Республикалық акция аясында ата-аналармен “Тұрмыстық және отбасылық зорлық-зомбылықтың алдын алу маңыздылығы” атты семинар-тренингі ұйымдастырылды. Кездесу барысында балаларға қатысты отбасылық зорлық-зомбылықтың себебі мен салдары, мәселені шешу жолдары сөз болды. Тәрбие жөніндегі директор орынбасары Г.Бакирбекова отбасындағы өзекті мәселелерге тоқсалса, Аксу полиция лейтенанты Р.Нурмакина осы мәселенің өңірдегі жағдайына құқықтық-нормативтік тұсын түсіндіріп өтті.

"Оқуға құштар мектеп" республикалық жобасы аясында гимназиямызда "Кітап жетістікке жетелейді" кіші жобасы жүзеге асырылуда. Кезекті қонағымыз жас ақын Мұхаммедқали Зарықұлы. Кездесу барысында өзінің өлеңдерімен, олардың шығу тарихымен бөлісіп, оқушыларға кітап оқу, ұлттық құндылықтарды дәріптеу, атамекенді сүю жайлы ой салардай ақыл-кеңесін берді.

Павлодар облысы білім беру басқармасының «Ертіс дарыны» өңірлік қосымша білім беру оқу-әдістемелік орталығы жалпы білім беру ұйымдарының 7-8 сынып оқушылары арасында биология пәнінен XІІ облыстық жасөспірімдер олимпиадасын өткізді. Олимпиада қорытындысы бойынша 8а-сынып оқушысы Атакан Дінмұхамед Құрмет грамотасымен марапатталды. Жетекшісі Гүлден Нурмахамбетовна мен Дінмұхамедті құттықтаймыз. Шығар шыңдарыңыз көп болсын!

2022 жылғы 25 қараша күні Павлодар облысының білім беру басқармасы, «Зерделі» ақыл-ой дамыту мектебі» ЖШС және «Дарын» республикалық ғылыми-практикалық орталығы бастауыш сынып мұғалімдерінің «Алтын тұғыр» республикалық олимпиадасының өңірлік кезеңін Торайғыров университеті базасында өткізді. Бастауыш сынып мұғалімдеріне арналған олимпиадада мектебіміздің бастауыш сынып мұғалімі Елубаева Мариям Сейсенқызы 3-орынға ие болды.

Павлодар облысы білім беру басқармасының «Ертіс дарыны» өңірлік қосымша білім беру оқу-әдістемелік орталығы 2022 жылғы 25 қарашада жалпы білім беру ұйымдарының 7-8 сынып оқушылары арасында география пәнінен XІІ облыстық жасөспірімдер олимпиадасын өткізді. Олимпиада қорытындысы бойынша 8ә-сынып оқушысы Асылхан Альтаир 3-орынға ие болды. Жетекшісі Алтын Сериковна мен Альтаирды құттықтаймыз.

«Ертіс дарыны» өңірлік қосымша білім беру оқу-әдістемелік орталығының ұйымдастыруымен бастауыш сынып оқушыларының Х облыстық математикалық турнирі 2022 жылғы 24 қарашада Павлодар қ. Ә. Бөкейхан ат. лицей-мектебінде өткізілді. Шараның мақсаты: оқушыларды жоғары деңгейдегі зияткерлік сайыстарға тиімді дайындау. Турнир қорытындысы бойынша Ерсинов Али - 2 орынға ие болды. Жетекшісі Мариям Сейсенқызы мен Алиді шын жүректен құттықтаймыз!

“Оқуға құштар мектеп” республикалық жобасы аясында гимназиямызда “Кітап жетістікке жетелейді” жобасы жүзеге асырылуда. Мақсаты: белгілі, танымал тұлғалардың жетістікке жетіп, парасаттылық шыңына жетуге ықпал еткен туындылармен бөлісуі. Алғашқы қонағымыз гимназияның тұңғыш директоры Сламбекова Рымкеш Хамитовна. Бұндай кездесулер балалардың оқуға құштарлығын арттырады деп сенеміз.

“Бала құқығы-адам құқығы” онкүндігі жоспарына сәйкес жоғары сыныптарда “ҚҰҚЫҒЫМ БАР” танымдық-құқықтық ойыны өткізілді. Ұйымдастырған құқық пәні мұғалімі І.Н.Идрисова. “Бала құқығы-адам құқығы” науқаны кезіндегі “Құқығым бар” танымдық ойыны 9 сыныптармен ұйымдастырылды.

14-18 қараша аралығында Шет тілдер апталығы өтті. Апталық аясында түрлі қызықты шаралар, радиохабарлар, сайыстар, пікірталас жоспарланып, өткізілді. 5 сыныптар арасында “Ертегілер жолымен «QUEST» ойыны ұйымдастырылды. 6-сыныптар арасында орыс тілінде "По следам литературных героев" атты quest өтті. Оқушылар түрлі орталықтарға маршрут қағазымен жүре отырып, түрлі тапсырмалар орындап, жасырылған сыйларды іздеді.

Отбасылық құндылықтар мен сабақтастықты нығайту мақсатында гимназияда “Family Day” жобасы ұйымдастырылды. Жобаға 5 сынып оқушылары аналарымен қатысып, отбасылық дәстүрлі тағамдар әзірлеу мәзірімен бөлісті. Сондай-ақ ұлттық дәстүрлер мен ұлттық тағамдар жайында түрлі сұрақтарға жауап беріп, ой жарыстырды. Қатысушылар дипломмен және шағын сыйлықтармен марапатталды. Барлық қатысқан ата-аналарға, сынып жетекшілерге алғыс білдіреміз.

Павлодар облысы білім беру басқармасының «Ертіс дарыны» өңірлік қосымша білім беру орталығы 2022 жылғы 16-18 қараша аралығында Қазақстан Республикасы Оқу-ағарту министрлігінің балалардың құқықтарын қорғау комитеті Балалар жылы аясында ұйымдастырған «Жыл оқушысы» республикалық сайысының облыстық кезеңін өткізді. Қорытындысы бойынша: Каиржанова Аида -2 орын (10-сынып); Ермекова Жулдыз - 2 орын (6-сынып). Ұстаздар мен жүлдегерлерді шын жүректен құттықтаймыз.

«Ертіс дарыны» өңірлік қосымша білім беру оқу-әдістемелік орталығы Торайғыров Университетімен бірлесе отырып 2022 жылғы 18 қарашада 9-11 сынып оқушылар арасында облыстық көптілділік олимпиадасын өткізді. Олимпиада қорытындысы бойынша: 10-сынып оқушысы Амангелді Нұрәділ - 3 орын; 11-сынып үшін қатысқан Саду Дария - 3орын. Жетекшілер мен жүлдегерлерді құттықтаймыз.