“Оқуға құштар мектеп” жобасы негізінде осы тамаша шығарма бойынша Ақсу қаласы мектептері арасында үш тілде Квест ойыны ұйымдастырылды. Ойынға Қ. Сәтбаев ат. гимназия, Абай атындағы,Ы. Алтынсарин атындағы және №4,7 жалпы орта білім беретін мектептерден құралған командалар қатысты. Ойын барысында қатысушылар 5 түрлі аялдамалардан шытырман оқиғаларға толы тапсырмаларды орындап Хәрри Поттер әлеміне саяхат жасады.

“Күншуақ” лагеріндегі спорттық шаралар

“Күншуақ” жазғы лагерінде ЕРТЕГІЛЕР КҮНІ аталып өтті. Таңғы жаттығудан басталған күн түрлі орталықтарда оқыған ертегілер ізімен кейіпкерді табу, музыка арқылы ертегіні анықтау, 4 сурет 1 ертегі, ертегіні сахналау, сүйікті кейіпкерді жасау сияқты шаралармен жалғасты.

“Күншуақ” лагерінде балалар күндерін қызық әрі белсенді өткізуде.

Жазғы сауықтыру “Күншуақ” лагерінде балалар күндерін тамаша өткізді. Топтар түсті боп киініп, топтың аты мен ұранын, санамақтарын айтып, таныстырды. Топтар арасында көңілді жаттығулар, ойындар өткізіліп, шеберлік сабақтары ұйымдастырылды.

Мемлекеттік емтихан кесте бойынша өтуде. 9 -сынып пен 11-сынып оқушылары үшін мектептің мәжіліс залы арнайы дайындалды. Мәжіліс залының іші салқын, кең. Оқушылар емтихан тапсырар алдында актзалы желдетілді. Сонымен қатар желдеткіш істеп тұр.

Жыл сайын дәстүрлі түрде дарындылар мен үздіктерді марапаттауға арналған “Дарындыға - дархан жол” кеші де тамаша өтті. Биылғы оқу жылы гимназиямыз үшін өте жемісті әрі жетістікке толы жыл болды.Барлық марапатталған оқушыларды құттықтаймыз.

Конкурстық негізде Қаныш Сәтбаев атындағы дарынды балаларға арналған мамандандырылыған гимназияға қабылданған оқушылар

Аймақтық Қ.Сәтбаев олимпиадасында география пәнінен гимназиясының 8-сынып оқушысы Асылхан Альтаир және биология пәнінен 8-сынып оқушысы Атакан Дінмұхамед 3 орынға ие болды. Жетекшілері Алтын Сериковнаны, Гүлден Нұрмахамбетовна және жүлдегер оқушыларды шын жүректен құттықтаймыз!

Гимназия оқушылары мектеп алдын көгалдандыру жұмысын бастап кетті. Бұл науқанға 6”Ә” сынып оқушылары белсене қатысуда. Оқушыларды көгалдандыру жұмысына ұйымдастырған сынып жетекшісі Дария Амантаевна Нургалиева.

Гимназияда 8ә сынып оқушыларының ата-аналарымен тренинг ұйымдастырылды. Тренингтің мақсаты: ата-аналар мен балалар арасындағы қарым-қатынасты,түсіністік пен сүйіспеншілікті арттыру, оқу жылын позитивті қорытындылау. Ата-аналар мен балалар “Жұмыла көтерген жүк жеңіл”, “Ең қымбат сэлфи”, “Біздің отбасының құндылықтары” атты психологиялық жаттығулар орындады. Ата-аналар балаларына жылы сөздер айтып, олардың жақсы қасиеттерін атап өтті.

Гимназиямыздың 6а сынып оқушысы Жукенова Жания халықаралық “ZHULDYZ ART KAZAKHSTAN” байқауында пианино бағыты бойынша Гран При, хореография бағыты бойынша жүлделі І орынды иеленді. Құттықтаймыз!