2016 жылдың 28 қыркүйегінде Мұқтар Әуезов атындағы Әдебиет және өнер институты 9-11-сынып оқушыларына арналған дәстүрлі «Менің Әуезовім» атты дарынды оқушылардың шығармашылық конкурсын өткізді. Осы конкурсқа гимназиясынан 10-сынып оқушысы Хуатбекқызы Айша қатысып, Алғыс хатпен марапатталды.

2016 жылғы 1 қазанда Естай атындағы ҚМС-да Павлодар облысының әкімі Б.Ж. Бақауовтың қатысуымен ұстаздар күніне арналған «Мектептің жүрегі – мұғалім» атты облыстық мереке өтті. Осы мерекеде гимназияның физика пәнінің мұғалімі Кабылбекова Алмагуль Серикбаевна ҚР Білім беру ісінің құрметті қызметкері белгісімен марапатталды. Әріптесімізді марапатымен құттықтай отырып, алдағы уақытта да шығармашылық биіктерден көріне беруіне тілектеспіз.

2016 жылғы 21-22 қыркүйекте Павлодар облысы білім беру басқармасы, Павлодар облысы білім беру басқармасының Білім беруді және тәрбиелеуді дамытудың инновациялық орталығы «Жыл мұғалімі – 2016» облыстық конкурсының өткізді. Гимназияның орыс тілі мұғалімі Тулеубаева Кульжайнат Бекежановна конкурсқа қатысып, "Шабыт "номинациясына ие болды. Әріптесімізді шын жүректен құттықтай отырып, шығармашылық табыс тілейміз!

30 қазан мектебімізде "Ұстаз мектептің жүрегі" атты мерекелік концерт өтті. Осы мерекелік шараға ардагер ұстаздарымыз шақырылып, өздерінің жылы лебіздерін білдірді. Кеш барысында бишілеріміз тамаша өнерлерін арнаса, әншілеріміз мұғалімдеріне "Ұстазым", "Ардақты ұстазым" әндерін шырқады. Ардагер ұстаздарға кәсіподақ ұйымы атынан шағын сыйлықтар табыс етілді.

Тілдер мерекесіне орай мектепте тілдер айлығы өткізілді. Айлықтың ашылуында әр қабатта оқушылар топпен мақал-мәтел, нақыл сөздер, өлеңдер айтты. Айлық барысында «1001 мақал, 101 жұмбақ», «Дарабоз» интеллектуалдық ойындары, «Дуалы ауызды Дулат ақын» тақырыбында конференция, мәнерлеп оқу сайыстары өткізілді. «Тіл – достықтың құралы» атты қорытынды фестивальда әр сынып түрлі ұлттардың тілінде сәлемдесу, ән, би дайындады.

2016 жылғы 29 қыркүйек күні дарынды балаларға арналған облыстық көп салалы лицей-интернатында биология пәнінен VІ облыстық жасөспірімдер олимпиадасы өтті. Олимпиаданың қорытындысы бойынша гимназияның 7а сынып оқушысы Амирова Айкен ІІІ орынға ие болды. Жетекшісі Муханова Умут Кабиденовна. Құттықтаймыз!

2016 жылғы 22 қыркүйек күні дарынды балаларға арналған №3 гимназиясында физика пәнінен VІ облыстық жасөспірімдер олимпиадасы өтті. Олимпиаданың қорытындысы бойынша гимназияның 8а сынып оқушысы Мукушев Жанболат Құрмет грамотасымен марапатталды. Жетекшісі Кабылбекова Алмагуль Серикбаевна. Құттықтаймыз!

ҚР Тәуелсіздігінің 25 жылдығын атап өту шеңберінде «ӨРЛЕУ» БАҰО-ғы облыстық «АКТ-ны пайдалана отырып, үздік бейнесабақ» дистанционды конкурсын өткізді. Гимназия мұғалімдері сайысқа белсенді қатысып, жүлделі орындарға ие болды. Бакирбекова Г.А., Тулеубаева К.Б., Альдекенова А.Т. - І орын, Шаймарданова Н.Т., Нахметова А. Т. - ІІ орын. Құттықтаймыз!

«Тілдер айлығы» аясында 19.09-24.09 күндері аралығында бастауыш сыныптарда Ы.Алтынсарин шығармаларына салынған суреттер сайысы, Абай, Ыбырай оқулары, шығарма жазу, өлең құрастыру сайыстары өтті. Сондай-ақ тақырыптық анимациялық фильмдер көрсету ұйымдастырылды. Сайыстарға оқушылар белсене қатысып, үздіктері дипломдармен марапатталды.

Дәстүрлі республикалық "Бір ел -бір кітап" акциясы шеңберінде Дулат Бабатайұлының туғанына 215 жыл толуына орай "Өсиетнама" кітабы - жыл кітабы аталған болатын. Гимназия кітапханасында 8ә - 9-сынып оқушыларының қатысуымен "Дуалы ауызды Дулат ақын" атты конференция өткізілді. Оқушылар бұл шарада ақынның өмірі мен шығармашылығына арналған тың мәліметтер дайындап, жырларын тыңдап, мәнерлеп оқуды тамашалады.

10-қыркүйек күні 1-3 сыныптар арасында «Толағай» көңілді сайысы өтті. Cайысқа қатысты: 1 сынып - «Батыл» командасы, 2«А» сынып - «Алғыр», 2«Ә» сынып - «Айбын», 3«А» сынып - «Жылан» командасы және де 3«Ә»сынып – «Жігер» командалары қатысты. Сайыс 7 кезеңнен тұрды. Сайысқа қатысушылар белсенді қатысты. «Толағай» сайысы өте қызықты да, тартымды өтті.

1-қыркүйек күні гимназияда ҚР Тәуелсіздігінің 25 жылдығы мен Конституция күніне арналған салтанатты жиын және «Мен-өз елімнің патриотымын» бірыңғай сынып сағаттары өткізілді. Әрбір сыныпта «Мәңгілік ел» патриоттық актісі шеңберінде мызғымас Жеті тұғырын нығайтуға, сақтауға және ұрпақтан ұрпаққа аманат етуге тәрбиелейтін түрлі шаралар, пікірлесу сағаттары, дөңгелек үстел өткізілді.