10 сәуір күні гимназиямызда академик Қ.Сәтбаевтың 120 жылдығына орай "Жаратылыстану-математикалық бағыт" бойынша 5-7 сыныптар арасында мектепішілік "Кіші Сәтбаев олимпиадасы" өткізілді. Жалпы олимпиадаға 70 оқушы қатысып, 33 оқушы жүлделі орындарға ие болды. І орын - 7 оқушы, ІІ орын - 9 оқушы, ІІІ орын - 17 оқушы. Барлық жеңімпаздар мақтау қағазымен марапатталды. Жеңімпаздарды құттықтаймыз.

"Ертіс-Кереку өңірінің аңызға айналған тұлғалары" атты қоғамдық-гуманитарлық пәндер апталығы аясында тарих пәнінің мұғалімі Альдекенова Анар Толыбаевна "Кереку - киелі мекенім" ауызша журнал шарасын өткізді

8-12 сәуір "Ертіс-Кереку өңірінің аңызға айналған тұлғалары" атты қоғамдық-гуманитарлық пәндер апталығы өтуде. Апталық "Поэзия менімен егіз бе едің?" өлең жинақтарын тарату, әр сабақта өлең оқу науқанымен басталды. Қоңырауларда "Өнер керек ұрпаққа өлең керек" атты түрлі сайыс жеңімпаздарының мәнерлеп өлең оқу таныстырылымы өткізілді. Ұлы тұлғаларға арналған кітаптар көрмесі ұйымдастырылды.

2019 жылғы 4 – 17 сәуір аралығында өтетін «Қауіпсіз интернет» республикалық ақпараттық кампаниясының аясында гимназияда түрлі іс-шаралар өткізілуде. Аталмыш кампания жалпы сап түзеуден басталды. Шара барысында 1-11 сынып оқушыларына тәрбие сағаттары өтті, «Қауіпсіз интернет» атты сурет көрмесі ұйымдастырылды. «Бұл палата ғаламтор желісінің оқушыларға берер пайдасы мол деп есептейді» тақырыбындағы пікір сайыс өтті.

«Ақсу қаласының дарынды балаларға арналған мамандандырылған гимназиясы» мемлекеттік мекемесі 2019-2020 оқу жылына 1-сыныптарға оқушыларды конкурстық іріктеуге қатысу үшін құжаттарды қабылдау жұмысының басталуын хабарлайды. Конкурсқа қатысу үшін құжаттарды қабылдау мерзімі - 2019 жылдың 10 сәуірден 10 мамыр аралығы. Конкурстық іріктеуге қатысу үшін өтінімдерді mektep.smart-pavlodar.kz сайтына жолдауға болады.

2019 жылғы 4 сәуір күні "Ертіс дарыны" орталығының ұйымдастыруымен «Жас дарын» мамандандырылған мектебінде Қ.Бітібаева атындағы республикалық олимпиаданың облыстық кезеңі өткізілді. Олимпиадаға қатысып, білім додасына түскен 10-сынып оқушылары Кунтаева Амина, Рамазанова Аяулым жүлделі ІІІ орынға ие болды. Оқушыларды және жетекшілері Нургалиева Дария Амантайқызын құттықтаймыз!

С 2014 года по инициативе депутатов и предложениям директоров школ выбор поставщика услуг, товаров по организации школьного питания выведен из системы государственных закупок в связи с имевшим место демпингом цен, влияющих на качество питания, а также отсутствием возможности осуществления непосредственного контроля директорами школ за поставщиками услуги.

2019 жылдың 31 наурыз күні Ақсу қаласының Иманжүсіп Құтпанұлы атындағы спорт кешенінде Қаныш Имантайұлы Сәтбаевтың 120-жылдығына арналған Ақсу жастар баскетбол Лигасы өтті. Баскетбол Лигасында гимназияның құрама командасы ІІ орынға ие болды. Құттықтаймыз!

2019 жылғы 29 наурызда «Ертіс дарыны» өңірлік қосымша білім беру оқу-әдістемелік орталығының ұйымдастыруымен облыстық «Мәшһүр-Жүсіп оқулары» өтті. Қазылар алқасының шешімі негізінде «Алдыма өлең жаз деп қағаз келген, Сөзімді сөйлеп бақтым мен де білген» мүшәйрасында 9 сынып оқушысы Баянбатұлы Ерасыл және «Бас болып өнер білсең, тіпті жақсы» атты ғылыми жоба қорғау бойынша 8 сынып оқушысы Жанибек Жансая ІІІ орынға ие болды.

27-28 наурыз күндері гимназияның бастауыш сынып оқушылары «Ақсу» балалар эко-техноорталыққа экскурсия жасады. Экскурсия барысында экоәлем, биология, IT технология және робототехника, шахмат, қолөнер кабинеттерін аралап, үйірме жұмыстарымен танысты. Коворкинг залында қолданбалы өнер туындыларын көріп, жануарлар мүйісіндегі жануарлармен жақын танысты. Экскурсия соңында кинозалда мультфильм тамашалады.

Наурыз мерекесіне орай өткізілген "Шаңырақ" облыстық киіз үй көрме-байқауында гимназиямыз "АЛТЫН ОРДА" бағыты бойынша жүлделі ІІІ орынға ие болды. Құттықтаймыз!!! Бұл ұжымның бірлескен қажырлы еңбегінің нәтижесі. Бұл ауқымды жұмысқа басшылық жасап, асқан шеберлік пен шығармашылық таныта білген мұғалімдеріміз Гүлжазира Кабдулкарімқызы мен Ануарбек Құмарұлыны шексіз алғыс білдіреміз. "Шеберлінің қолы ортақ" деп тегін айтылмаған.

2019 жылдың 18-20 наурыз аралығында Абай атындағы Республикалық мамандандырылған дарынды балаларға арналған қазақ тілі мен әдебиетін тереңдете оқытатын орта мектеп-интернат базасында 9-11 сынып оқушылары арасында тұңғыш рет қазақ тілі мен әдебиетінен Абай атындағы республикалық олимпиада өтті. Біздің гимназиямыздың 10-сынып оқушысы Батай Аружан І дәрежелі дипломмен марапатталды. Жетекшісі Нургалиева Дария Амантаевна.