2015 жылдың 12 ақпан күні информатика және ақпараттық технологиялар бойынша өткізілген «ИНФОЗНАЙКА» халықаралық ойын-конкурсының нәтижелері шықты. Ойын-конкурсына гимназиядан 4-7 сыныптардан 16 оқушы қатысты. Ойынның жеңімпаздарын құттықтаймыз! Олар 4ә-сынып оқушылары Абраимов А., Шулен Д., Базар Н., Хасенов Е., Кожабергенов Д., Камзин А., Бейсебаева Д., Каршыға А. және 6а-сынып оқушысы Досмагамбетова А.

Көктемгі каникул күндері гимназияда оқушылардың бос уақытын тиімді ұйымдастыру мақсатында түрлі шаралар өткізілуде. 26 наурыз күні 1 сынып оқушыларына арналған «Абайла, балақай» атты жол жүру ережелеріне арналған сайыс өтті. 1«а» және 1«ә» сынып оушылары «Белгілер нені білдіреді?», «Велосипедпен жолды өтіп көр!», «Белгілер сыр шертеді», «Кім жылдам», «Онлайн ойыны» атты бекеттерден өте отырып, жолда жүру ережелерін меңгерді ...

Құрметті әріптестер! Ұлыстың ұлы күні шаңырақтарыңызға құт-береке әкеліп, ырыс кіргізсін! Әз Наурыз көктем күніндей шаттық пен қуаныш сыйласын. Даламыз тыныш, дастарқанымыз кең, көңілдеріміз тоқ, төрт түлігіміз ақты болып, еліміздің дәулеті шалқи берсін! Наурыз құтты болсын!

2014 жылдың 26 желтоқсан күні информатика пәнінен өткізілген «Bebras» халықаралық қашықтық ойын-конкурсының жүлдегерлері ІІІ дәрежелі дипломымен марататталды. Олар 4-сынып оқушылары Хасенов Еркебулан, Қаршыға Аружан, Зарұза Нұрай, Куандыков Адиль, 5-сынып оқушылары Омурбаева Адель, Бутеев Даниал, Успанова Аймира, Тельжанов Жанұзақ, 6ә-сынып оқушылары Жумабаева Дильнара, Жуматаева Асель, Сембайұлы Сұлтан.

2014 жылдың 16 желтоқсан күні ағылшын тілі пәнінен өткізілген «British Bulldog» халықаралық сайысының нәтижесі шықты. Сайыстың қорытындысы бойынша 4ә сынып оқушылары Хасенов Еркебулан, Камзин Асхат, 3 сынып оқушылары Дүйсекен Арайлым, Баисова Адемау, Апаева Альмира, Баймуринова Адель, Жанат Жанерке, 5ә сынып оқушысы Такаранова Алуа, 9а сынып оқушылары Рымбаева Меруерт, Социолова Самира – І дәрежелі дипломымен марапатталды.

2014 жылдың 13 қараша күні орыс тілі пәнінен өткізілген «Русский медвежонок» халықаралық сайысының нәтижесі шықты. Гимназияның оқушылары жүлделі орындарға ие болды. Олар, 2-сынып оқушысы Бекбасова Айгерім, 3-сынып оқушысы Лашимова Аяулым, 5-сынып оқушылары Бекбасова Айдана - І орын, Жалелова Айдана – ІІ орын, 8-сынып оқушысы Болатбай Әділ, 9а-сынып оқушысы Омирзаков Жанибек – ІІІ орын. Құттықтаймыз!

18-ші наурыз күні Наурыз мерекесі қарсаңында гимназияда «Еліме шуақ бер, әз-Наурыз» атты мерекелік шара өткізілді. Әрбір сынып «Наурызша», «Бәйшешек», «Қызғалдақ» сияқты ауылдарға бөліне отырып, мерекелік дастархан әзірлеу, ұлттық салт-дәстүрді насихаттау, бата жаттау, ұлттық ойындарға қатысу сияқты сайыстарға түсті. Шара барысында Қыдыр баба балаларға өзінің Наурыз батасын беріп, Наурыз қыз көктемнің шуағындай жырларын арнады.

2015 жылдың 10-16 наурыз аралығында гимназияда Эстетикалық бағыттағы әдістемелік бірлестігінің апталығы жоспар бойынша өтті. Сыныптар арасында сыныптан тыс іс-шаралар өткізілді. Атап өтсек: 2-4 сыныптар арасында өткізілген «Көңілді сөре» сайысында 4а сынып оқушылары І орынға ие болды, 8-11 сыныптар арасындағы «Ак-47 бұзып-жинау» көпсайысында 10 сынып ұлдары өздерінің шапшандылығын көрсете білді ...

2015 жылы 5 наурыз күні қазақ тілі және Қазақстан тарихы пәнінен КИО өтті. Олимпиада қорытындысы бойынша қазақ тілі пәнінен 8-сынып оқушылары Амангельдинова Лаура – І, Назымбеков Нурхат – ІІ, Боранбай Бихан – ІІІ орынға және Қазақстан тарихы пәнінен ІІ орынға ие болды. Мұғалімдері: қазақ тілі мұғалімі Дюсембаев Әскербек Құлтайұлы және тарих пәнінің мұғалімі Ибраева Бахыт Шаймардановна. Құттықтаймыз!

Шұғылалы көктемнің алғашқы мерекесі – 8 наурыз Халықаралық әйелдер күні мейрамымен шын жүректен құттықтаймыз. Ана қуанышы, әйел қуанышы - әр үйдің, отбасының, Отанның мерейі. Көктем мерекесі көңілдеріңізге қуаныш сыйлап, жүздеріңізге нұр шашсын. Сіздерге шынайы көңілден зор денсаулық, баянды бақыт, отбасыларыңызға береке-бірлік, көтеріңкі көңіл, еңбектеріңізге табыс тілейміз!

2015 жылдың 28 ақпан мен 5 наурыз күндері аралығында Алматы қаласында Әль-Фараби атындағы ҚазҰУ-ң механика-математикалық факультетінде Ө.Жолдасбеков атындағы V халықаралық конкурсы өткізілді. Конкурстың қорытындысы бойынша гимназияның 11-сынып оқушылары Жолдас Азамат және Жұмағұл Әділжан жүлделі ІІІ орынға ие болды. Жетекшісі құқық және экономика пәнінің мұғалімі Сыздыков Азамат Жанайдарұлы. Құттықтаймыз!

2015 жылдың 3-ші наурыз күні гимназияда қазақтың қара өлеңін кие тұтқан, жүрегінің түбінен қайнап шыққан асыл жырларымен қалың жұртшылықтың махаббатына бөленген Мұқағали Мақатаевтың 84-жылдық мерейтойына орай қазақ тілі мен әдебиеті пәндері мұғалімдерінің ұйымдастыруымен ақиық ақынның шығармашылығына арнап «Таң қалма, Мұқағали Заңғарға» атты поэзия кеші өткізілді.