24-31 мамыр арасында Қызылорда қаласындағы «Арай Sunrise» демалыс лагерінде Халықаралық Junior Achievement Worldwide экономикалық бағдарламалары бойынша V Республикалық экономикалық «Бизнес-Мансап» ауысымы өткізілді. Гимназиядан Сыздыков А. Ж. экономика пәнінің мұғалімі Алғыс Хатпен марапатталды, «Жастар Жетістігі» бағдарламасы аясында Асқарбек Әділ «Үздік жас экономист» номинациясына және медальге ие болды.

25 мамыр күні гимназияда оқу жылының аяқталуына орай «Сыңғырла қоңырау сыңғыры» атты салтанатты жиын өтті. Салтанатты жиынға қалалық маслихат хатшысы Омаргалиев Мәдениет Қабылдаұлы, Ақсу қаласы білім бөлімінің әдіскері Қонақбаева Балжамал Сағиденқызы, ардагер ұстазымыз Қожабекова Рымкеш Нүриденқызы, ата-аналар қатысты.

Дарынды балаларға арналған мамандандырылған гимназияға 5, 6, 7, 8 сыныптарға 2013-2014 оқу жылына қосымша қабылдау жүргізіледі. 10 маусымға дейін 5-16-81, 6-42-94 телефондарымен хабарласып немесе Ауезова 58 мекенжайына келіп жазылуға болады.

Бұл байқаудың іріктеу турынан үздік танылған жобалар республикалық сайысқа шықырылды. Павлодар облысының намысын гимназияның командасы қорғады. Нәтижесінде І дәрежелі жүлделі орынға 3 оқушы: Михайленко Юлия, Успанова Айгерім, Ибраева Сая; ІІ дәрежелі жүлделі орынға 1 оқушы - Каиржанова Әдия; ІІІ дәрежелі жүлделі орынға 3 оқушы: Асенова Амина, Қабылбекова Айым, Ермеков Әділет ие болды. Құттықтаймыз!

16-17 мамыр аралағында Астана қаласында «Қазақстандағы филологиялық білім беруді дамытудың негізгі басымдықтары» атты І филологтер съезі өтті. Съезге шетел, отандық ғалымдар мен қатар республиканың әр өңірінен келген делегаттар, соның ішінде біздің шаңырақтан қазақ тілі мен әдебиет пәнінің мұғалімі Дюсембаев Аскербек Құлтайұлы қатысып келді. Съезде тілдер үштұғырлығы, функциялық сауаттылықты дамыту мәселелері талқыланды.

17 мамыр күні Ақсу қаласының С.Дөнентаев атындағы мәдениет сарайында, Халықаралық, Республикалық байқаулардың жеңімпазы, «Айгөлек» би ансамбілінің есеп беру концерті және білім ордамызда дәстүрлі «Дарындыға дархан жол» атты шығармашылық кеш өткізілді. Жыл сайын, өзінің білімі мен шығармашылығы, ақылы мен парасаты арқасында, топты жарып шығып, биіктен көрінген, дарынды оқушыларымызды марапаттау дәстүрге айналды.

«Дарын» Республикалық ғылыми-практикалық орталығы «Тарих ата» республикалық қашыктық олимпиадасының қорытынды кезеңін 2013 жылдың 13-15 мамыр күндері аралығында «Балдаурен» республикалық оқу-сауықтыру орталығының базасында өткізді. Мектебімізден қатысқан 5 сынып оқушысы Қалиева Дильназ жүлделі І орынға, 6 сынып оқушысы Боранбай Бихан ІІ орынды иеленді. Дайындаған мұғалімдері Ибраева Б.Ш. Құттықтаймыз!

18 мамыр күні cағат 18.00-де С.Дөнентаев атындағы қалалық мәдениет сарайында облыстық «Ертіс толқыны» байқауының І орын, Республикалық «Айналайын» фестивалінің Гран-При, Халықаралық «Күншуақ» байқауының І орын иегері «Айгөлек» би ансамбілінің және гимназияның «Дарындыға - дархан жол» атты шығармашылық кеші өтеді. Қала тұрғындары мен қонақтарын, ата-аналарды кешке шақырамыз. Билетті гимназиядан алуға болады.

13 мамыр күні гимназияның мәжіліс залында Қалалық «Нұр Отан» ХДП филиалымен бірлесе «Елімнің тағдыры – менің тағдырым!» атты жастар форумы ұйымдастырылды. Осы форумға қала әкімінің орынбасары Бегзия Зейнулловна, әкімі апаратының қызметкері Ардақ Тәттімбетұлы, қалалық білім бөлімінің бастығы Қайрат Теміржанұлы, ақпарат орталығының директоры Айдос Рысымбетұлы шақырылды.

9-мамыр Жеңіс күніне орай Мәңгілік алау жанында қалалық митинг өткізілді. Елін, жерін жаудан қорғап қалған аталар ерлігіне тағзым ету, жастар бойында елжандылықты тәрбиелеу мақсатында гимназияның 8-10 сынып оқушылары таңғы 8.00-ден 14.00-ге дейін мәңгілік алау жанында естелік вахтасында тұрды.

Құрметті Ұлы Отан соғысының қатысушылары мен тыл еңбеккерлері! Сіздерді Ұлы Жеңістің 68 жылдығымен шын жүректен құттықтаймыз! Ауыр күндердегі адал еңбектеріңіз бен белсенді азаматтық ұстанымдарыңыз үшін бас иіп алғыс білдіреміз! Сіздерге мықты денсаулық, бақыт, ұзақ ғұмыр тілеміз!

9 мамыр Жеңіс күні қарсаңында гимназияның 1-4 сынып оқушылары арасында «Отанға қызмет - құрметті іс» атты суреттер байқауы өтіп, оқушылардың суреттерінен мектеп фойесінде көрме ашылды. 10-сынып оқушыларынан құралған «ЖасҰлан» тобы облыстық «Ту ұстаушылар» байқауына қатысып, сертификатпен марапатталды. 7-мамыр күні ҚР Қарулы Күштері күніне және Жеңіс күніне арналған «Жеңіс біздің жүрегімізде» атты салтанатты шара өткізілді.