал Еркеновна және Нургалиева Дария Амантаевна.

Гимназиямызда дәстүрлі түрде түлектерміз кездесу кешіне жиналды. Жоғары оқу орындарында білім алып жатқан түлектерімізге гимназияның бағындырған белестері, жаңа кабинеттер таныстырылып, түрлі танымдық ойындар ойнатылып, мектеп өмірінен сұрақтар қойылды. Түлектер өздерінің алдағы жоспарларымен бөлісіп, кездесу тамаша би кешімен жалғасты.

17 қаңтар күні "Адалдық сағаты" республикалық акциясы аясында Ақсу қалалық сот маманы А. Иманбаева мен жасөспірімдер бойынша инспектор А. Калиева 8-11 сынып оқушыларына баяндама оқыды. Кездесуде қоғамдағы жемқорлықтың алдын алудың алғашқы қадамдары, адамгершілік қасиеттер мен өз ісіне деген жауапкершілік мәселесі қозғалды.