2015 жылғы қаңтар айының 9-ы мен 11-ы күндері аралығында С. Торайғыров атындағы Павлодар мемлекеттік университеті негізінде 15 пән бойынша 9-11 сынып оқушылары арасында облыстық пән олимпиадасы өткізілді. Біздің гимназиядан олимпиадаға 31 оқушы қатысып, 13 оқушы жүлделі орынға ие болды. Кабылда Алибек С.Торайғыров атындағы ПМУ университетінің білім грантына ие болды.

2014 жылдың 26 қарашасында 1-4- сынып оқушылары арасында өткізілген «Алтын асық» облыстық интеллектуалдық ойынның нәтижелері шықты. 1- сынып оқушылары Жалешева Айым мен Тоқтамысов Олжас І орынға ие болды. Құттықтаймыз!

Сіздерді 2015 Жаңа жылдарыңызбен шын жүректен құттықтаймыз. Баршамыз жаңа жылмен бірге ізгі жаңалықтардың келуін күтеміз. Жаңа жыл барлық істеріңіз бен бастамаларыңызға ақ жол ашып, мол табыстар ала келсін, жетістіктерге толы болсын. Зор денсаулық, қуаныш пен шаттыққа толы ұзақ ғұмыр, отбасыларыңызға бақ-береке, шуақты күндер тілейміз.

Гимназияда 2014 жылдың 18-23 желтоқсан аралығында математика, физика, информатика пәндерінің апталығы өтті. Апталықта жоспарланған іс-шаралардың барлығы кесте бойынша өткізілді.

2014 жылы 19 желтоқсан күні Павлодар облысы бойынша педагогикалық қызметкерлердің біліктілігін арттыру институты «Ең үздік инновациялық жоба» облыстық конкурсын өткізді. Конкурса олбыстың қала және аудан мектептерінен 13 жоба ұсынылды. Конкурстың қорытындысы бойынша гимназияның информатика пәнінің мұғалімі Абылгазина Эльмира Турагуловна ІІ орынға ие болды. Эльмира Турагуловнаны құттықтаймыз!

2014 жылы 11-12 желтоқсан күндері Алматы қаласындағы «Алатау» шипажайы базасында VIIІ Республикалық инновациялық-педагогикалық идеялар фестивалі өтті. Республикалық фестивальдің қорытындысы бойынша гимназияның бастауыш сынып мұғалімі Бекбасова Бахтула Шариповна «Өз ісінің шебері» номинациясына ие болды. Бахтула Шариповнаны шын жүректен құттықтай отырып, шығармашылық табыс тілейміз!

2014 жылдың 30 қазанында 3-10 сынып оқушылары арасында өткізілген «Ақбота» интеллектуалдық марафонының нәтижелері шықты. Бастауыш сыныптар арасында 3-сынып оқушылары Майданова Адия, Кабдиев Ислам, Бакибаева Айжан, Малибекова Дильназ және 4-сынып оқушысы Булат Айдана ІІ орынға ие болды. Құттықтаймыз!

2014 жылы 18 желтоқсан күні Қазақстан Республикасының Тәуелсіздік күніне орай Ақсу қаласында қалалық мектептер арасында шахмат және дойбы жарысы өткізілді. Жалпы командалық есепте гимназия командасы шахматтан І орын, дойбыдан ІІ жүлделі орынды иеленді. Оқушыларды дайындаған жаттықтырушы Бекбасова Бахтулла Шариповна. Оқушыларды жеңістерімен құттықтаймыз!

2014 жылы 12 желтоқсан күні қазақ тілі пәнінен КИО өтті. Олимпиада қорытындысы бойынша 8-сынып оқушылары Боранбай Бихан, Амангельдинова Лаура – І орынға (мұғалімі Дүйсембаев Әскербек Құлтайұлы), 9ә-сынып оқушысы Аршабаева Айша, 8-сынып оқушысы Алимова Нұрай – ІІ орынға (мұғалімі Шапауова Әсем Сембіқызы) ие болды. Оқушыларды және оларды дайындаған мұғалімдерді құттықтай отырып, жаңа жеңістер тілейміз!

Республикалық «Менің елімнің көшбасшысы» сырттай байқауында 7 "а" сынып оқушысы Калиева Дильназ «Өз елімнің өркендеуі үшін мен не істер едім?» номинациясы бойынша «Мен – елімнің ертеңімін» атты эссе жұмысы үшін ІІ дәрежелі дипломмен марапатталды. Жетекшісі қазақ тілі мен әдебиеті пәнінің мұғалімі Дария Амантайқызы Нургалиева. Жеңімпаз бен оның жетекшісін құттықтай отырып, әлі де талай шыңдарды бағындыруларына тілектеспіз!

2014 жылдың 8 желтоқсан күні Павлодар облысының 8-11 сынып оқушылары арасында республикалық ғылыми жобалар конкурсының облыстық кезеңі өткізілді. Біздің гимназиядан 15 ғылыми жобаның ішінен 10 жұмыс жүлделі орындарға иеленді: 1 жоба - І орын, 4 жоба – ІІ орын; 5 жоба – ІІІ орын. «Оқушылардың ғылыми қоғамының үздік жетекшісі» номинациясына гимназияның мұғалімі Азамат Жанайдарұлы Сыздыков ие болды. Құттықтаймыз!

2014 жылы 9 желтоқсан күні гимназияда «Көптілділік білім беру - зияткер ұлтты қалыптастыруға жетелейтін жол» атты облыстық семинар өтті. Семинарға облыс мектептерінен 20 ұстаз қатысты. Физика пәнінен 7 «А» және 9 «Ә» сыныптарында Кабылбекова А.С., жаратылыстану пәнінен 5 «А», биология пәнінен 6 «А» сыныптарында биология пәнінің мұғалімі А.Т.Турғанбекова, ағылшын тілі пәнінің мұғалімі Р.С. Сыздыкбаева кіріктірілген сабақтар өткізді.