Лагерьлерде жұмыс жасаған педагогикалық қызметкерлер, жаз бойы балалармен тиімді өткізген шараларын, барлық шеберліктерін облыстық «Бала достары» атты байқау-конкурсында көрсетті. Байқаудың мақсаты жазғы кезеңде балалармен әртүрлі нысанда жұмыс жасауға шығармашылық ізденісті қолдау болып табылды. Конкурс қорытындысы бойынша гимназия командасы ІІІ жүлделі орынды иеленді.

ҚР Білім және ғылым министрлігі «Дарын» РҒПО ұйымдастырған 2012-2013 оқу жылының сырттай оқу мектебінде үлгілі нәтиже көрсеткен үшін 10-сынып оқушысы Ибраева Сая, 8-сынып оқушысы Еркінжасов Арман Алматы қаласының «Тау-Самал» сауықтыру санаториіне шақыру алды. Мәдени-танымдық ауысымның қортындысы бойынша Арман Еркінжасов биология пәнінен ІІ дәрежелі, Ибраева Сая тарих пәнінен ІІІ дәрежелі дипломмен марапатталды.

«Балдәурен» лагерінің балалары күнделікті уақытын қызықты да пайдалы өткізуде. 13 маусым күні «Шебер қолдар» байқауы өткізілді. «ЖасStar» тобы мен «Шұғыла» тобы шығармашылық қабілеттерін ерекше ұсынса, «Күн шуақ» тобы жапырақтардан түрлі аң-құстардың суретін салуда асқан шеберлік көрсетті.

«Балдәурен» жазғы сауықтыру лагерінде күн сайын түрлі шаралар ұйымдастырылуда. 11 маусым күні лагердің 4 топ мүшелері мен тәрбиешілері Потанин атындағы өлкетану мұражайын тамашалап, содан кейін Ертіс өзені бойымен 1 сағаттық серуен жасап келді. Бүлдіршіндерің шаттық сезімдерінде шек жоқ. Мұражайдағы әрбір экспонатына қызығушылық көрсетіп, түрлі сұрақтар қойып, Ертістің көрікті табиғат ғажайыптарына тамсана да, таңдана қарасты.

10 маусым күні «Балдәурен» сауықтыру лагерінің тәрбиеленушілері өз жетекшілерімен бірге қалалық жағажай аумағына танымжорыққа барып, уақыттарын қызықты да пайдалы өткізе білді. Балалар мен ұстаздар түрлі спорт ойындарына, түрлі халықтардың ұлттық ойындарына белсене қатысып, әр топ өздерінің күш-қайраттарын, жігерліліктерін, дене шымырлығын көрсете білді. Бұл іс-шара барлық қатысушыларыныңы көңілінен шықты.

10 маусым күні «Мемлекеттік тілдегі ең үздік білім сайты» атты облыстық сайыс өтті. Сайысқа 36 білім беру ұйымдары қатысып, оның 26 ақтық кезеңге жолдама алды. Сайыс қорытындысы бойынша орта білім беру ұйымдары арасында Абай атындағы дарынды балаларға арналған № 10 лицей-мектебі І орынды, Дарынды балаларға арналған №3 гимназия ІІІ орынды, біздің гимназияның сайты ІІ орынды иеленді.

2013 жылдың 7 мамыр күні Ақсу қаласының дарынды балаларға арналған мамандандырылған гимназиясының 21 түлегі ҰБТ тапсырды. Нәтижесінде орташа ұпай - 98,95%. «Алтын белгі» төсбелгісіне үміткер оқушылардың 5-уі өз білімдерін дәлелдеді. Олар: Амангельды Асия, Ахметова Замира, Сейльханова Дария, Михайленко Юля, Мұхитов Қасымхан. Ең жоғары көрсеткіш 120 ұпайды Сейльханова Дария алды. Құттықтаймыз!

Әдістемелік кеңесте жыл бойы істелген жұмыстар барысында директордың ғылым жөніндегі орынбасары Аккентаева К.М. есебі тыңдалды. "Жаңашылдыққа талпыныс – ортақ іс" тақырыбында көрме ұйымдастырылып, әдістемелік бірлестік жетекшілері өз ойларын ортаға салды. "АКТ -педагогикалық іс-әрекетте" байқауының қорытындысы негізінде МИФ бірлестігі Құрмет грамотасы мен бағалы сыйлықпен марапатталды.

«Балдәурен» лагерінде бүгін «Денсаулық күні». Оқушыларды салауатты өмір салтына баулу мақсатында топтар арасында марафон жарысы, ҚР белгілі спортшылары туралы сөзжұмбақ жарысы, минифутболдан «Балдәурен» біріншілігі, эстафета жарыстары өткізілді. Балалар топты тебу, тепе-теңдікте тұру, алысқа доп лақтыру, ұзындыққа секіру, секіргішпен секіру, обруч айналдырудан «Балдәурен» рекордтарына қол жеткізіп, чемпион атанды.

Гимназияның «Балдәурен» сауықтыру лагерінде 5-маусым Табиғатты қорғау күніне орай «Табиғатты аялайық» тақырыбында түрлі шаралар өткізілді. Лагерьдегі әр топ табиғи материалдардан түрлі костюмдердер дайындап қорғады.Табиғатты қорғау тақырыбында түрлі тақырыптық суреттерді құрастырып, жұмбақ шешті. Мектеп алдындағы алаңда «Мен табиғат қорғаушысымын» атты топтық сурет байқауы өтті.

Бағдарлы лагерьдің жұмысы оқушыларды олимпиадаға, ғылыми жобаға дайындау, олардың шығармашылық, танымдық қабілеттерін дамыту, ой өрісін кеңейту бағыттары бойынша ұйымдастырылды. 5-10 сынып оқушыларымен мұғалімдер және жоғары оқу орындарының ғалымдары жұмыс жасап жатыр. Бағдарлы лагерьге 56 оқушы қамтылған.

27-30 мамыр аралығында Алматы қаласында өткен Республикалық «Айгөлек» телефестиваліне барған «Айгөлек» би тобымыз екі кезеңнен де сүрінбей өтіп, облыс құрамында барған өнерпаздардың арасынан озып шығып, келесі кезеңге жолдама алды. Бүлдіршіндерімізді байқауға жоғарғы деңгейде өнер көрсетуге дайындаған, ансамбль жетекшісі Зембаева Динара Ниғматуллақызы.