Міне жаңа жыл да келіп қалды. Әрбір адам жылды қорытындылап, алдына жаңа мақсаттар қоятын кез. Біз де жылды қайырымды істермен қорытындылауды жөн көрдік. 9 сынып еріктілерімен бірге азқамтылған, толық емес отбасыларға азық-түліктен сый жасап, балаларға жаңа жылдық сыйлықтар таратылды. "Қайырымдылық жасасаң, қайырын өзің көресің" деген екен дана халқымыз, жаңа жылымыз да қайырымды істерге толы болғай.

25-26 желтоқсан аралығында гимназиямызда баршаға сиқырлы әлем сыйлайтын жаңа жылдық кештері өтті. Бастауыш сыныптарымыз "Ақсу" балалар эко-техноорталығының шыршасын тамашаласа, орта және жоғары буын мектеп қабырғасында қызықты өткізді, сондай-ақ 30 желтоқсан күні қызметкерлердің балаларына да жаңажылдық шырша өткізілді.

Жаңа жыл қарсаңында жаңа табысқа ие болған гимназиямыздың 4 оқушысы облыстық кешенді олимпиадаға қатысып, 100% нәтижеге жетті. 6а-сынып оқушысы Амангелді Ералхан ІІ орын, 6а-сынып оқушысы Амангелді Айжан, 5-сынып оқушылары Сабабаев Жансар және Борамбай Жамиля ІІІ орын жүлдегері атанды. Жетекшілері биология пәнінің мұғалімі Жахав Баян мен математика пәнінің мұғалімі Талғат Ғылымгүл.

13 желтоқсан күні М.Ж. Байғалова атындағы облыстық қазақ тілі мен әдебиетінен өткізілген пән олимпиадасында гимназиямыздың 8ә-сынып оқушысы Сайыпова Асем және 7-сынып оқушысы Каиржанова Аида жүлделі ІІІ орынға ие болды. Жеңіске жеткен оқушылар мен дайындаған ұстаздары Есенгожина Ақмарал Еркінқызың және Дюсембаев Әскербек Култайұлың құттықтаймыз!

13 желтоқсан күні гимназиямызда Тәуелсіздігіміздің 28 жылдығына арналған "Жасай бер, Тәуелсіз Қазақстаным" атты салтанатты шара өтті. Тәуелсіз еліміздің бүгінгі биігінде тұрып, осы күнді армандаған бабаларымыздың биік мұраттары алдында тағзым еткен шарада мектеп директорының міндетін атқарушы Дюсембаев Ә.К. барша ұстаздар, ата-аналар, оқушыларды құттықтап, қалалық олимпиада жүлдегерлерін марапаттады.

3-9 желтоқсан аралығында халықаралық «Компьютерлік ғылым аптасы» шеңберінде Қазақстандағы код сағаты акциясына қосылу мақсатында гимназиямызда Кодтау сабақтары өткізілді. Код сағатының міндеті - қатысушыларды қарапайым және қызықты түрде бағдарламалаумен таныстыру, сондай-ақ нақты ғылымдарға қызығушылық қалыптастыру болды. Әр оқушы 2019 Кодинг сағатына қатысқаны үшін сертификатпен марапатталды.

Тәуелсіздік күніне орай өткізілген қалалық кіші спартакиадада гимназиямыздың оқушылары тоғызқұмалақтан жүлделі ІІ орынды иеленді. Команда құрамында 7-сынып оқушысы Төлеу Алихан, 5а-сынып оқушысы Кобжанова Аружан, 5ә-сынып оқушысы Шахмет Арнұр. Жетекшісі Жекебай Мақсатхан. Құттықтаймыз!

Гимназиямыздың "Айгөлек" үлгілі би ансамблі Ақтөбе қаласында өткен Республикалық "Айналайын" конкурсында Гран-при және 100000 тенге сертификатына ие болды. Сонымен қоса әрдайым осы би ұжымын дайындап, биік шыңдарға жетелеп жүрген жетекшісі Зембаева Динара Нигматулловна Ақсу қаласының Құрмет тақтасында орын алды. Әрдайым жұмысыңыз жемісті болып, абыройыныз арта берсің, Динара Нигматулловна!

Оқушыларға дұрыс тамақтану дағдысын қалыптастыру мақсатында "Дұрыс тамақтану - денсаулық кепілі" атты 2а және 2ә сынып оқушылары арасында сайыс сабағы өткізілді. 6-кезеңнен тұратын сайыста қызықты сұрақтар қойылып, жұмбақ жасырылды, танымдық тапсырмалар орындалды. Сайыс соңында екі топ та мақтау қағазымен марапатталды.

Гимназиямыздың "Айгөлек" үлгілі би ансамблі Қазақстан, Болгария, Ресей бастамасымен өткізілетін "Розы Казахстана" халықаралық хореографиялық өнер фестиваль-байқауында жүлделі І орынға және ұжым Қазақстан мен Болгария елшілігінің кубогы мен дипломына ие болды. Ұжымды және әрдайым жеңіс тұғырына жетелеп жүрген жетекшісі Зембаева Динара Нигматуловнаны құттықтаймыз!

22 қарашада 8-11 сынып оқушылары арасында облыстық ғылыми жобалар конкурсы өткізілді. Конкурстың қорытындысы бойынша Успанова А. (10-сынып) – І орын, Жумабаева А. (11-сынып), Курмашева Д., Рысымбетова Д., Баяманова А., Кабдулла Д. (10-сынып), Шакбекова Д (9-сынып) – ІІ орын, Негманова Д., Омурбаева А., Қинаят Ж., Баянбатұлы Е., Хаманай А. (10-сынып), Әбілхақ С., Олимпиада Р. (9-сынып), Мубаракова Д., Лашимова А. (8-сынып) ІІІ орынға ие болды.

15 қараша күні гимназиямызда педагогикалық ұжымдардың өзара әрекеттестік және қолдау негізінде Май ауданы мұғалімдеріне "Көптілділік-полимәдени тұлға қалыптастырудың негізі" атты семинар өткізілді. Семинар аясында ағылшын тілінде физика, биология, химия және информатика пәндерінен ашық сабақтар, "АКТ-ның көмегімен оқытудағы жаңа әдістерді қолдану" атты коучинг және "Абай поэзиясы - әлем тілдерінде" атты әдеби кеш өткізілді.