Республика күніне орай қалалық дебат турнирі өтті
2022 жылғы 19 қазанда білім беру бөлімі гимназиямен бірлесіп, қалалық дебат турнирін өткізді. Турнир қорытындысы бойынша орындар төмендегідей шешілді:
1 орын №1 қазақ орта мектебінің "Жас дебат" командасы;
2 орын Дарынды балаларға арналған гимназияның "Интеллект" командасы;
3 орын №2 жалпы орта білім беру мектебінің "Парасат" командасы мен Дарынды балаларға арналған гимназияның "Болашақ" командасы.
Облыстық "Акберен" конкурсының жүлдегерлері
Республикалық "Акберен" конкурсының облыстық кезеңінде гимназия оқушылары жеңіске жетті. «Эссе жазу» бағыты бойынша ІІ дәрежелі дипломды Каиржанова Аида, «Көркемсөз оқу» бағытында ІІІ дәрежелі дипломды Мақсатхан Қымбат, «Ұлттық аспапта өнер көрсету» бағытында ІІІ дәрежелі дипломды Амангелді Ералхан иеленді. Жетекшілер мен оқушыларды шын жүректен құттықтаймыз.
«Жылы жүрек» қайырымдылық жәрмеңкесі
Қайырымдылық жасау - үлкен сауап. Мереке қарсаңында азқамтылған,
көпбалалы отбасыларға, мүгедек балаларға көмектесу мақсатында “Жылы жүрек” қайырымдылық жәрмеңкесі ұйымдастырылды. Барлық жиналған қаражат қайырымдылыққа жұмсалады. Атсалысқан ата-аналарға алғыс білдіреміз
Облыстық «Менің кіші Отаным» жас тарихшылар конкурсының жеңімпаздары
«Менің кіші Отаным» жас тарихшылар V Республикалық интеллектуалдық конкурсының облыстық кезеңі 2022 жылдың 14 қазанында облыстық көп салалы дарынды балаларға арналған лицей-интернаты негізінде өткізілді. Конкурс қорытындысы бойынша Каиржанова Аида, Жиенхан Сая, Алимова Томирис І орын, Олжабаева Аяла ІІІ орын иеленді. Жеңімпаздарды дайындаған пән мұғалімдері Мұтан Мұратбекті, Инкар Нышановнаны, Гүлжазира Кабдулкаримовнаны құттықтаймыз!
Республикалық балалар оқулары байқауының облыстық кезеңі
2022 жылғы 14 қазан күні республикалық балалар оқулары байқауының облыстық кезеңі өткізілді. Байқаудың қорытындысы бойынша Ералиева Ақмаржан 1 орын, Нұрланбек Мади 2 орын, Сабиганова Аружан 3 орынға иеленді. Оқушыларды және олардың жетекшілері Райгуль Токановнаны, Мәриям Сейсеновнаны, Бахыт Жумабаевнаны құттықтаймыз! Республикалық кезеңінде Аидаға сәттілік тілейміз!
Облыстық Әуезов оқуларының жүлдегерлері
Алтынсарин атындағы дарынды балаларға арналған гимназияда облыстық Әуезов оқулар өтті. Оқулардың қорытындысы бойынша "Ұлы даланың заңғар жазушысы" бағытында Каиржанова Аида І орын, "Ұлы даланың ұлы жыршысы" бағытында Ахметова Айдана ІІІ орын, "М.Әуезов - шебер суреткер" бағытында Салих Ақбота ІІІ орын иеленді. Құттықтаймыз!
Қожахметова З. Қ. атындағы облыстық география пәні олимпиадасы
Қазақ ССР оқу-ағарту ісінің үздігі, Павлодар облысының құрметті азаматы, Қазақстан Республикасының мәдениет қайраткері, “Парасат” орденінің иегері, облыстық мұсылман әйелдер лигасының төрайымы Қожахметова Зара Қабдешқызы атындағы дәстүрлі облыстық география пәні олимпиадасында гимназиямыздың 8ә сынып оқушысы Асылхан Альтаир жүлделі ІІІ орынды иеленді.
Ақсу қаласының ең үздік Еріктісі
Гимназияның 10-сынып оқушысы Мақсатхан Қымбат Ақсу қаласының ең үздік Еріктісі атанды. Қымбатты марапатымен құттықтаймыз!
«Тіл-Тәуелсіздік тірегі» атты кездесу
Республика күні қарсаңында жоғары сынып оқушыларымен «Тіл-Тәуелсіздік тірегі» атты кездесу ұйымдастырылды. Кездесуге қалалық «Қазақ тілі» қоғамының белсенді мүшелері, ұлт жанашырлары Сейлғазин Қабдрахман Байкенұлы мен Қондыкерова Светлана Қабидоллақызы қатысты. Кездесу барысында ана тіліміздің мәртебесін арттыру, туған жерге деген сүйіспеншілік пен Отаншылдық туралы сөз қозғалып, жастарды толғандыратын мәселелер талқыланды.
Қазақстан Республикасының президенті Павлодар өңірінде
Қазақстан Республикасының президенті Қасым-Жомарт Кемелұлы Тоқаевтың Павлодар өңіріне іссапар кезінде ұстаздар қауымымен кездесті.
Кездесуге гимназияның ардагер ұстазы Сламбекова Рымкеш Хамитовна қатысты.
"Менің алғашқы ұстазым" эссе жазу байқауының жеңімпазы
Ақсу қаласының жастар орталығының ұйымдастыруымен Мұғалімдер күніне орай өткізілген "Менің алғашқы ұстазым" эссе жазу байқауында 11-сыныптың оқушысы Сайыпова Әсем 1-орынды иеленді. Ұстазы Акмарал Еркеновна мен Әсемді жеңістерімен құттықтаймыз. Әсем республикалық Абай оқуларының жүлдегері.
"Мұғалім - мектептің жүрегі" атты қалалық салтанатты жиын
Ұстаздар күніне орай өткізілген "Мұғалім - мектептің жүрегі" атты қалалық салтанатты жиында гимназия ұстаздары облыстық білім беру басқармасының, қала әкімінің құрмет грамотасымен, алғыс хаттармен марапатталды.
