Гимназияда ашылған география орталығының жоспары негізінде 29.01 күні ZOOM платформасы арқылы облыстық география пәні мұғалімдеріне арналған «География пәні бойынша оқушыларды олимпиада жұмыстарына бейімдеу» тақырыбында семинар өткізілді. Семинарды гимназия директорының ғылым жөніндегі орынбасары Аккентаева К.М. жүргізді. Семинар барысында ағымдағы оқу жылындағы республикалық «Үздік педагог-2020» байқауының жүлдегерлері гимназияның география пәнінің мұғалімі Альдекенова А.Т. мен Дарынды балаларға арналған Абай атындағы гимназияның география пәні мұғалімі Төлегенов С.Б. өз тәжірибелерімен бөлісіп, оқушыларды олимпиадаға дайындау барысында қолданылып жатқан тиімді бағдарламалармен жұмыс істеу барысын түсіндіріп берді. Ұстаздар жұмыстарына қажетті құнды мәліметтер алғанын айта отырып, желілік қауымдастық арқылы оқушылар арасында пән бойынша олимпиадалар ұйымдастыру туралы айтылған ойға қолдау білдірді.