2018 жылдың 9 қаңтар күні гимназиямызға қаламыздың жаңа әкімі Дычко Николай Васильевич гимназияның тыныс-тіршілігімен, атқарылған жұмыстарымен танысу мақсатында келді. Қара шаңырақтың материалдық-техникалық базасын көріп, дарынды оқушылардың толықтай білім алуына жағдай жасалғанын айтты.

Елбасының әр жылғы жолдауы – маңызды құжат. Қай жолдауы болмасын стратегиялық маңыздылығы мен ел алдындағы бағыт-бағдар мен міндетерді айқындауға негізделгенін көреміз! Кеше де Мемлекетет басшысы Нұрсұлтан Әбішұлының Қазақстан халқына кезекті жолдауы туралы мәлімдеме жасаған болатын. Бұл жолдауды ұлт болашағын тәрбиелеумен айналысатын ұстаздар қауымы да ерекше ықыласпен қабылдады.

2018 жылғы қаңтар айының 5-і мен 6-ы аралығында Павлодар қаласының № 16 лицей-мектебінде 15 пән бойынша жалпы орта білім беретін оқу орындарының 9-11 сынып оқушылары арасында 56 облыстық пән олимпиадасы өткізілді. Олимпиада қорытындысы бойынша мектебіміздің оқушылары 13 жүлделі орынға ие болды. Оқушыларды және оларды дайындаған ұстаздарды жеңістерімен құттықтаймыз! Алдағы республикалық олимпиадада сәттілік тілейміз.

2017 жылдың 27-28 қаңтар күндері гимназиямызда дәстүрлі жаңа жыл мерекесі аталып өтті. Биылғы жаңа жылдың тақырыбы ертегілер және комикстер әлемімен астасып жатты. Мерекелік кеште әр сынып қойылымдар қойып, түрлі ойындар ойнады. Қызылды-жасылды ойыншықтармен көмкерілген шыршаның төңірегінде бұл күндері әсем әнде шырқалып, түрлі биде биленді. Барлық оқушылар мерекелік кешке ерекше ықыласпен қатысып, бар өнерін ортаға салды.

Елбасының «Рухани жаңғыру» мақаласын іске асыру аясыда бір ай бұрын жарияланған «Кітап-алтын сандық» кітап оқу жарысының жеңімпаздары да белгілі болды. 1 орын - 9 сынып оқушысы Кунтаева Амина, 2 орын - 11 сынып оқушысы Хуатбек Айша және Баяманова Аида, 3 орын – 9 сынып оқушысы Батай Аружан, 6 сынып оқушылары Кабиденова Томирис және Қазтай Айшат! Барлық жеңімпаздарға дипломдар мен тиесілі бағалы сыйлықтары табыс етілді. Құттықтаймыз!

Ағымдағы жылдың 28 желтоқсаны күні гимназияға Павлодар облысы Білім беру басқармасының басшысы Дінислам Болатханұлы жұмыс сапарымен келді. Ең алдымен гимназия директоры Мәрия Әдбіқадырқызымен гимназия тарихы, өткені мен бүгіні туралы сұхбаттасты. Сонымен қатар, Дінислам Болатханұлы мектеп мұражайындағы тілек кітапшасына өз лебізін жазды.

ҚР Тұнғыш Президентінің Қоры «Kazakh Tourism» ҰҚ» АҚ-мен бірлесіп 2017 жылғы 30 қазан және 1 қараша аралығында Астана қаласында олимпиада жүлдегерілері мен қатысушыларына «Көшбасшы Жолы» атты саяхатын өткізді. Осы жобаға қатысқан мектеп оқушылары арасында «Қазақстан – саяхат елі» тақырыбында эссе байқауы өткізілді. Гимназиямыздың 10 сынып оқушысы Кабышева Динара ІІІ орынға ие болды. Құттықтаймыз!

2017 жылдың 4-15 желтоқсан күндері Павлодар қаласында өткен жасөспірімдер арасындағы облыстық футбол турнирінде Ақсу қаласының құрамасы І орынға ие болып, алтыннан алқа тақты. Ақсу құрамасының үш ойыншысы гимназиямыздың 4 сынып оқушылары: Ерназарұлы Искандер, Жазкен Арман және Кукен Әбілмансур. Жас спортшыларға осы жеңісті жолынан танбасын деп тілейміз!

17 желтоқсан күні Астана қаласында "NEW STAR KZ" ІІІ Халықаралық вокал және xореография байқауы өтті. Байқауға гимназиямыздың "Айгөлек" үлгілі би ансамблі қатысып, Гран-При иегері атанды. Жетекшісі Зембаева Динара Нигматуловна. "Айгөлек" би ұжымын бағындырған тағы бір белесімен құттықтаймыз! Алар асуларыңыз таусылмасын!

2017 жылдың 15-18 желтоқсан күндері Павлодар қаласында Тәуелсіздігіміздің 26 жылдығына орай спорттық акробатикадан облыстық чемпионат ұйымдастырылды. Нәтижесінде 4 сынып оқушысы Қайырғали Дария 2 орынға қол жеткізіп, күміс медальға ие болыды. Жарайсың Дария! Биіктерді бағындыра бер!

2017 жылғы 13-14 желтоқсан күні «Дарын» РҒПО-ның ұйымдастыруымен Алматы қаласында «Педагогикалық бастамалар фестивалі» республикалық конкурсы өтті. Біздің гимназиямыздың орыс тілі мен әдебиет пәнінің мұғалімі Тулеубаева Кульжайнат Бекежановна осы конурсқа қатысып, «Әр түрлі сабақтар, бірақ әрқайсында шебердің қолы...» бағыты бойынша І дәрежелі дипломына ие болды. Әріптесімізді жеңісімен құттықтаймыз!

15 желтоқсан күні гимназиямызда «Елімнің бақытын тербеткен Тәуелсіздік!» атты салтанатты мерекелік кеш ұйымдастырылды. Кеш барысында гимназия директоры Мәрия Абдуқадырқызы ұстаздар мен оқушыларды мерекемен құттықтай келе, Тәуелсіздік тойымен тұспа-тұс келген қалалық олимпиада жеңімпаздарын марапаттады. Ән-жырдан шашу шашылған мерейлі мерекенің сәнін "Айгөлек" бишілері кіргізді. Тәуелсіздігіміз тұғырлы, егемендігіміз еңселі болсын!