Қазақстан халқының бірлігі күніне орай «Бір шаңырақ астында» паннолар көрме-байқауы өткізілді. Өздеріне тапсырылған ұлт өкілінің ұлттық киімдер үлгісін түрлі табиғи, басқа да материалдардан жасай отырып, барлық қатысушылар шығармашылық пен тапқырлық танытты.Көрмеге жұмыстарын қоя отырып, сол ұлттың киім үлгісіндегі ерекшеліктерін таныстырып өтті. Барлық қатысушыларға,қолдау көрсеткен ата-аналарға алғыс білдіреміз.

28 сәуірде қоғамдық-гуманитарлық бағыттағы пәндер бойынша облыстық жасөспірімдер олимпиадасы өткізілді. Олимпиаданың қорытындысы бойынша Қазақстан тарихынан Бериков Даниал 2 орын (мұғалімі Устаева А.С), орыс тілі мен әдебиетінен Базарбаева Даяна 3 орын (мұғалімі Ахметова А.М), қазақ тілі мен әдебиетінен Сабиғанова Аружан 3 орын (мұғалімі Айтмаганбетова Б.Ж), ағылшын тілінен Алтаева А. 3орын (мұғалімі Сыздыкова М.К), Айткенова Алуа 3 орын (мұғалімі Конакбаев Е.М) иегері атанды.

1мамыр - Қазақстан халқы бірлігі күніне орай оқушылар арасында “Қазақстан - ынтымақ мекені” суреттер байқауы ұйымдастырылды. Мереке қарсаңында байқау жеңімпаздары дипломмен, тәтті сыйлармен марапатталды

26 сәуір күні гимназияда 1 мамыр мерекесі қарсаңында жоғары сынып оқушылары арасында спорттық сайыс ұйымдастырылды.

“Гуманитарлық пәндер бірлестігі” апталығының аясында Мағжан Жұмабаевтың 130 жылдығына орай гимназияда 6, 7-9 сыныптар арасында “Мағжан оқулары” өтті. Мақсаты: Мағжан Жұмабаев мұрасын жас ұрпаққа насихаттау және ұлттық құндылықтарды дәріптеу.

“Гуманитарлық пәндер бірлестігі” апталығының аясында Мағжан Жұмабаевтың 130 жылдығына орай 3-5 сыныптар арасында “Мағжан оқулары” өтті. Мақсаты: Мағжан Жұмабаев мұрасын жас ұрпаққа насихаттау және ұлттық құндылықтарды дәріптеу.

Гуманитарлық пәндер апталығы аясында Мағжан Жұмабаевтың 130 жылдығына орай "Мен жастарға сенемін" фильмінің желісі бойынша 9 сыныптар арасында киновикторина өтті. Нәтижесінде 9ә сыныбы жеңіске жетті.

Гуманитарлық пәндер апталығы аясында осындай кемеңгер тұлғалардың ерлігін дәріптеу мақсатында 6-7 сынып оқушыларымен “Тұлғаны таны” интеллектуалдық сайысы өтті. ІІІ кезеңнен тұратын сайыста оқушылар тарихи оқиғалар, мерзімдер, ғалымдардың олар туралы айтқан пікірлері арқылы жасырын тарихи тұлғаны анықтай алды.

Облыстық “Жарқын болашақ” олимпиадасында гимназия оқушылары жеңімпаз бен жүлдеген атанды. "Сөз шеберлері” бағытында Партияқызы Арайлым 1 орын, “Жас қаламгер” бағытында Ахметова Айдана 2 орын, “Білгірлер бәйгесі” бағытында Калмахан Жасмин 2 орын. Мұғалімдері Аймағамбетова Бакыт Жумабаевна, Алепарова Райгүл Токановна, Нургалиева Дария Амантаевна. Олимпиадаға баптаған жетекшілерін және оқушыларды шын жүректен құттықтаймыз!

Ата-бабамыздан қалған осындай өсиет сөздері арқылы адамгершілікке, ойын нақты дұрыс жеткізуге, тапқыр сөйлеуге, салмақты ой айтуға үйрету, ана тілінде сөйлеу шеберлігін арттыру, сөздік қорын молайту мақсатында 5-сыныптар арасында «Мақал - сөздің мәйегі» атты сайыс өткізілді. Оқушылар сайысқа белсене қатысты. Сайыс нәтижесі бойынша жеңімпаздар қортынды әдеби кеште марапатталады.

24 сәуір күні «Тіл мен тарих – ғасырлар куәсі» тақырыбында гуманитарлық пәндер бірлестігінің апталығының ашылуы оқушыларға мерейтой иелері М.Жұмабаев, Ш.Құдайбердиев, С.Торайғыров сынды ғұламалардың өлеңдерін оқытып, қазақ халқының рухани болмысының, мәдениетінің, дүниетанымының тұғыры биік асыл мұрасы – күй өнерінің сыңғырлаған үнімен басталды.

Жаратылыстану-математикалық пәндерді ағылшын тілінде оқыту апталығы дәстүрлі түрде "Не? Қайда? Қашан?" интеллектуалды ойынымен қортындыланды. 8-11 сынып оқушыларынан құралған "Білгіштер" командасы, гимназия оқушылары, түлектері қойған сұрақтарға дәлелді жауап беріп, 6:4 есебімен жеңіске жетті. Сондай-ақ апталықта белсеңділік танытып сайыстарға қатысқан оқушылар марапатталды.