Күзгі демалыс кезінде 5-6 сынып арасында футбол жарысы ұйымдастырылды. Оқушыларымыз асқан белсенділікпен қатысып, тамаша ойын көрсетті. Нәтижесінде: 1 орын -5”а” сынып; 2 орын-5”ә” сынып; 3 орын-6”ә” сынып; 4 орын-6”а” сынып; 5 орын-5 “б” сынып. Ұйымдастырушы дене шынықтыру мұғалімі Хавал Нұртай.

"Өрлеу" біліктілікті арттыру ұлттық орталығы АҚ "Павлодар облысы бойынша Кәсіби даму институты" филиалының атқарылуы бойынша, Ақсу білім бөлімінің ұйымдастыруымен №8 ЖОББ мектебінде Ақсу өңірінің ұстаздарына арналған үшкүндік практикалық семинары өтті. Гимназиямыздың қазақ тілі мен әдебиеті мұғалімі А.Е.Есенгожина, орыс тілі мен әдебиеті мұғалімі К.Б.Тулеубаева, ағылшын тілі мұғалімі А.Ж.Письмиленова өз тәжірибелерімен бөлісті.

Күзгі каникул кезінде 4-5 сынып оқушылары арасында тоғызқұмалақтан жарыс өткізілді. Нәтижесінде: 1 орын Абылай Нұрсұлтан 5”а” сынып, 1 орын Каркен Аия 5”а” сынып, 2 орын Берикова Даяна 4 сынып, 2 орын Нұрланбек Мәди 5”а“ сынып, 3 орын Құдайбергенова Айша 4 сынып.

Күзгі каникул жоспарына сәйкес 5-6 сыныптар қыздар арасында флорболдан жарыс өтті. Барлығы 4 команда қатысты. Жарыстың нәтижесі бойынша 6а 1-орынға, 5а сынып 2-орынға және 5ә сынып 3-орынға ие болды.

Мәртебесі биік, Еліміздің тарихында айрықша маңызы бар, қайта жаңғырып, лайықты орнына ие болып жатқан Ұлттық Мейрамымыз - Республика күні мерекесімен құттықтаймыз! Басымызға қонған бақ баянды болып, Еңбегіміз жанып, Отбасыларымыз аман болып, Ұл -қыздарымыздың қызығын көріп, Тасымыз өрге домалай берсін!

Мереке қарсаңында Ақсу қалалық “Аманат” партиясының Алғыс хатымен маратталдық. Қоғамдық жұмыстарға белсене қатысып жүрген еңбегімізді бағалаған партия төрағасы Бибігүл Хамидуллаевнаға рақмет айтамыз. Егемендік пен тәуелсіздіктің символы болған республика күні құтты болсын! Еліміз аман, жұртымыз тыныш, көк байрағымыз желбірей берсін!

Облыстық “Үздік мектеп кітапханасы” байқауында гимназия кітапханашысы жүлделі ІІІ орынды иеленді. Гүлжан Ирановна, құтты болсын!

Облыстық көптілділік олимпиадасында 9а-сынып оқушысы Сабиганова Аружан 2-орынға ие болды. Аружан мен пән мұғалімдерін Аймагамбетова Бакыт Жумабаевнаны, Толеубаева Кульжайнат Бекежановна, Сыздыкова Мадина Канапьяновнаны құттықтаймыз!

Республика күніне арнау, Махсатхан Қымбат 10 сынып.

Республика күніне орай “Отаным - баға жетпес байлығым” атты тәрбие сағаттары ұйымдастырылды.

«Менің шағын Отаным» жас тарихшылар облыстық зияткерлік конкурсында «Шағын Отанымның символы» номинация бойынша 10-сынып оқушысы Жиенхан Сая І орынға; «Менің шағын Отанымның тарихы » номинациясы бойынша 8-сынып оқушысы Ахметова Айдана және «Менің туған өлкем» (эссе жазу) номинация бойынша 10-сынып оқушысы Кайыргалым Жансұлу ІІІ орынға ие болды.

Ғасыр данасы Қаныш Сәтбаевтың 125 жылдығы қарсаңында гимназия оқушылары ғалымның туған жеріне саяхаттап, мұражайына барып қайтты. Мұражай қызметкерлері мол мұрағатқа жиналған ғалымның өмірі мен еңбек жолымен,ұрпақтарының өмірбаянымен таныстырып, мәжіліс залында шағын дөңгелек үстел ұйымдастырды. Оқушылар ғалымның жеке заттарын, жұмыс құралдарын көріп, мол мұрасынан тағлым алды.