Облыстық «Бастау Fest» балалар-жасөспірімдер шығармашылығы фестивалі аясында өткен “RekGo” медиажобалар байқауында 8-сынып оқушысы Айткенова Алуа ІІ-орын, ал 9-сынып оқушысы Еркенбекқызы Фатима сертификатпен марапатталды. Құттықтаймыз!

“Оқуға құштар мектеп” жобасы аясында Ақсу қаласының Абай атындағы мектеп ұйымдастырған “Әдебиетке балалықты әкелген” атты квест ойынына гимназияның 6 сынып оқушылары қатысып, жүлделі І орынға ие болды. Құттықтаймыз!

“Зорлық-зомбылықсыз 16 күн” науқанына орай "Құқықтық сауаттылығымызды арттырайық" атты ізгілік сабағы 6"Ә"сынып оқушыларымен ұйымдастырылды. Сабақтың мақсаты: оқушылардың өз құқықтарын білуге және сақтауға баулу. Сабақ барысында балалар лайықты өмір сүруге, медициналық көмекке, дұрыс тамақтану, тегін білім алу құқығына, ойнау, демалу, мәдениет, ақпарат алу, зорлық-зомбылықтан қорғалу құқықтары туралы ақпарат алды

"Зорлық-зомбылықсыз бақытты балалық шақ" науқаны аясында 5-8 сынып оқушыларымен тренингтер ұйымдастырылды. Тренингтердің мақсаты зорлық-зомбылықтың, буллингтің алдын алу, стресске төзімділікті арттыру. Балалармен көңіл-күйді көтеруге арналған "Көңілді сәлемдесу" жаттығуы, ұжымның ынтымағын, ауызбіршілікті арттыруға арналған "Пирамида" жаттығуы жасалып, сонымен қатар балаларға әртүрлі жағдаяттар айтылып, әртүрлі шешу жолдары ұсынылды.

"Зорлық-зомбылықсыз бақытты балалық шақ" науқаны аясында 16 қараша күні кіші дебат топтары арасында "БП буллингпен күрес және оның алдын алудың ең тиімді жолын ұсынады" атты қарар бойынша дебат ойыны болды. Пікірсайыс БПФ (Британдық парламенттік форматта) өтті. Пікірсайыс тартысты, әрі қызықты өтті. Жеңімпаздар дипломдармен,тәтті сыйлықтармен марапатталды.

15 қараша күні Ата -аналарды педагогикалық қолдау орталығының ұйымдастыруымен 5ә сыныбында «Бала тәрбиесіндегі ата-ананың рөлі» тақырыбында ата-аналар жиналысы өткізілді. Жиналыс барысында ата-аналар «Отбасында баланы жазаламай қалай тәрбиелеу керек?», «Құқықтық тәрбиенің негізі отбасынан басталады» және «Жасөспірімдердің құқық бұзушылықтарын алдын алу үшін ата-аналардан кеңес» тақырыптарында топпен ақылдаса отырып, ойларын ортаға салды.

Шет тілдер апталығының жабылуына орай үш тілде шығармашылық кеш ұйымдастырылып, апта бойы өткізілген шаралардың жеңімпаздары марапатталды.

Ұлттық валюта күніне арналған тәрбие сағаттары өтті

“Зорлық-зомбылықсыз бақытты балалық шақ” науқаны аясында 5-7 сынып ата-аналарымен “Әрбір бала - жұлдыз” атты семинар ұйымдастырылды. Семинар барысында ата-аналармен өткізілген “Ақ қарға”, “Көңілді сәлемдесейік” тренингтері төзімділікті арттыру, ортақ шешім қабылдай алу, ойларын жинақтауға бағытталды. Директордың орынбасары Г.Бакирбекова “Жыныстық тәрбие беру-зорлық-зомбылықтың алдын алу” тақырыбында балаларға қатысты жасалатын зорлық-зомбылықтар мен құқықбұзушылық, жыныстық қолсұғушылықтың себеп

17 қараша Республиканың барлық мектептерінде “4 тоқсан, 4 өнер” жобасы аясында бір мезгілде “Бес табан”, “Бес асық” ұлттық ойыны ұйымдастырылды. Гимназия оқушылары да республикалық челленджге белсене қатысып, асқан ептілік пен мергендік танытты. Озып шыққан оқушылар, ұлдар арасынан 6”а” сынып 1 орын Төлеутай Ерғанат, 2 орын Жаңалхан Айсұлтан, 3 орын Ахметсапар Мансур. Қыздар арасында Шабанбаева Дания, 2 орын Сакиева Аяулым, 3 орын Аскерқызы Нұрниса.

Облыстық Мағжан оқуларында 11-сынып оқушысы Махсатхан Қымбат 1-дәрежелі дипломмен марапатталып, республикалық кезеңге жолдама алды! Құттықтаймыз!

Шет тілдер апталығына орай ағылшын тіліндегі дебат клубының қатысушылары арасында «Бұл палата қазақстандық мектептерде бірінші сыныптан бастап үштілділікті енгізуді қолдайды» тақырыбында жолдастық кездесу өтті. 8 сыныптың «Afterglow» фракциясы мен 7ә сыныбының «Quick» фракциясы өзара мықтыны анықтап, тәтті сыйлықтармен марапатталды.