17.04.2024 жылы гимназияда Қ.И.Сәтбаевтың 125 жылдығына арналған “Қаныш ізбасарлары” атты облыстық дебат турниры болып өтті. Турнирға Екібастұз, Ақтоғай аудандарынан оқушылар мен дебат жетекшілері қатысты. Екібастұз ауданы, Шиқылдақ ауылының Қ.Сәтбаев атындағы мектебінің “Ақиқат” және “Парасат” командалары (спикерлер: Октябрқызы Ләйла, Шаймарданов Алимдар, Оспанбаев Тамир, Октябрқызы Аяла) және Қ.Сәтбаев атындағы дарынды балалараға арналған мамандандырылған гимназияның “Болашақ” және “Perfect” командалары (спикерлер: Серікжанқызы Фатима, Ерсинова Асель, Хусман Мухаметали, Алпысбай Айару) арасында Британдық парламенттік форматта “Бұл палата Қазақстанда жастардың сапалы білім алуына барлық жағдай жасалған деп есептейді” деген қарар бойынша пікірсайыс ойыны ұйымдастырылды. Турнирдың қорытындысы бойынша “Ақиқат” және “Парасат” командалары ІІІ жүлделі орынмен, “Pefect” командасы ІІ , “Болашақ” командасы турнирдың жеңімпазы атанып, ауыспалы кубокқа ие болды. Турнирдың үздік спикерлері: Октябрқызы Аяла мен Алпысбай Айару дипломдармен марапатталды. Сонымен қатар турнир барысында қатысушылар үшін ақпараттық семинар-тренинг ұйымдастырылды. Семинарда пікірсайыс дегеніміз не, оның маңызы, пікірсайыс ережелері мен форматтары тақырыптарында ақпараттар берілді, брошюралар таратылды. Қатысушылармен “БП өтірік ата алмайтын әлемді қалайды” деген тақырыпта шағын ойын-жаттығу ұйымдастырылып, талдаулар жасалды, балалармен ұжымдық қимыл-қозғалыс ойындары өткізілді. Турнирға қатысушылар көтеріңкі көңіл-күйде, ризашылықпен тарқасты. Турнирды ұйымдастырған “Дебат” үйірмесінің жетекшілері мен мүшелері.