Гимназиясының 6 сынып оқушылары V дүниежүзілік көшпенділер ойындарына арналған тоғызқұмалақ челленджіне белсенді қатысты.

Отбасы күніне орай әжелер кеңесі мүшелері 5-7 сынып оқушыларымен “Отбасылық құндылықтар - сарқылмас қазына" тақырыбында өнегелі кездесу өткізді. Ақсу қалалық мұражай басшысы Гүлжанар Назкеновна отбасылық дәстүрлерімен бөлісіп, немересі Айзияға үйреткен қолөнер туындалын таныстырды. Ұлттық дәстүр арқылы отбасылық құндылықтарды сақтап, насихаттау қажеттігіне тоқталды.

12 қыркүйек 5 сынып ата-аналарына мектепішілік жиналыс ұйымдастырылды. Директордың тәрбие жөніндегі орынбасары Г.Бакирбекова ата-аналарға “Біртұтас тәрбие” бағдарламасының жүзеге асырылуы, мектебімізде енгізіліп жатқан жобалар, күнделікті, апта сайынғы шаралармен таныстырды. Сондай-ақ отбасымен ынтымақтастық құру, бірлесе атқаратын шаралар талқыланып, “Өнегелі 15 минут” шарасын ұйымдастыру бойынша ұсыныстар айтылды.

ҮЛГЕРІМ – ТӘРТІП – МЕКТЕП ФОРМАСЫ. ТӘРТІП ПЕН БІРКЕЛКІ МЕКТЕП ФОРМАСЫ ОҚУ ОРТАСЫНЫҢ ЖАҚСАРУЫНА ЫҚПАЛ ЕТЕДІ ЖӘНЕ ОҚУШЫЛАРДЫҢ ҮЛГЕРІМІН АРТТЫРАДЫ

Егер саған көмек керек болса 111 сенім телефонына хабарласа аласың

Жаңа оқу жылы барлық сыныптарда “Мектеп - мейірім мекені” атты сынып сағатынан басталды. Жаңа оқу жылы табысты болсын!

1 қыркүйек Білім күніне орай “Мектебім- мейірім мекені” атты салтанатты саптүзеу өтті. 5,9,11 сынып оқушылары қатысқан салтанатты саптүзеуде гимназия директоры Аскербек Құлтайұлы мен ардагер ұстаз Бақыт Шаймарданқызы құттықтау сөз сөйлеп, барша оқушылар мен ұстаздарға сәттілік тіледі. Барлық сыныпта сынып сағаттары өтті.

Жаңа оқу жылының басталуына орай өткен қалалық тамыз кеңесінде гимназия ұстаздары келесі марапаттарға ие болды: •Қазақ тілі мен әдебиеті пәні мұғалімі Алепарова Райгүл Токановна- қала әкімінің Құрмет грамотасы; •Ағылшын тілі пәні мұғалімі Конакбаев Ермек Маратұлы- қала әкімі Алғыс хаты; •Тарих пәні мұғалімі Мұтан Мұратбек- Білім басқармасының Алғыс хаты. Құрметті әріптестер марапаттарыңыз құтты болсын!

“Дарын” республикалық ғылыми-практикалық орталығының ұйымдастыруымен 2024 жылдың 7-9 тамыз аралығында Сүлейман Демирель атындағы университеті базасында өткен «Цифрландыру - бүгінгі білім берудегі жаңаша көзқарас және қажеттілік» республикалық тамыз кеңесі өз мәресіне жетті. Тамыз кеңесінің пленарлық бөлімінде гимназия директоры Дюсембаев Аскербек Култаевич Оқу-ағарту министрлігінің Алғыс хатымен марапатталды. Аскербек Құлтайұлын шын жүректен құттықтаймыз!

Жаңа 2024-2025 оқу жылын ұйымдастыру мақсатында 2024 жылғы 1 тамыз бен 30 тамыз аралығында республикада «Мектепке жол» акциясы жарияланды. Акцияның мақсаты – аз қамтылған және көп балалы отбасылардан шыққан мектеп оқушыларына, жетім және ата-анасының қамқорлығынсыз қалған балаларға балаларды мектепке дайындау және киім-кешек, аяқ киім, кеңсе тауарлары және т.б. жетіспеуіне байланысты балалардың мектепке бармауына жол бермеу үшін қолдау көрсету.

Ата-аналар мен оқушылардың назарына!

20-30.06.2024 аралығында Талдықорған қаласында Тоғызқұмалақтан 9,11,13 жасқа дейінгі жасөспірімдер мен кіші жасөспірімдер арасында классика, блиц рапид бойынша ҚР жекелей чемпионаты аяқталды. Жарыс нәтижесі блиц түрі бойынша 11 жас қыздар арасында 5а сынып оқушысы Каркен Айя 1 орынға ие болды. Құттықтаймыз!