Гимназиямызда барлық оқушыларды ыстық тамақпен қамтуға жағдай жасалған. Оқушылар үлкен қоңырауда, алдын ала тапсырыс беру арқылы тамақтанады. Каспий, халық банк қосымшасы арқылы төлеу жүйесі жұмыс жасайды.

2023 жылдың қараша айында өткен "Мектепке арналған PISA" тестілеуінде гимназия оқушылары жоғары ұпай жинады. Мектебіміздің орташа көрсеткіші бойынша тестке қатысушы гимназия оқушылары оқу сауаттылығынан 489 ұпай, математикалық сауаттылықтан 497 ұпай, жаратылыстану сауаттылығынан 443 ұпайға қол жеткізді.

Ұжымдық жиында “Біртұтас тәрбие” бағдарламасының жүзеге асырылуы мен жоспарланған шаралар мен жобаларды ұйымдастыру жағдайлары талқыланды. Сондай-ақ 2023 жылдың қараша айында өткен «Мектепке арналған РІSA» зерттеуінің статистикалық мәліметімен танысты. «Мектепке арналған РІSA» зерттеуінің талаптарының негізінде Қаныш Сәтбаев атындағы дарынды балаларға арналған мамандандырылған гимназиясынан 28 оқушы қатысты.

Оқушыларды ыстық тамақпен қамту жағдайына мониторинг жүргізілді. Ата-аналардан құралған комиссия мүшелері дайын тағамның сапасы, сақтау жағдайы, ас мәзіріне сәйкестігі, асхананың санитарлық жағдайы, технологиялық картаға сәйкестігі мен қажетті құжаттарды тексеріп, акт толтырды. Сондай-ақ дайын тағамның дәмін татып, бағалады.

17 қыркүйек күні Полиция департаментімен бірлескен бірыңғай “Құқықтық сауаттылық” күні ұйымдастырылды. Жергілікті полиция бөлімшесі бастығының орынбасары, полиция майоры Қ.С.Жумагулов пен учаскелік инспектор Елжан Еламан оқушыларға жол жүру ережесі, құмаройындардың зияны, балалар арасында қысымшылық, зорлық-зомбылықты болдырмау, туралы ақпаратпен бөлісті.

Мектеп оқушылары арасындағы Республикалық пікірсайыс турнирінің облыстық кезеңінің жеңімпаздары гимназияның 2-орын иегерлері “Қайсар” тобы. Топ құрамы: 11”а” сынып оқушылары Партияқызы Арайлым, Жанарбекқызы Жұпар, 10”а” сынып оқушысы Нағашыбайқызы Гүлжан. Жетекшісі: Н.Т. Шаймарданова

“Біртұтас тәрбие” бағдарламасы шеңберінде “ҰЛТТЫҚ ОЙЫН - ҰЛТ ҚАЗЫНАСЫ” атты үзіліс кезіндегі ойындар.

Ата-аналарды қолдау және саналы ұрпақ тәрбиелеу мақсатында 6 “Б” сыныбында “Ұрпақты тәрбиелеудегі құндылықтар” тақырыбында алғашқы ата-аналар кездесуі ұйымдастырылды. Кездесу барысында отбасындағы құндылықта, олардың бала бойындағы қасиеттердің қалыптасуына ықпалы талқыланып, ата-аналар өз тәжірибесімен бөлісті. Жаңа оқу жылына бірлік пен ұйымшылдықты қалыптастыруға бағытталған, ана-аналармен тренинг өткізілді.

Гимназиясының 6 сынып оқушылары V дүниежүзілік көшпенділер ойындарына арналған тоғызқұмалақ челленджіне белсенді қатысты.

Отбасы күніне орай әжелер кеңесі мүшелері 5-7 сынып оқушыларымен “Отбасылық құндылықтар - сарқылмас қазына" тақырыбында өнегелі кездесу өткізді. Ақсу қалалық мұражай басшысы Гүлжанар Назкеновна отбасылық дәстүрлерімен бөлісіп, немересі Айзияға үйреткен қолөнер туындалын таныстырды. Ұлттық дәстүр арқылы отбасылық құндылықтарды сақтап, насихаттау қажеттігіне тоқталды.

12 қыркүйек 5 сынып ата-аналарына мектепішілік жиналыс ұйымдастырылды. Директордың тәрбие жөніндегі орынбасары Г.Бакирбекова ата-аналарға “Біртұтас тәрбие” бағдарламасының жүзеге асырылуы, мектебімізде енгізіліп жатқан жобалар, күнделікті, апта сайынғы шаралармен таныстырды. Сондай-ақ отбасымен ынтымақтастық құру, бірлесе атқаратын шаралар талқыланып, “Өнегелі 15 минут” шарасын ұйымдастыру бойынша ұсыныстар айтылды.

ҮЛГЕРІМ – ТӘРТІП – МЕКТЕП ФОРМАСЫ. ТӘРТІП ПЕН БІРКЕЛКІ МЕКТЕП ФОРМАСЫ ОҚУ ОРТАСЫНЫҢ ЖАҚСАРУЫНА ЫҚПАЛ ЕТЕДІ ЖӘНЕ ОҚУШЫЛАРДЫҢ ҮЛГЕРІМІН АРТТЫРАДЫ