Гимназиямыздың 6а сынып оқушысы Жукенова Жания халықаралық “ZHULDYZ ART KAZAKHSTAN” байқауында пианино бағыты бойынша Гран При, хореография бағыты бойынша жүлделі І орынды иеленді. Құттықтаймыз!

Дәстүрлі түрде өтетін қорытынды әдістемелік кеңесте жыл бойы атқарылған әдістемелік жұмыстың қортындысы шығарылып, атқарылған істерге сараптама жасалды. Облыстық, республикалық деңгейде жетістікке жеткен мұғалімдер мен сынып оқушыларын нәтижелі жұмыс пен ұйымшылдыққа жұмылдыра білген сынып жетекшілер марапатталды. Барлық марапатталған мұғалімдерді құттықтаймыз

1 маусым Балаларды қорғау күні гимназияның 10 сынып оқушылары Каиржанова Аида мен Махсатхан Қымбат қалалық мерекеде Ақсу қаласы әкімі Нұрлан Дюсембиновтың марапаттауына ие болды. Аида мен Қымбат облыстық, республикалық додалардың жеңімпазы.

Міне тағы бір оқу жылы аяқталып, соңғы қоңырау мерекесіне арналған салтанатты жиын өтті. Биылғы гимназияны аяқтап отырған 28 түлегімізге сәттілік тілейміз. Жолдарың ақ, сапарларың сәтті болсын.

30 маусым күні сағат 17.00 баршаңызды жыл бойы білім мен ғылым, спорт пен өнер жолында биік жетістіктерге жеткен оқушыларды марапаттау кешіне шақырамыз!

Гимназия әдістемелік қызметі « Жеке тұлғаға бағытталған оқыту- тиімді білім берудің негізі» бағытымен жұмыс жасауда. Осы бағытта жыл бойы атқарылған жұмыс нәтижесі 29.06 күні қорытынды әдістемелік кеңесте сараланып, үздік ұстаздар, ӘБ жетекшілері марапатталып, әдістемелік кеңес жұмысы бағаланады.

26-шы мамыр күні “1 маусым балаларды қорғау күніне” арналған пікірсайыс өтті. Пікірсайысқа 5-6 сыныптар қатысты. Пікірсайыс тақырыбы “Бұл палата еліміздегі экологиялық мәселені шешуге ең тиімді жол ұсынады”. Пікірсайыс ойыны өте қызықты өтті. Ойын ортасын қатысушылар өз сұрақтары арқылы қыздыра түсті.Әр фракция өз позициясын нық қорғап шықты. Тағы айта кетерлік нәрсе ол көрермендер де өз ойымен қай позицияны қолдайтынын бөлісті. Үздік спикер бойынша 6”А” сыныбынан Хусман Мұхамедәли мен 6”Б” сыны

Конфессияаралық қатынастарды талдау және дамыту орталығы мамандарының ұйымдастыруымен жоғары сынып оқушыларымен “Діни білімді әлеуметтік желілерден іздеу қаупі” тақырыбында кездесу өткізді. Орталықтың теолог-эксперті Ж.Бертымұратов мен түсіндіру- ақпарат бөлімінің меңгерушісі З.Асанбаева түрлі діни ағымдардан сақ болуға, интернеттегі ақпаратты тексеріп қана қолдану, алдау-арбауға түсіп қалмаудың жолдары туралы түсіндіріп өтті.

2023 жылдың 22 мамыр күні гимназияда 4 “а” және 4 “ә” сынып оқушыларына арналған психолого-педагогикалық консилиум өтті. Консилиум тақырыбы: "Бастауыш білім беру сатысы мен негізгі мектеп арасындағы сабақтастық". Консилиум барысында болашақ 5 сынып пән мұғалімдері Lesson study бойынша өздері қатысқан сабақтардағы оқушылардың білімі мен белсенділіктеріне талдау жасады.

Бос орындарға оқушыларды конкурс негізінде қабылдайды: 4, 6, 7, 8, 9, 10, 11-сынып Қажетті құжаттар: ✓Өтініш үлгі бойынша; ✓ ТУу туралы куәлік, ЖСН; ✓Оқу орнынан электрондық мекенжайы мен фотосы бар анықтама; ✓ 3/4 фотосурет, 2 дана. ✓оқу жетістіктері (табель,диплом)

Мектебімізде READx жобасы өткізілді, жобаға 5 спикер қатысып, олар тыңдаушылармен өздерінің ішкі жан-дүниелеріне, көзқарастарына аса қатты әсер еткен шығармалары мен кітаптары жайында ой бөлісті. 6”ә” сынып оқушыларынан құралған спикерлер жобаға келген тыңдаушыларға көтеріңкі көңіл-күй мен ерекше шабыт сыйлады. Тыңдаушыларға «Оқимын!» және «Ойланамын!» дауыс беру карточкалары таратылып, шара соңында карточкалар арқылы “Үздік спикер” және “Үздік шығарма” анықталды.

Құрметті ата-аналар! 5 маусымнан бастап мектеп жанындағы сауықтыру лагері мен бағдарлы лагерь өз жұмысын бастайды. Лагерьде оқушыларды түрлі мәдени-танымдық, спорттық ойындар, сауық шаралары, танымжорықтар мен шеберлік сабақтары,сондай-ақ түрлі бағыттағы сайыстарға , олимпиадаларға, жобаларға дайындық күтуде. Барлық ақпаратты сынып жетекшілер арқылы және гимназияның жұмыс телефондары арқылы білуге болады: т.4-90-07 Жазғы демалысты қызықты, әрі пайдалы өткізейік.