Лагерьде 2 ауысымда 55 оқушыны демалтып, сауықтыру жоспарлануда. Лагерь тәрбиешілері ең алдымен баланың танымын, шығармашылық және қоғамшылдық белсенділігін арттыруға, қабілеттерін дамытуға, көркем шығармашылық, спорт, саяхат сияқты қызмет түрлеріндегі білім мен іскерліктерін арттыруға жағдай жасауды мақсат етті. Күн тәртібіне сай оқушылар қаланың мәдени-сауықтыру, шығармашылық мекемелерімен бірлескен түрлі шаралармен қамтылды.

Оқушы бойында адал еңбек етуге деген ынтаны қалыптастыру мақсатында облыстық білім басқармасы байқау өткізді. 3 маусым күні мемлекеттік қызмет істері департаменті тарапынан қорытындыланып, шығармалар сайысында Боранбай Б. мен Карибаева М. 1,3 орындарға ие болды. Суреттер байқауында Сыздыкова Д., Мағзумова А., Олжабай А., Хадыр Б. және Базар Н. да жүлделі орындарға ие болды.

2016 жылдың 12-мамыр күні VIII топтық республикалық қашықтық олимпиадасы өтті. Олимпиаданың қорытындысы бойынша гимназияның оқушылары ІІ жүлделі орынға ие болды. Топ құрамында 9-сынып оқушылары: Боранбай Бихан, Абилов Әсет, Олжас Далида, Назимбеков Нұрхат, Елмесова Таслима, Абишев Эльдар, Алимова Нұрай, Бейсикова Айдана, Болатбай Әділ, Нахметова Орынгүл. Боранбай Бихан «ҚИО шәкіртақы алушы» дипломына ие болды.

13 мамыр күні білім ордамыз гимназияның 1 жыл бойғы жеткен жетістіктері, бағындырған асулары мен белестерін көпшілілікке таныстыру, дарындылығымен топты жарып шыққан оқушыларды марапаттауға арналған «Дарындыға дархан жол» атты шығармашылық кеш өткізілді. Кеш соңында гимназия директоры Мария Абдукадырқызы түрлі байқаулар мен олимпиадаларда жүлделі орын алған оқушыларды кубоктармен марапаттады.

22 сәуір күні гимназия психологі Шаймарданова Назигуль Тусуповнаның жұмыс тәжірибесін ұсына отырып, мамандандырылған мектеп психологтары үшін “Мектеп психологінің дарынды балалармен жұмыс жүйесі” тақырыбында гимназиямызда семинар-практикум өтті. Семинар-практикумға облыстық дарынды балаларға арналған мектептердің психологтары қатысты.

Гимназиямызда 2016 жылдың 15 сәуірінде мұғалімдердің шығармашылық мүмкіншіліктерін дамытуға арналған жоспарға сай, ақпараттық–коммуникациялық технологиямен жұмыс жасауда кәсіби шеберлігін шыңдауды көздейтін «Үздік интерактивті сабақ» байқауы өтті. Байқауда үздік интерактивті және үздік бейнесабақ екі бағыт бойынша ұстаздар өз іс-тәжірибесінде қолданып жүрген түрлі ақпараттық технологиялармен жасалған сабақ үлгілерін көпшілік назарына ұсынды.

Қаланы көріктендіру және тазалау айлығына гимназияның оқушылары да өз қомақты үлестерін қосты. 16 сәуір облыстық сенбілікке ұйымшылдықпен қатысып, мектеп ауласы, жақын маңдағы спорт алаңы, мектеп төңірегі қоқыстан тазартылып, ағаш көшеттері отырғызылды. Жыл сайынғы дәстүр бойынша мектеп ауласын көріктендіру акциясына ата-аналар да белсене қатысты.

Қазақстан мектептерінде 5 күндік оқыту стандарттары енгізіледі деген білім министрінің шешімі жайында жұртшылықтың бүгінгі күнгі әр түрлі пікір - ойлары «бауыр еті баласына» қалай әсер ететініне алаңдауынан туындап отырғаны анық. Оқу бағдарламаларының қазіргі жағдайы бәрімізге мәлім: пәндер саны жыл сайын артуда, оқу жүктемесі көлемді, ол білімдерін ОЖСБ және ҰБТ-да көрсетуі қажет, сол себептен балалар 5 күндік оқыту жүйесіндегі ауыртпалықты ...

Қаныш Имантайұлы Сәтбаевқа арналған «Ғасыр данасы» атты онкүндіктің жоспары негізінде 11 сәуір күні 5-7 сынып оқушылары арасында мектепішілік «Кіші Сәтбаев олимпиадасы» өткізілді. Олимпиадаға негізгі 9 пән бойынша 5-7 сыныптардан 95 оқушы қатысып, 53 оқушы жүлделі орындарға ие болды. Ал 6 «А» сынып оқушылары «ҮЗДІК ОЛИМПИАДА КОМАНДАСЫ» атанды.

Гимназиямызда Қ.И.Сәтбаевтың туғанына 117 жыл толуына арналған «Ғасыр данасы» атты онкүндік аясында 7 сәуір күні 5, 6 сыныптармен "Тәжірибе-жаңалықтың алғашқы бастауы" атты танымдық іс-шара өтті. Ізденіске, шығармашылық және ғылыми жұмыстарға жұмылдыра білген химия пәннің мұғалімі Ерхасова Қ. Б. және физика пәнінің мұғалімі Атик Б.В. аталмыш шарада оқушылармен бірге көптеген қызықты тәжірибе жасады.

Гимназияның негізгі мақсаты оқушының білім-ғылым негіздерін терең және жан-жақты меңгеру, интеллектуалдық және шығармашылық ерекшеліктерін ескере отырып, ой-өрісін дамыту және оқушылар дүниетанымының тұрақтылығын қалыптастыру. Осы негізде гимназия 1-сыныпқа 27 мамырда сағат 10.00-да; 5, 7-9 сыныптарға 27 мамыр сағат 15.00-те қабылдау емтиханын жүргізеді.

4-14 сәуір аралығында гимназияда Қ.И.Сәтбаевтың туғанына 117 жыл толуына арналған «Ғасыр данасы» атты онкүндік өтуде. 6 сәуір күні 3-тілде "Әлем таныған ерен тұлға" атты танымдық кеш өтті. Өзінің халқын өзінен биік қоя білген Қаныш ағамыздың асыл қасиеттері мен еліне деген сүйіспеншілігін көрсете білген оқушыларымыздың өнеріне «Дарын» республикалық ғылыми-практикалық орталығынан келген қонақтар да қатысып, дән риза болды.