2019-2020 оқу жылына 10-сыныпқа оқушыларды конкурстық іріктеуге қатысу үшін құжаттарды қабылдау жұмысының басталуын хабарлаймыз. Конкурсқа қатысу үшін құжаттарды қабылдау мерзімі 2019 жылдың 13 маусымына дейін. Конкурстық іріктеуге қатысу үшін өтінімдерді http://specschool.smartaksu.kz сайтына жолдауға болады.

Ақсу қаласының № 2-ші орта мектебінде өткен қалалық мектептердегі жасөспірімдер арасындағы баскетбол жарысында гимназия командасы ІІ орынды иеленді. Команда құрамында 10-сынып оқушылары Әбілхақ Мұхаммед, Қайса Арсен, 8-сынып оқушылары Абраимов Алихан, Амангелді Абдуллаһ, Алимжанов Алишер, Жомартұлы Айдын және Әбілхақ Солтан. Жетекшісі дене шынықтыру мұғалімі Хавал Нұртай. Құттықтаймыз!

18-маусым күні 4-сыныптарта «Бастауыш сыныппен қоштасу» кеші өткізілді. 4-сыныпты 48 оқушы аяқтады. Оқушылар білім нәрімен сусындатқан ұстаздарына алғыстарын білдіре отырып, өз өнерлерін ортаға салды. Ата-аналар тарапынан ұстаздарына алғыстар айтылды.

«Дарынды бала - ұлттық құндылық» демекші, 22 мамыр Павлодар облысының әкімі Б.Ж.Бакауов облыстың дарынды оқушыларын марапаттау мақсатында кездесу өткізді. Осы марапатқа лайық деп танылған гимназиямыздың 10-сынып оқушысы, қазақ тілі мен әдебиетінен өткен Абай атындағы І Республикалық олимпиаданың І орын жүлдегері Батай Аружан кездесуге қатысты. Аружан облыс әкімінің Алғыс хатына және 100 мың теңгенің сертификатына ие болды.

Республикалық '' BILGE'' олимпиадасындағы жеңіс! Математика пәнінен Бас жүлдеге 10-сынып оқушысы Қуатов Алихан, 1-орынға Зияда Дильнара, Калиакбарова Гүлназ, Муратбаева Дана, Багау Дильназ, 3-орынға 4-сынып оқушысы Жанатқызы Медина ие болды. Ағылшын тілі бойынша 1-орын 9-сынып оқушысы Рысымбетова Даяна, 2-орынды 6-сынып оқушылары Ундерме Аяжан, Алимова Томирис иеленді. Бас жүлде иесіне 200 мың шәкіртақы тағайындалды.

17 мамыр күні гимназияда жыл сайын дәстүрлі түрде "Дарындыға-дархан жол 2019" шығармашылық кеші өтті. Кеш барысында жыл қорытындысы бойынша жүзден жүйрік, мыңнан тұлпар шыққандар марапатталды. Ал "Жыл оқушысы" атағына 8 сынып оқушысы Шакбекова Даяна ие болды. Биік жетістікке жеткен оқушылар мен командалар, шығармашылық ансамбльдер медальмен және кубоктармен марапатталды.

Біздің оқушыларымыз 11-12-ші мамыр күндері Өскемен қаласы Д. Серикбаев атындағы Шығыс Қазақстан мемлекеттік техникалық университетінде өткізілген II республикалық BilGen ALAMAN олимпиадасына қатысып келді.

2018 жылдың 16 мамыр күні Ақсу қаласының Сәбит Дөнентаев мәдениет сарайында "Айгөлек" үлгілі би ансамблінің 10 жылдық мерейтой концерті өтті. "Айгөлек" үлгілі би ансамблін және олардың жетекшісі Динара Нигматуловна Зембаеваны құттықтаймыз. Əрқашан өнердің биік шыңынан көрініңдер!

Құрметті ата-аналар, оқушылар, мұғалімдер! 2019 жылдың 17 мамыр күні жыл сайын дәстүрлі түрде өтетін, жылдың ең үздік жеңімпаздарын марапаттайтын "Дарындыға-дархан жол" атты шығармашылық кешімізге шақырамыз. Келіңіздер, үздіктерді бірге қошеметтейік!

2018 жылдың 16 мамырында Сәбит Дөнентаев мәдениет сарайында "Айгөлек" үлгілі би ансамблінің мерейтойлық концерті өтеді. Келіңіздер, тамашалаңыздар!

13 мамыр күні гимназияда "Бастауыш білім беру сатысы мен негізгі мектеп арасындағы сабақтастық" тақырыбында психолого-педагогикалық консилиум өтті. Мақсаты: 4-сынып оқушыларының орта буында оқуға дайындық жағдайын қарастыру, психолого-педагогикалық зерттеу нәтижесімен болашақ 5 сынып мұғалімдерін таныстыру, оқушыларға қолайлы жағдай тудыру мәселесін қарастыру.

Ақтөбе қаласында өткен республикалық "Ақ Шағала" хореографиялық фестиваль-байқауында гимназиямыздың "Айгөлек" үлгілі би тобы БАС ЖҮЛДЕНІ жеңіп алды. Аталмыш сайысты Қазақстан Республикасы Білім және ғылым министрлігінің республикалық қосымша білім беру оқу-әдістемелік орталығы жыл сайын дәстүрлі түрде өткізіп келеді. "Айгөлек" би ансамблін және жетекшісі Динара Негматуловнаны құттықтаймыз! Жетістіктеріңіз көбейе берсін!