30 қазан күні «Қала-Ауыл» жобасы аясында Екібастұз ауданының қазақ тілінде оқытатын мектептері педагогтарымен «Жасанды интеллект білім саласында» тақырыбында семинар өткізілді. Семинар барысында гимназияның информатика мұғалімі Ж.Ахметова мен география мұғалімі А. Альдекенова ChatGPT, Gamma ai, Wepik.com платформалары көмегімен тест сұрақтарын, сабақ жоспарларын, күнтізбелік жоспарларды дайындауды үйретті.

Күзгі демалысты тиімді ұйымдастыру мақсатында жоғары сынып оқушылары арасында “Біз буллингке қарсымыз” ұранымен Көпсайыс өтті. Оқушылар автоматты жартылай бөлшектеп жинау, кернеуге тартылу, нысанаға оқ ату бойынша сайысты. Сондай-ақ салауатты жарысқа, қолдау көрсетуге, достыққа үйренді.

Шығармашыл оқушылар арасындағы өткен “Ақберен” облыстық өнер байқауында 11”А” сынып оқушысы Амангелді Ералхан жүлделі ІІІ орын жеңімпазы атанды. Құттықтаймыз! Жетекшісі Кабдуллина С.С.

Күзгі каникул жоспарына сәйкес 6-8 сыныптар арасында теннис жарысы өтті.

22-24 қазан күндері Астана қаласында «Оқушыларды гуманитарлық цикл пәндері бойынша олимпиадаларға дайындау» тақырыбында республикалық оқу семинары өткізілді. Семинар барысында «Олимп шыңы» республикалық пәндік олимпиадасы өтті. Олимпиадаға қатысқан қазақ тілі мен әдебиеті пәнінің мұғалімі Есенгожина Акмарал Еркеновна, ҚР ОАМ «Дарын» РҒПО-ның ІІІ дәрежелі дипломымен марапатталды.

Гимназияда 24 қазан күні Республика күніне арналған оқушылар арасындағы қалалық пікірсайыс турниры өтті. Пікірсайыс турнирына Ақсу қаласының Абай атындағы жалпы орта білім беру мектебінің “Парасат” фракциясы, Ыбырай Артынсарин атындағы жалпы орта білім беру мектебінің “Алтынсарылар” және Қ.Сәтбаев атындағы дарынды балаларға арналған мамандандырылған гимназияның “Perfect” және “Болашақ” фракцициялары пікірталасты.

Республика күніне орай 10 сынып оқушылары арасында әскери-патриоттық сайысы ұйымдастырылды. Оқушылар нысанаға оқ ату, автоматты жартылай бөлшектеп жинау,көлденең жолақта тартылу бойынша сайысты.

Республика күніне орай 8-ші сыныптар арасында “Қыран елім - Қазақстаным” тақырыбында викториналық сайыс өткізілді. Сайыстың мақсаты Отанына деген сүйіспеншілік пен құрметті қалыптастыру, жас ұрпаққа патриоттық тәрбие беру. Оқушылар сайысқа белсенділікпен қатысып, өздерінің алғырлықтарын көрсете білді.

Республика күніне орай салтанатты жиын өтті. Гимназия директоры А.Дюсембаев облыстық сайыстар пен байқауларда үздік шыққан оқушылар марапаттап, мерекемен құттықтады.

22 қазан күні «Қала-Ауыл» жобасын іске асуы аясында Екібастұз ауданының қазақ тілінде оқытатын мектептері директорларының орынбасарларымен вебинар өткізілді. Вебинар барысында Қаныш Сәтбаев атындағы гимназия директорының ғылым жөніндегі орынбасары Аккентаева К.М. 2024-2025 оқу жылына арналған өзара әрекеттестік және кәсіби қолдау жоспарымен таныстырды.

Республика күні қарсаңында талантты, шығармашыл оқушылар “Тәуелсіздік ұланы” төсбелгісімен марапатталды. Гимназиямыздың 6”А” сынып оқушысы, тоғызқұмалақтан облыстық, республикалық жарыстардың жеңімпазы Каркен Айя да осы тамаша төсбелгінің иегері. Құттықтаймыз!

Республика күніне орай өткен қалалық көпсайыс жарысында 10”А” сынып оқушылары Мустаханов Расул мен Мухаметгалиева Сания жүлделі 2 орынды иеленді. Құттықтаймыз! Жетекшісі А.Б.Мухитова.