Қ.И.Сәтбаевтың туғанына 114 жыл толуына байланысты «Есімі ел есінде» атты апталығы барысында 10 сәуір күні 5-7 сынып оқушыларының арасында кіші олимпиада ұйымдастырылды. Олимпиадаға 103 оқушы қатысып, 49 оқушы жүлделі орынға ие болды. "Ең үздік кіші олимпиадалық сынып" номинациясына 6«Ә» сынып ие болды. 6«ә» сынып оқушысы Манарбек Магрифе "Абсолютты жеңімпаз" атанды.

Қазақстандағы білім беруді дамытудың 2011-2020 жылдарға арналған мемлекеттік бағдарламасы» аясында Астана қаласы Білім және ғылым министрлігінде өткен жиналысқа география пәні мұғалімі, магистр «Білім беру ұйымдарының үздік педагогы» Алтынбек Аманжолұлы Жакупов қатысып келді.

2013 жылдың 25-сі мен 30 наурыз аралығында Тараз қаласында гуманитарлық бағыттағы пәндер бойынша оқушылардың Республикалық олимпиадасы өтті. Олимпиада қорытындысы бойынша І-ші орын және алтын медальға «Қазақ мектебіндегі орыс тілі» пәні бойынша гимназияның 9-сынып оқушысы Қаиржанова Әдия ие болды. Пән мұғалімі Тулеубаева Күлжайнат Бекенжанқызын және Әдияны жеңісімен құттықтаймыз!

2013 жылдың 26-31.13 аралығында гимназиямыздан 18-ші Республикалық Ақыл-ой Одиссеясы (Odyssey of the mind) сайысына қатысу мақсатында Алматыға аттанған төрт топтың да қоржындары жүлделі орындармен толы оралды. «Аврора» тобы ІІІ орынды, «Сиета Эстрелла» тобы ІІ орынды, «Art teenagers» тобы және «Я+ТЫ» тобы І орынды иеленіп қайтты. Ерекше көзге түскен Сейтахмет Еділ, Ермек Айша, Тастемір Гүлзат сынды оқушылар Роната Руссо атындағы медальдарға ие болды.

1 сәуір күні Павлодар мемлекеттік педагогикалық институтында мұғалімдер арасында өткізілген пән олимпиадасында қазақ тілі мен әдебиеті пәнінің мұғалімі Дүйсембаев Әскербек Құлтайұлы ІІІ орынды иеленді. Әскербек Құлтайұлын осы жеңісімен құттықтаймыз!

Көкшетау қаласында композитор Ақан серінің 170 жылдығына орай «Ұлттық өнердің өткен кезеңі мен заманауи болашағы» атты республикалық ғылыми жұмыстар байқауы өтті. 7-сынып оқушысы Галиева Камила байқаудың барлық кезеңдерінен сүрінбей өтіп, ІІ дәрежелі дипломмен марапатталды. Пән мұғалімі Жакупова Самал Серікқызын және Камиланы осы жеңісімен құттықтаймыз!

Наурыз айының 20-сы күні гимназия қабырғасында дәстүрлі түрде өткізіліп жүрген «Наурыз мейрамы» атты әдеби-музыкалық кеш өткізілді. Аталған кештің мақсаты – бүгінгі өскелең жас ұрпақтың ғасырлар бойына қазақтың салт-санасы мен әдет-ғұрпын уағыздауды, өз елінің киелі әрі қасиетті ұғым-түсініктерін дәріптеуді алға қойды.

Наурыздың 19-шы жұлдызында Ақсу қаласының дарынды балаларға арналған мамандандырылған гимназиясында бастауыш сыныптардың қатысуымен «Халық сүйген мейрам бұл» атты Наурызға арналған мереке өтті. Мереке 3 сыныптардың орындауындағы «Сәулем-ай» әнімен басталды.

18 наурыз 2013 жылы Экономика пәнінен оқушылардың VІІІ республикалық турнирінің аймақтық кезеңі қазақ-түрік лицей қабырғасында өтті. Олимпиаданың қорытындысы бойынша 2 оқушы жеңіске ие болды. І дәрежелі диплом иегері – Қабылда Әлібек және ІІІ дәрежелі диплом – Асқарбеков Әділ. 9-сынып оқушысы Қабылда Әлібек экономика пән олимпиадасының республикалық кезеңіне жолдама алды. Пән мұғалімі: Азамат Жанайдарұлы Сыздыков.

15-наурыз күні гимназия директоры Сламбекова Рымкеш Хамитқызының басшылық еңбек жолына 30 жыл толды. Гимназия оқушылары Рымкеш Хамитқызын фойеде салтанатты түрде қарсы алды. Оқушылар атынан 11 сынып оқушысы Мухитов Қасымхан мен гимназия ұланы Қайыржанова Әдия жылы лебіздерін білдіре отырып құттықтады. Осыған орай «Ұстаз дана, ұстаз дара, ұстаз ана» атты салтанатты жиын өтті.

Іскер, дарынды басшы Сламбекова Рымкеш Хамитқызының директорлық еңбек жолына 30 жыл толып отыр. Құрметті Рымкеш Хамитқызы! Сіздің ақыл-парасатыңыз, дарын қабілетіңіз, адамгершілік биігіңіз, білім мен ғылым төрінен көріне білгеніңіз, ұжым мен ұстаздың жанына мейірім шуағын төгіп жол таба білгендігіңіз, Сіздің білікті басшылығыңыз, елге, ұрпаққа үлгі боларлық.

Гимназияда 8 -наурыз Халықаралық әйелдер мерекесі аясында «Асыл әже мен сүйкімді немере» сайысы өтті. Бұл сайысқа бастауыш сынып оқушылары әжелерімен бірге 8 жұп қатысты. Сайыстың мақсаты: қазақ халқының әдеп- ғұрыптары мен ұлттық құндылықтарын насихаттау және әжелердің өнегесін кейінгі ұрпаққа мұра етіп қалдыру. Әжелеріміздің барлығы ұл, қыз өсірген, немере, шөбере сүйген, өз отбастарының ұйытқысы болып отырған абзал жандар. Әжелердің өнерін арнайы