Оқушыларымыздың демалыс уақытында танымдық-мәдени орындарға барып, өңіріміздің тарихымен, белгілі тұлғаларымен танысуы дәстүрге айналды. 6а-сынып оқушылары күзгі демалыс уақытында облыстық Потанин атындағы мұражайда болып қайтты. Ата-аналардың қолдауымен танымдық саяхатты ұйымдастырған сынып жетекшісі Тулеубаева Г.Б.

29 қазан күні гимназияда 8-11 сынып оқушыларының ғылыми жобалар конкурсының қалалық кезені өтті. Қалалық кезеңге 34 оқушы 23 жобамен қатысты. Оқушылар информатика, химия, қолданбалы математика, адам және қоғам, тіл білімі секциялары бойынша жүмыстарын ұсынды. Қорытындысында 22 ғылыми жұмыс облыстық іріктеу кезеңіне ұсынылды.

2019 жылғы 29 қазанда Павлодар қ. №25 ОМ-де 1-7 сынып оқушыларының «Зерде» облыстық конкурсы өткізілді. Конкурс қорытындысы бойынша Тоқтамысов С. мен Мұрат А. (1-сынып), Қаршыға Б. мен Сабыржан Д. (4 сынып), Алтаева А. мен Хурмангаз Т. (5 сынып), Жумабаев С. мен Ақылжан Е. (6 сынып) жүлделі ІІ орынға, ал Абраева Д. бен Әбілхан А. (2 сынып), Қайролла Н. мен Шахмет М., Қибрат К. мен Қасқарбай А. (3 сынып) ІІІ орынға ие болды.

2019 жылдың 23-24 қазанда гимназиямыздың 10-сынып оқушысы Баянбат Ерасыл мен 9-сынып оқушысы Жанибек Жансая "Болашаққа жол өзіңнен басталады" атты семинар-тренингке қатысып қайтты. Елбасы кітапханасы қоры, оның ішкі мазмұны мен түрлі танымдық кездесулер оқушыларымызға үлкен әсер беріп, болашаққа жарық сәулесін төкті. Ал Жансая "Әлеуметтік желідегі ең үздік жарияланым" байқауының жеңімпазы ретінде мадақтамамен марапатталды.

25 қазан күні Ақсу қаласының Иманжүсіп Құтпанұлы атындағы спорт сарайында классикалық шахматтан облыс әкімімінің кубогы үшін турнир өткізілді. Гимназиямыздың 2-сынып оқушысы Қайролла Нұрбол жүлделі ІІ орынды жеңіп алды. Ал Даулетов Бейбарыс IV орынға иеленіп, медальмен марапатталды. Оқушыларды дайындаған шахмат үйірмесінің жетекшісі Жекебай Мақсатхан.

22 қазан күні Павлодар қаласында "Ертіс дарыны" орталығы және С.Торайғыров атындағы Павлодар мемлекеттік университетінің ұйымдастыруымен өткізілген облыстық көптілділік олимпиадасында гимназиямыздың 10 сынып оқушысы Баяманова Аида мен 9 сынып оқушысы Шакбекова Даяна жүлделі І орынды жеңіп алды. Жетекшілері ағылшын тілі мұғалімдері Сыздыкова М.К. мен Нургалиева С.Е. Құттықтаймыз!

10 қазан күні Павлодар қаласының №25 ОМ-де өткен XIV облыстық Мұқағали Мақатаев оқуларынынан гимназиямыздың 9-сынып оқушысы Жанибек Жансая жүлделі II-орынға және 10-сынып оқушысы Құрмашева Дильназ құрмет грамотасына ие болды. Жетекшілері Шапауова Асем Сембиевна және Есенгожина Ақмарал Еркеновна. Құттықтаймыз!

Аймақтық оқу-тәжірибелік дене тәрбиесі орталығының ұйымдастыруымен Павлодар қаласында өткізілген Ұлы отан соғысы Жеңісінің 75-жылдығына арналған облыстық "Жас ұлан" әскери-спорттық ойында аудандар арасында гимназиямыздың командасы ІІІ орынды иеленді. Жетекшісі Джамалбаев Мейрам Сағатұлын және команда мүшелерін құттықтаймыз! Жеңісті күндеріміз көп болсын!

3 қыркүйек күні Ақсу қаласының С.Дөнентаев атындағы мәдениет сарайында барша мұғалімдер қауымына арналған салтанатты жиын өтті. Салтанатты жиында жоғары нәтижеге қол жеткізген мұғалімдері марапатқа ие болды: Есенгожина Ақмарал Еркеновна БжҒМ құрмет грамотасымен, Жаксыбекова Меруерт Женисовна білім басқармасының құрмет грамотасымен, оқу ісінің меңгерушісі Джамалбаева Сайран Сағатовна қала әкімінің құрмет грамотасымен марапатталды.

3 қыркүйек күні гимназиямызда Республикалық экологиялық сағат өтіп, оқушылар табиғи ресурстарды үнемдеу, экологиялық апаттың алдын алу бойынша білімдерін тереңдетіп, табиғатты сақтауда өз үлестерін қосты.

Облыстық "Адал ұрпақ" клубтары арасында өткен слетында гимназиямыздың командасы «Оқушыларды сыбайлас жемқорлыққа қарсы тәрбиелеу» презентациясы бағытында ІІ жүлделі орынды иеленді. Команда құрамы: 9-сынып оқушылары Жомартұлы Айдын, Жамбыл Ақмарал, Жанибек Жансая, Берденбекқызы Амина, Арынова Дария, 10-сынып оқушылары Баянбат Ерасыл және Хаманай Асхат, 8ә-сынып оқушылары Сайыпова Асем және Садыбекова Арайлым.

"Бір ел - бір кітап" науқаны аясында жоғары сынып оқушыларымен Ә.Кекілбаевтың "АҢЫЗДЫҢ АҚЫРЫ" романымен танысу, пікірлесу сағаты өтті. Қазақ тілі мен әдебиеті пәні мұғалімі Дария Амантаевна оқушыларды ақынның өмірі, шығармашылығымен таныстыра отырып, романның қазіргі өмірмен, ұлт мүддесімен астасып жатқанын, өшпес құндылықтарды тәрбиелейтін тұстарын жеткізе білді.