12-16 ақпан математика, физика, информатика пәндерінің апталығы басталды. Апталықтың алғашқы күні танымдық ойындармен, робототехника сайысы өткізілді. Апталық аясында ашық сабақтар, Қаныш Сәтбаевтың 125 жылдығына арналған танымдық шаралар, квест, зияткерлік сайысы мен жобалар көрсетілімі жоспарланған.

Ата-аналарды педагогикалық қолдау мақсатында 7б сынып оқушыларына “Позитивті ата-ана болу” тақырыбында жиналыс ұйымдастырылды. Сынып жетекші Ғалия Ермековна бала бойындағы түрлі физикалық, психологиялық,эмоционалдық өзгерістерге тоқтала отырып, жасөспірім әрекетінде кездесетін түрлі мінез-құлықтарға қатысты мәлімдемелерді бағалауды ұсынды.

“Қаныш Сәтбаев атындағы дарынды балаларға арналған мамандандырылған гимназиясы” КММ 2024-2025 оқу жылына 5-сынып оқушыларын конкурс негізінде қабылдайды. Тіркеуді qabyldau.daryn.kz сайтында не мектепте 01.02.2024-15.04.2025 аралығында өте алады.

2024 жылдың 7 ақпаны күні Білім беруді дамытудың инновациялық орталығы мен Қаныш Сәтбаев атындағы дарынды балаларға арналған мамандандырылған гимназиясы қазақтың ұлы перзенті, ғұлама ғалым, тұңғыш академик Қаныш Сәтбаевтың 125 жылдығына арналған «Қаныш және әдебиет» атты семинар-практикум ұйымдастырды.

Алғашқы әскери дайындық жетекшілері арасында өткен “Пневматикалық винтовкадан ату мен автоматты жартылай бөлшектеп жинаудан" Республикалық турнирде “АВТОМАТ ЖИНАУ” бағыты бойынша гимназияның АӘД жетекшісі Джамалбаев Мейрам Сағатұлы жүлделі ІІІ орынды иеленді. Құттықтаймыз!

Мектебімізде парламенттің ұйымдастыруымен қайырымдылық жәрмеңкесі өтті. Мақсаты: мүмкіндігі шектеулі, азқамтылған отбасыларға көмек көрсету. Барлық түскен қаражат қайырымды істерге жұмсалады. Белсенді қатысқан ата-аналарға, оқушыларға, сынып жетекшілерге алғыс білдіреміз

Гимназияда Май ауданымен 2023-2024 оқу жылына арналған өзара әрекеттестік және қолдау жоспары негізінде 30 қаңтар күні «Мектептегі PISA» тақырыбында вебинар өткізілді.Вебинар барысында гимназия директорының оқу ісі жөніндегі орынбасары мектептегі PISА-ның өтілу барысы мен артықшылықтарына тоқталса, физика пәні мұғалімі Атик Б.В., математика мұғалімі Муканова Б.К., биология мұғалімі Жахав Б.Т. осы пәндер бойынша оқушыларды PISА-ға дайындауға арналған тапсырмалар түрлерін көрсетті.

29 қаңтар күні гимназия ұстаздарымен "IT ТЕХНОЛОГИЯЛАРДЫ ТИІМДІ ҚОЛДАНУ - ЗАМАН ТАЛАБЫ" тақырыбында коучинг өткізілді. Коучингтің максаты: Білім сапасын арттыруда ақпараттық технологиялардың маңызды рөл атқаратындығына басты назар аудара отырып, пән мұғалімдерінің тәжирибесі арқылы тиімді әдіс-тәсілдерді көрсету.

Ата-аналарды педагогикалық қолдау орталығының жұмыс жоспарына сәйкес 4 сыныпта “Әрбір бала-жарық жұлдыз” тақырыбында кездесу ұйымдастырылды. Ұлттық құндылықтарға сәйкес бала мінезін қалыптастыру, оған жағымды әсер ету, отбасылық дәстүрлердің оң әсері туралы құнды пікірлер айтылып, баланың жеке ерекшеліктерін байқап дамытудың жолдары талқыланды. Сондай-ақ ата-аналар балалары жазған ашық хатпен танысып, кері байланыс жасады.

Ата-аналарды педагогикалық қолдау, сондай-ақ бала бойындағы өзгерістерге, мінезіндегі ерекшеліктерге дұрыс әрекет ету мақсатында 5”а” сынып ата-аналарымен “Ақыл айтпа, жол көрсет” тақырыбында кездесу өтті. Сынып жетекшісі Эльмира Турагуловна ата-аналарды ерекше қарсы ала отырып, жағымды көңіл-күй қалыптастыруға, әңгіменің ашық, әрі позитивті өтуіне бағытталған түрлі тапсырмалар орындатып, ата-ана мен баланың арасындағы қарым-қатынастың неғұрлым тең дәрежеде, сенімді болуының маңыздылығын аша түс

23 қаңтар күні «Жаңашыл ұстаз» тақырыбында тренинг-сабақ өткізілді. Тренинг сабақтың мақсаты: Қазіргі кездегі өзгерістерге сай білім беру саласында ұстаздардың орнын нақтылау, жас мамандарға қолдау жасау. Осы негізде ұстаздар қазіргі кездегі білім беру мәселелері, шешу жолдары, мінсіз мұғалім жөнінде постерлер қорғап, әр түрлі тапсырмалар, жағдаяттар орындады. Сабақ "Ұстазым" әнімен аяқталды.

“Біртұтас тәрбие бағдарламасын” жүзеге асыру жоспарына орай 5 сыныптарда “Алтын сақа” танымдық-зияткерлік ойыны ұйымдастырылды. Оқушылар “салт-дәстүр ,қазақ ертегілері, логика әлемі, елім менің” бағытындағы түрлі сауалдарға жауап беріп, ұпай жинады. 1 орын- 5”ә” сыныбы тобы; 2 орын -5”а” сыныбы тобы; 3 орын-5”б” сыныбы тобы; Барлық қатысушылар дипломмен, тәтті сыйлармен марапатталды.