4-11 қараша күзгі каникулда оқушыларды салауатты өмір салтына баулу мақсатында 6 қарашада «Денің сау болған керемет» атты денсаулық күні өтті. Осы күнге арнайы жоспар құрылып, 1-11 сыныптың оқушыларын көбірек қамтуға тырыстық. Денсаулық күні сап түзеуден басталды. Сыныптар арасында әр түрлі спорт түрлерінен жарыстар ұйымдастырылды.

2013 жылғы 8 қарашада Павлодар қаласының № 25 мектебінде 1-7 сынып оқушылары арасында республикалық зерттеу жұмыстары мен «Зерде» жобалар сайысының облыстық кезеңі өткізілді. Сайыс қорытындысы бойынша гимназиядан 6 оқушы жүлделі орынға ие болды: 1 оқушы - І орынға, 5 оқушы - ІІ орынға, 1 оқушы - номинацияға ие болды. Оқушыларды және олардың жетекшілерін жеңістерімен құттықтаймыз!

2014 жылғы 7 қараша күні Павлодар облыстық ақпараттық технологиялар орталығы № 16 лицей-мектебінде «Ақпараттық-коммуникациялық технологиялар білім беруде» облыстық конкурсының ІІ кезеңін өткізді. Осы конкурста гимназияның информатика пәнінің мұғалімі Абылгазина Э.Т. ІІ және 11-сынып оқушысы Имангалиев Рустам І дәрежелі дипломмен марапатталды. Рустамды және оның жетекшісі Абылгазина Э.Т. жеңістерімен құттықтаймыз!

Жалпы орта және қосымша білім беру ұйымдарындағы білім алушылардың арасында Қазақстан Республикасы Білім және ғылым министрлігінің «Республикалық қосымша білім беру оқу-әдістемелік орталығы» РМҚК Тұңғыш президент күніне арналған «Менің елімнің көшбасшысы» тақырыбында сырттай байқау өткізеді. Байқау 2014 жылғы 27 қазан - 24 қараша аралығында балаларға арналған www.ziyatker.org ғылыми-танымдық сайтта сырттай өткізіледі.

Қазанның 16-18 күндері аралығында гимназияда дәстүрлі «Алтын күз» мерекесі өтті. 5-7 сыныптар арасында «Жайдары күз, жарқын күз» мерекесіне оқушылар асқан шеберлікпен дайындалып келді. Әр сыныптан Күз ханшайымы мен ханзадасы жаңа стильде өздерін таныстырып түрлі кино, музыка жұлдыздары ретінде сахнаға шықты.

2-ші қазан күні Астана қаласында Тәуелсіздік Сарайында Қазақстан Республикасының білім және ғылым министрі А.Б.Сәрінжіповтың қатысуымен Мұғалімдер Күніне орай өткен салтанатты рәсімде «Үздік педагог» атағына ие болған ұстаздардың есімдері аталды. Павлодар облысынан «Үздік педагог» атағына ие болған ұстаздарының бірі гимназияның физика пәнінің мұғалімі Кабылбекова Алмагуль Серикбаевна. Алмагуль Серикбаевнаны құттықтаймыз!

Білім көшін жылжытып келе жатқан ұстаздар қауымын кәсіби мерекелерімен шын жүректен құттықтаймыз! Асылы, ұстаз алдын көрмеген, оқушы болмаған тұлға кемде-кем шығар. Ал осынау мамандықтың ыстығына күйіп, суығына тоңып жүрген жандарға деген құрмет шексіз! Құрметті ұстаздар! Сіздерге сыр бермес денсаулық, толағай табыс, отбасыларыңызға амандық тілейміз! Шәкірттеріңіз биік шыңдардан көрініп, еңбектеріңіз ақтала берсін!

2014 жылғы 1 қазан күні Павлодар қаласы № 2 жалпы орта білім беру мектебенде «Жылдың үздік психологі» облыстық конкурс өтті. Конкурсқа Павлодар облысының жалпы білім беретін мектептерінен 37 психолог қатысты. Конкурс қорытындысы бойынша ІІ дәрежелі дипломмен гимназия психологі Шаймарданова Назигуль Тусупқызы марапатталды. Назигуль Тусупқызын құттықтаймыз! Еңбегіңізге шығармашылық табыс тілейміз.

29.09.2014 жылы мұғалімдердің 3 айлық кәсіби біліктілігін арттыру курсының бірінші (ілгері) деңгей бағдарламасының тәжірибелік кезеңін өтіп жатқан менторлар Тулеубаева К.Б. және Муханова У.К. «Сұрақтар қарым-қатынастың негізгі нысаны» тақырыбы бойынша коучинг сессиясын өткізді. Мақсаты: оқыту мен оқудағы жеті модуль аясында сұрақтарды дұрыс қоя білудің зерттеушілік әңгіме арқылы диалогқа түсудегі маңызын анықтау болды.

25.09 күні гимназияда тілдер мерекесіне орай қазақ тілі мен әдебиеті және шет тілдер мұғалімдерінің ұйымдастыруымен «Тілім – тірлігімнің айғағы» атты фестиваль өтті. Фестиваль барысында оқушылар мәнерлеп оқу сайысына қатысып, мәнерлеп оқу шеберліктерін көрсете білді. Жүлдегер атанған оқушылар марапатталды.

17.09 күні Тілдер мерекесі қарсаңында 3-10 сыныптар аралығында қазақ тілі, орыс тілі, ағылшын тілі, қытай тілінде мәнерлеп оқу сайысы өткізілді. Сайысқа барлығы 24 оқушы қатысты. Сайыскерлер 10 балдық жүйемен бағаланды. Мәнерлеп оқу сайысында келесі шарттарға көңіл бөлінді: өзін сахнада дұрыс ұстау, өлеңді жатқа айту, өлеңнің сөздерінің түсінікті болуы, мәнері, дауыс ырғағы.

Біздің гимназиямыздың физика пәнінің мұғалімі Қабылбекова Алмагуль Серикбаевна Республикалық «Үздік педагог- 2014» байқауына қатысып, жеңімпаз болып атанды. Алмагуль Серикбаевнаны құттықтаймыз! Еңбегіңіз әрқашан жемісті болсын!