МИФ апталығының салтанатты ашылуы өтті
21 қаңтар күні гимназияның жылдық жоспарына сәйкес МИФ (математика, информатика, физика) апталығының салтанатты ашылуы болды. "STEM - ғылыми техникалық білімнің негізі" тақырыбындағы өтетін бұл шарада аталған пәндер бойынша STEM жәрмеңке, ашық сабақтар мен қызықты сайыстар өтіп, оқушылардың білім-біліктері, шығармашылығы ортаға салынады.
"Ақберен" облыстық байқауының жүлдегерлері
2019 жылғы 15 қаңтарда дарынды балаларға арналған облыстық көп салалы лицей-интернатында облыстық «Ақберен» байқауы өтті. Байқаудың қорытындысы бойынша гимназиямыздың оқушылары Хаманай Асхат "Шешендік өнер" бағытында және Дарғанбеков Жомарт "Көркемсөз шебері " бағытында жүлделі ІІІ орынға ие болды. Оқушыларымызды және оларды дайындаған ұстаздар Асем Сембиевна мен Ақмарал Еркеновнаны құттықтаймыз!
Гимназияда түлектермен кездесу өтті
11 қаңтар күні гимназияда дәстүрлі түрде болатын түлектермен кездесу өткізілді. Бұл шараға 2014-2018 жылғы түлектер келіп, сағынып жеткен гимназиясымен қауышып, сыныптас достарымен кездесіп, мектеп кезіндегі қызықты сәттерін еске түсіріп, түрлі сайыстарда өз білімдері мен біліктіліктерін көрсетті. Кеш соңында гимназия ұстаздарына өз алғыстарын білдіріп, биылғы жыл түлектеріне ұсыныстарын айтты.
Облыстық пән олимпиадасының жүлдегерлері
2019 жылғы қаңтар айының 4-і мен 5-і аралығында Павлодар қаласының № 16 лицей-мектебінде 9-11 сынып оқушылары арасында 57 облыстық пән олимпиадасы өткізілді. Олимпиада қорытындысы бойынша Кабышева Д., Карибаева М. (11-сынып), Кунтаева А. (10-сынып), Сейсембаева А. (9-сынып) ІІ орынға, Куатов А. (10-сынып), Омирзакова А.(11-сынып), Жандарбек А. (9-сынып) және Шакбекова Д. (8-сынып) ІІІ орынға ие болды. Құттықтаймыз!
"Тіл - мемлекет тәуелсіздігінің символы" қашықтық олимпиадасының жүлдегерлері
"Дарын" республикалық ғылыми-практикалық орталығының жұмыс жоспарына сәйкес Астана қаласында 7-9 қаңтар күндері 5-10 сынып оқушылары арасында қазақ тілінен "Тіл - мемлекет тәуелсіздігінің символы" қашықтық олимпиадасы өтті. Олимпиадаға гимназиядан 2 оқушы қатысып, жүлделі орынға ие болды. Олар, 6-сынып оқушысы Шайфуллина Анель – 1 орын және 5-сынып оқушысы Нургалиева Медина - ІІ орын. Мұғалімдері Есенгожина А.Е., Ержинбаева Р.Т.
"Розы Казахстана" халықаралық байқауының Гран-при иегерлері
5-7 қаңтар аралығында Алматы қаласында өткен "Розы Казахстана" халықаралық байқауында Қазақстан, Ресей және Болгарияның үздік би ансамбльдері бақ сынасты. Қаламыздың намысын қорғауға аттанған "Айгөлек" үлгілі би ансамбіліміз Гран-при және жеке орындау үшін Тастемір Гүлзат жүлделі I орынға ие болды. Құттықтаймыз!
5-6 сынып оқушыларына арналған VІI облыстық кешенді олимпиадасының қорытындысы
«Ертіс дарыны» өңірлік қосымша білім беру оқу-әдістемелік орталығы 2018 жылғы 20 желтоқсанда 5-6 сынып оқушыларына арналған VІI облыстық кешенді олимпиадасын өткізді. Олимпиаданың қорытындысы бойынша 6-сынып оқушылары Кабдулла Даниал І орынға, Шайфуллина Анель, Алимова Томирис, Жалешева Айым ІІ орынға және 5ә-сынып оқушысы Мухамматова Ақерке ІІІ орынға ие болды. Құттықтаймыз!
Халықаралық "Бала шабыты" конкурсында "Айгөлек" үлгілі ансамбілі Гран-При иегері
Гимназиямыздың "Айгөлек" үлгілі ансамбілі бишілерінің екі тобы Астана қаласында өткен халықаралық "Бала шабыты" конкурсында Гран-При мен I орынға ие болды. Тамаша жетістікке жетелеген топ жетекшісі Динара Нигматуловна мен бишілерді құттықтаймыз!
"Елімнің бақытын тербеткен - Тәуелсіздік" атты салтанатты жиын
Қазақпын, еңселі елмін егеменді, -деп 14 желтоқсанда "Елімнің бақытын тербеткен - Тәуелсіздік" атты салтанатты жиын өтті. Шара барысында тәуелсіздік үшін күрескен ата-бабаларымыз," Ұлы даланың-жеті қыры" туралы бейнебаян көрсетіліп, оқушылар өз өнерін ата-аналарға, оқушыларға, ұстаздарға паш етті. Сондай- ақ оқушылары білім додаларында жетістікке жеткен ұстаздарға алғыс жарияланып, марапатталды.
Гимназияда "Тәуелсіздік тұғырым" атты ашық есік күні өтті
Гимназиямызда бүгін 14 желтоқсанда "Тәуелсіздік тұғырым" атты ашық есік күні өтті. Мұнда алтын уақытын бөліп келген ата-аналар ашық сабақтарды, үйірме жұмыстарын, спорттық шараларды көрді. Сондай-ақ гимназия мұражайын, Президент кабинетін, даңқ залын аралап,шара соңында "Елімнің бақытын тербеткен-Тәуелсіздік" атты салтанатты жиында балаларының өнерін тамашалады.
"Болашаққа бағдар" атты бейнероликтер сайысының номинанты
"Рухани жаңғыру" бағдарламасы аясында Ақпараттық технолoгиялар орталығының ұйымдастыруымен "Болашаққа бағдар" атты бейнероликтер сайысы өткізілді. Байқауға өз жұмысын ұсынған 8 сынып оқушысы Берденбекқызы Әмина "Жас режиссер" номинациясы бойынша дипломмен марапатталды. Жетекшісі Кушова А.С. Бейнероликті түсіруде қолдау көрсеткен Әминаның ата-анасына алғыс білдіреміз.
"Жас Ұлан" бірыңғай балалар және жасөспірімдер ұйымына қабылдау салтанаты
Гимназиямызда Тәуелсіздік күні қарсаңында 42 оқушы "Жас Ұлан" бірыңғай балалар және жасөспірімдер ұйымына салтанатты түрде қабылданды. Оқушылар ұйымның мақсат, міндеттеріне тоқтай отырып, жиналғандар алдында ант берді. Сондай-ақ қараша айында өткен сайлаудың қорытындысы бойынша жеңіске жеткен 9а сынып оқушысы Олжабай Алтынгүл Ұлан басы болып сайланды. Жас Ұлан белсенділеріне алдағы еңбектеріне сәттілік пен табыс тілейміз.
