Қаныш Сәтбаевтың 125 жылдығына орай МИФ апталығы аясында информатика пәнінің мүғалімі Эльмира Турагуловнаның ұйымдастыруымен «Tugan Gala» жобалар сайысы өткізілді. Сайысқа 8-10 сынып оқушыларынан құралған командалар қатысты. Жобаның мақсаты: жергілікті инфрақұрылымды жақсарту және туған қаламыздың көркейюіне үлес қосу.
Жоба қатысушылары Ақсу қаласын көркейту бойынша өз идеяларын, 3d модельдеу программасында жасалған 3d модельдерді және жобаның презентациясын ұсынды. Әділ қазылар алқасы инфрақұрылым саласындағы пайдалы және қажетті жобаларды бағалады. Жоба қорғалғаннан кейін көрермендер арасында онлайн дауыс беру өткізілді.
Сайыстың қорытындысы бойынша барлық қатысушылар грамотамен марапатталып, тәтті сыйлықтарға ие болды.
Сайыстың қорытындысы:
Бас жүлдеге 10ә-сыныптың KRBB командасы,
1-орынға 10а-сыныптың Girls командасы,
2-орынға 8-сыныптың Гимназия Мадрид командасы,
3-орынға 8-сыныптың HomeLand командасы ие болды.
9а-сыныптың System 360 командасы «Өзекті мәселе» және 9ә-сыныптың Brawl Town командасы «Үздік мәселе» номинациясы бойынша марапатталды. 10а-сыныптың Girls командасы онлайн дауыс беру нәтижесінде ең көп дауыс жинаған номинацияға ие болды. Барлық қатысушыларға алғыс білдіреміз!