2013 жылы 12 ақпанда физика пәнін ағылшын тілінде оқитын 8-сынып оқушылары мен пән мұғалімі А.С.Кабылбекова тәжірибе алмасу мақсатында дарынды кыз балаларға арналған облыстық қазақ-түрік лицей-интернатына барды.

2013 жылы 4-9 ақпан аралығында гимназияда мектепішілік дәстүрлі Мұқағали оқулары апталығы өтті. Осы орайда 4 ақпанда мектеп кітапханасында мәнерлеп оқу байқауы өткізіліп, байқауға 21 оқушы өтініш білдірсе, 7 ақпан күні ақынның сөзіне жазылған әндерді орындау байқауы өткізілді. 9 ақпан күні «Таң қалма, Мұқағали заңғарға» атты қорытынды кешпен жалғасын тауып, мәнерлеп оқу, ән байқауының жеңімпаздары марапатталды.

6 ақпан күні Ақсу қаласы дарынды балаларға арнлған мамандандырылған гимназияда Бұһар Жырау атындағы әдебиет және өнер мұражайының ұйымдастыруымен ҚР жазушылар одағының мүшесі,ақын Шолпан Байғалымен кездесу өтті. Кездесу барысында ақын өзінің әдебиеттегі ақындық жолы мен поэзиясына ерекше тоқталып, оқушыларды өлеңдерімен сусындатты.

2013 жылы 5 қантарда педагогикалық ұжыммен «Жаңаша оқыту - заман талабы» тақырыбында семинар өткізілді. Мұғалімнің педагогикалық шеберлігіне және оқушылардың білімдерін арттыруда 7 модульдің қалай көрініс табатының 3-ші деңгейдегі дайындық курсынан өткен қазақ тілі мен әдебиеті пәнінің мұғалімдері Жакупова С.С., Ғазиз Е.Ғ. айқындап, ой бөлісті.