Республикалық “ProEko” конкурсында 8-сынып оқушысы Нуриденов Мансур 3-орынға ие болды. Жетекшісі Гүлден Нұрмахамбетовнаға алғыс білдіреміз. Мансурды жеңісімен құттықтаймыз!

11-сынып оқушысы Амангелді Нұрәділ республикалық пән олимпиадасында 3-орынға ие болды. Бірнеше жылдар бойы дайындаған ағылшын тілінің мұғалімі Нургалиева Салтанат Еркиновнаға алғыс білдіреміз. Дарынды және талантты оқушы Нұрәділді шын жүректен құттықтаймыз! Еске сала кетсек, Нұрәділ SAT, IELTS халықаралық емтиханын сәтті тапсырды. Сонымен қатар 2022-2023 оқу жылының республикалық пән олимпиадасында және республикалық ғылыми жобалар конкурсында жүлдегер атанған.

Қаныш Сәтбаевтың 125 жылдығына орай және Эстеттер апталығы жоспарына сәйкес қалалық Туристік слет өтті. Сайыстың қорытындысы бойынша Лицей-мектебі 1-орынға, Үштерек орта мектебі 2-орынға және гимназия 3-орынға ие болды.

Гимназияда 4 сынып оқушыларымен стрестік жағдайлардың алдын алуға арналған тренинг ұйымдастырылды. Балалармен “Дәстүрден тыс сәлемдесу”, “Кім шапшаң және тапқыр”, “Мен қалайтын әлем” атты арт-терапиялық жаттығулар өткізілді. Балалар тернингке белсенді, әрі қызығушылықпен қатысты. Тренингті өткізген гимназия психологы Шаймарданова Н.Т.

Эстеттер апталығы жалғасуда. Таңертеңгі көңіл-күй

Қаныш Сәтбаевтың 125 жылдығына арналған “Сәтбаев әлемінде” тақырыбында мектепаралық квест ойыны өткізілді. Ойынға Айнакөл ОМ және “Ю. Гагарин” атындағы ОМ оқушылары қатысты. Балалар ұлы ғалымның өмірі мен қызметі туралы тапсырмаларды орындап жақсы білім көрсете білді. Ойын соңында тұңғыш академик туралы фильм тамашалап, дипломдармен марапатталып, тәтті сыйлықтарға ие болды.

22 сәуір эстетикалық пәндер апталығы таңертеңгі қозғалмалы ойындардан басталды. Оқушылар мен мұғалімдер түрлі ойындарға қатысып, күндерін көтеріңкі көңіл- күймен бастады.

Облыстық “Мәшһүр Жүсіп оқулары” конкурсының “Білімді, зерек адам болам!” -десең ...бағыты бойынша 10а-сынып оқушысы Партияқызы Арайлым жүлделі ІІ орынға ие болды. Арайлымыды және жетекшісі Райгүл Токановнаны құттықтаймыз!

2024 жылдың 18 сәуір күні 4,5,6-сынып оқушылары арасында Павлодар облысының білім беру басқармасының қолдауымен гимназиямыз «Ертіс Дарыны» өңірлік қосымша білім беру оқу-әдістемелік орталығымен бірлесіп облыстық Кіші Сәтбаев олимпиадасын өткізді. ​Облыстық кезеңнің қорытындысы бойынша жеңімпаздар мен жүлдегерлер, атап айтсақ, 6 оқушы І, 14 оқушы ІІ, 25 оқушы - ІІІ дәрежелі дипломымен және 10 оқушы Құрмет грамотасымен марапатталды.

"XXIV Сәтбаев оқулары" Халықаралық конференциясында жобалар көрмесі ұйымдастырылды. Жобалар көрмесіне 12 жоба іріктеліп алынды. Көрмеге гимназияның 10а-сынып оқушылары Ақылжан Ерәлі мен Кайыргалым Жансұлу қатысып, алғыс хатпен және бағалы сыйлықпен марапатталды. Олар Ақсу қаласының жағажайын абаттандыру бойынша Blender программасында өздерінің 3d моделін ұсынды

Академик Қаныш Сәтбаевтың 125 жылдығына арналған “ХХІV Сәтбаев оқулары” атты Халықаралық ғылыми конференциясына гимназия оқушылары қатысып, жоғары нәтижеге қол жеткізді. Жетекшілері: Кульжайнат Бекежановна, Айгуль Мырзахметовна, Гулден Нурмахамбетовна, Эльмира Турагуловна, Мадина Канапьяновна. Жеңімпаздар мен жетекшілерін құттықтаймыз!

17.04.2024 жылы гимназияда Қ.И.Сәтбаевтың 125 жылдығына арналған “Қаныш ізбасарлары” атты облыстық дебат турниры болып өтті. Турнирға Екібастұз, Ақтоғай аудандарынан оқушылар мен дебат жетекшілері қатысты. Турнирдың қорытындысы бойынша “Ақиқат” және “Парасат” командалары ІІІ жүлделі орынмен, “Pefect” командасы ІІ , “Болашақ” командасы турнирдың жеңімпазы атанып, ауыспалы кубокқа ие болды. Турнирдың үздік спикерлері: Октябрқызы Аяла мен Алпысбай Айару дипломдармен марапатталды.