Ұлтымыздың мақтанышы, ата-бабамыздың тұрақ-мекені киіз үйді насихаттау мақсатында облыстық "Шаңырақ" жобасы іске асырылуда. Гимназиямыздың технология мұғалімдері Гүлжазира Қабдылкәрімқызы мен Ануарбек Құмарұлының бастамасымен киіз үй жасау ісі қолға алынып, тамаша бір Шаңырақ бой көтеруде. 15 наурыз күні "Кең даланың символы - киіз үй" атты жобаны таныстыру мерекесіне шақырамыз.

8 наурыз көктемнің шуақты мерекесі қарсаңында гимназиямызда "Бас иеміз анаға" мерекелік концерті өтті. Мерекелік шараға ардагер ұстаздарымыз да келіп, жүрекжарды тілектерін білдірді. Ал өнерлі оқушыларымыз әсем әннен, мың бұрылған бишілер көркем биден шуақ шашып, құдіретті күйге бөледі. Ал сері жігіттеріміз сұлу қыздарға биден флешмоб арнады.

8-наурыз мерекесіне арнап бастауыш сынып оқушылары «Менің анам - алтын» атты суреттер көрмесін жасады. Оқушылар өз аналарына арнап түрлі суреттер салды.

23-27 ақпан аралығында Павлодар қаласының музыкалық колледжінде «ЖІБЕК ЖОЛЫ» халықаралық музыка байқауы өтті. Тұңғыш рет ұйымдастырылған халықаралық фестиваль биылғы жастар жылына және Павлодардағы музыкалық колледждің 60 жылдығына арналған. Бұл байқауға қатысып, жүлделі ІІ орын дипломанты Жилбаев Аянды және ІІІ орын дипломанты Шахмет Арнұрды құттықтаймыз. Өнерлерің өрлей берсін!

Гимназияда 1-наурыз кұні алғыс айту күні өтті. Окушылар ұстаздарына, ата аналарына, бір біріне алғыс білдірді.

2019 жылғы 27 ақпанда «Жас дарын» мамандандырылған мектебінде Х облыстық «Махамбет оқулары» өтті. Қазылар алқасының шешімі бойынша "Ел құтқарар ер едім" бағыты бойынша 9-сынып оқушысы Хаманай Асхат 2 орынға, " Тартынбай сөйлер асылмын" бағыты бойынша 9-сынып оқушысы Баянбат Ерасыл 3 орынға, "Ұлы арман" бағыты бойынша 7-сынып оқушысы Алимжанов Әлібек 3 орынға ие болды. Оқушыларымызды және жетекшілерін құттықтаймыз.

Гимназиямызда ақпанның 26-күні «Рухани жаңғыру» бағдарламасы аясында «Қамшы - қанат, құйысқан - қуат» атты іс-шара болып өтті. Іс шараға қамшы өру бойынша сабақ беруші Жиенхан Хаманай ағамыз қатысып, оқушыларға қамшының неден жасалатынын, түрлерін және қамшының ата-бабаларымыздан келе жатқан құнды дүние екенін түсіндіріп өтті. Бұл іс шараға 7 «а», 7 «ә» сыныптарынан 15 ер бала қатысып, көптеген мәліметтерге ие болды.

Гимназиямызда ақпанның 22-күні Н.Ә.Назарбаевтың «Ұлы даланың жеті қыры» мақаласын оқушыларға таныстыру мақсатында іс-шара өтті. Іс-шараға 6-10 сынып оқушылары қатысты. Әр бір сынып тақырыптарға байланысты көрме дайындап, сол көрмедегі заттармен таныстырып өтті. Көрмеге оқушылар өз қолдарымен жасаған макеттерін, ат әбзелдерін, ата бабамыздан мұраға қалған түрлі құнды дүниелерді көрсетті.

Гимназияның жылдық жоспарына сәйкес өткізілген бастауыш сынып апталығы 22 ақпанда "Бастауыш білім негізі " атты кешпен қорытындыланды. Осы кеште апта бойы білімдерімен ерекшеленген оқушылар марапатталды

18-23 ақпан аралығында гимназиямызда бастауыш сыныптар апталығы өтті. Апталық ерекше көңіл-күймен басталды: әсем бейнеленген дәлізде түрлі қызықты әрі танымдық тапсырмалар жетіп артылады. Сондай-ақ "Тәрбие көзі -ата мен әже" атты шеберлік сағаты өтті. Апталық барысында "Гимназия мен балабақша арасындағы сабақтастық" атты қалалық семинар өтті. Семинар барысында 1 сыныптарда математика және сауат ашудан ашық сабақтар өткізілді.

Гимназияның ақпараттандырудың жылдық жоспарына сәйкес «Цифрлы Қазақстан» кешенді бағдарламасының жүзеге асыру жағдайында гимназиямызда «STEM білім беруді дамыту» практикалық семинары өтті. STEM-көрме,таныстырылым және миға шабуыл ретінде ұйымдастырылған бұл шарада ұстаздарға пәндерді кіріктірудің тетіктері көрсетілді. Семинарды өткізген робототехника үйірмесінің жетекшісі Атик Бибигуль Васильевна.

"Үш тұғырлы тіл - жарқын болашақ кепілі" ұранымен өткен шет тілдер апталығының қорытындысы "НЕ? ҚАЙДА? ҚАШАН?" интеллектуалды ойынымен қорытындыланды. Мұнда гимназиямыздың түрлі олимпиада жүлдегерлері көрермендермен сайысқа түсіп, бар білімдерін ортаға салды. Нәтижесінде гимназия командасы намысты қолдан бермей, жеңімпаз атанды.