Наурыз мерекесі қарсаңында “Сәндік қолөнер” үйірмесі оқушыларының ұйымдастыруымен “Көктем шуағы” көрмесі ұйымдастырылды. Көрмеге оқушылардың үйірмеде жасаған қолөнер бұйымдары қойылып, көпшілікке таныстырылды.

Бүгін – Ұлттық киім күні. Ұлт рухының шағылысы. Ұлттық киімге арналған бұл күн ата-бабамызды, ұрпақтан-ұрпаққа жалғасып келе жатқан әдет-ғұрыптарды еске алатын ерекше кезеңге айналады.

Республикалық “Ақ шағала” фестиваль-конкурсының облыстық кезеңінде гимназиямыздың “Айгөлек” үлгілі би ансамбілі Бас жүлдеге ие болды. Жетекшісі Динара Зембаева. Құттықтаймыз!

Бүгін 14 Наурыз - Көрісу күні. Өкпе, ренішті ұмытып, төс түйістіріп, қол алысып көрісетін күн. Мектебімізде атаулы күнге орай оқушылар мен мұғалімдер төс түйісьіріп амандасып, бір-біріне игі тілектерін білдірді. Үлкендер бата беріп, шашу шашып, мерекенің ажарын ашты.

5 Наурыз күні гимназияда “Позитивті ойлау-өмір негізі” атты тақырыпта ұстаздар қауымымен семинар-тренинг болып өтті. Семинар-тренинг барысында позитивті ойлаудың пайдасы, позитивті ойлау әдістері мен жаттығулар туралы ақпараттар беріліп, мұғалімдермен тренингтік жаттығулар ұйымдастырылды. Семинар тренингті ұйымдастырған гимназия психологы Шаймарданова Н.Т.

Алматы қаласында 2024 жылғы 5-6 наурыз күндері дәстүрге айналған Ө.Жолдасбеков атындағы математика және механика бойынша XIV Халықаралық конкурсы өткізілді. Дарынды оқушымыз Шайфуллина Анель «Дарын» РҒПО-ның Құрмет грамотасымен марапатталды. Жетекшісі Баймұрат Жазира мен Анельді құттықтаймыз!

“Қаныш Сәтбаев атындағы дарынды балаларға арналған мамандандырылған гимназиясы” КММ 2024-2025 оқу жылына 5-сынып оқушыларын конкурс негізінде қабылдайды. Тіркеуді qabyldau.daryn.kz сайтында не мектепте 01.02.2024-15.04.2024 аралығында өте алады.

Гимназия парламенті 8 наурыз мерекесі қарсаңында ұжымдағы мұғалімдерді, қызметкерлерді ерекше құттықтап, мерекелік көңіл-күй сыйлады. Рақмет!

8 наурыз - жылдың ең аяулы, жарқын және тамаша күні! Құрметті мұғалімдер, аналар, әжелер, арулар шаңырақтарыңыз бен өмірлеріңіз жылулыққа толы болсын. Табиғаттың әсемдігі сарқылмайтын шабыт сыйласын. Көктемнің өмірлеріңіздегі өте қалаулы және әдемі оқиғаның бастамасын білдірсін! Мейрамдарыңызбен!

12-16 ақпан аралығында МИФ апталығы өткізілді. Жоспар бойынша дүйсенбі күні апталықтың ашылуы жарияланды. Онда балалар сабаққа келген бетте арнайы тақтаға үрленген шарлардың ішіне жасырылған сұрақтарды алып жауап берді. Сұраққа жауап берген оқушылар дұрыс жауаптары үшін алдын-ала келісілген тәтті сыйлықтан алды. Сол куні үзіліс арасында 2 қабатта «Крестики-нолики» ойыны 6а, 6ә, 6б, 4, 5а, 5ә, 5б сыныптар арасында ойнатылды және жеңімпаздар тәтті сыйлықпен марапатталды.

Көктем мерекесі қарсаңында гимназиямызда бірыңғай тәрбие тұжырымдамасы негізінде “Әжелер-көңілдің ажары, Немере-өмірдің базары” атты әжелер мен немерелер байқауы ұйымдастырылды. Байқау мақсаты отбасылық, ұлттық дәстүрлерді ұрпақ бойына сіңіре отырып, сабақтастықты нығайту, ұлттық өнер пен дәстүрді жаңғырту.

Алғыс айту күні қарсаңында 5”Ә” сынып оқушысы Акымбекқызы Дильнура Республикалық балалар сурет және шығармалар байқауына белсене қатысып, ҚР Су ресурстары және ирригация министрлінің Алғыс хатымен марапатталды. Марапатың құтты болсын Дильнура!