Жеңіс күніне орай 7 сынып оқушыларымен “Қазақстандықтардың ҰОС-ғы ерлігі - мәңгі есте” атты танымдық-тарихи шарасы ұйымдастырылды. Шара барысында балалар Қазақстандықтардың Жеңіске қол жеткізудегі еңбегі мен ерлігі жайлы бейнефильмдер көріп, танымдық сұрақтарға жауап берді. Сондай-ақ өз ата-бабаларының да ерлігі туралы ақпаратпен бөлісті. Шараны ұйымдастырған кітапханашы Гүлжан Ирановна Женаева.

Облыстық дін істері басқармасы “Конфессияаралық қарым-қатынастарды талдау және дамыту орталығы” Жеңіс күні қарсаңында 9-11 сынып оқушылары арасында “Жеңіс күні-Ұлы күн” шығармашылық конкурсын өткізуде. 10 сынып оқушысы Махсатхан Қымбат өз шығармасын ұсынады.

Мемлекет басшысы Қасым Жомарт Тоқаевтың “Жаңа Қазақстан: Жаңару мен Жаңғыру жолы” аясында, “Bilim-orkenieti” ұлттық инновациялық ғылыми-зерттеу орталығының ұйымдастыруымен өткен республикалық “Сен ғылымға болсаң ынтық” ғылыми жобалар сайысында 10-сынып оқушысы Махсатхан Қымбат 1 орынға ие болды. Құттықтаймыз. Жетекшісі аға тәлімгер Телек Амангүл.

Облыстық туризм сайысындағы гимназия оқушыларының жетістіктері: Өлкетану бағыты бойынша Жиенхан Сая ІІ орын (жетекшісі Идрисова И.Н). Туристік бағытта ЭКСТРИМ ІІІ орын (Жетекшісі Мухитова А.Б). Ән бағыты бойынша Асанбай Жадыра ІІІ орын (жетекшісі Кабдуллина С.С) Сәтбаев гимназиясында оқушылардың жан-жақты дамуына жағдай жасалған. Әр ұстаз өзіне жүктелген міндетті абыроймен атқаруда.

"Жарқын болашақ" олимпиадасының жеңімпазы - Партияқызы Арайлым мұғалімі Райгүл Токановнамен "Ertis" телеарнасының "Сегіз қырлы, бір сырлы" бағдарламасында қонақта болып келді.

Қанипа Бітібаева атындағы республикалық олимпиададан 11-сынып оқушысы Сайыпова Асем 2 орынға ие болды. Жетекшісі Аскербек Култаевич пен Асемді жүлделерімен құттықтаймыз. Айта кетсек, Асем наурыз айында өткен республикалық жалпы пәндер бойынша ғылыми жобалар конкурсында жүлдегер атанған. Асемге, алдағы ҰБТ мен мемлекеттік емтиханда сәттілік тілейміз!

1 мамыр мерекесіне орай “Әлем халықтарының билері” флешмобы ұйымдастырылды.

1 мамыр - Қазақстан халқы Бірлігі күніне орай 5”а”,5”ә” сыныптарда “Достықтың алтын жүлдесі” тақырыбында тәрбие өтті. Ұйымдастырған тарих пәні мұғалімі, сынып жетекші Іңкәр Нышанқызы.

1 мамыр Бірлік күніне орай оқушылардың салған суреттері.

Білім басқармасының ұйымдастыруымен “БастауFest” шығармашылық фестивалі ұйымдастырылды. Фестиваль мақсаты балалардың шығармашылық әлеуеті мен орындаушылық шеберлігін қолдау және дамыту болып табылады. “Ғажайып жұлдыздар” хореография бағытындағы байқауда “Айгөлек” үлгілі би ансамбілі жүлделі 1 орынды иеленді. Ансамбль мүшелері мен Динара Нигматуловнаны құттықтаймыз!

Қаныш Сәтбаев атындағы гимназия қызметкерлері мен оқушылар қалалық сенбілікке белсене қатысты.

Қазақстан халқының бірлігі күніне орай «Бір шаңырақ астында» паннолар көрме-байқауы өткізілді. Өздеріне тапсырылған ұлт өкілінің ұлттық киімдер үлгісін түрлі табиғи, басқа да материалдардан жасай отырып, барлық қатысушылар шығармашылық пен тапқырлық танытты.Көрмеге жұмыстарын қоя отырып, сол ұлттың киім үлгісіндегі ерекшеліктерін таныстырып өтті. Барлық қатысушыларға,қолдау көрсеткен ата-аналарға алғыс білдіреміз.