Наурыз мерекесі қарсаңында гимназиямызда “Бұрымды қыз” байқауы ұйымдастырылды. Байқау нәтижесінде “Көрікті бұрым” номинациясымен Аблаева Наргиз , “Шашбаулы шаш” номинациясымен Шабанбаева Дания, “Сұлу шаш” номинациясымен Асанбай Жадыра, “Жібектей шаш” номинациясымен Мирова Замира, “Сәнді шаш” номинациясымен Нағашыбайқызы Жаннұр марапатталды. Бас жүлде - 7 сынып оқушысы Ахметова Айданада.

Сәтбаев гимназиясының оқушылары Максатхан Қымбат пен Партияқызы Арайлым облыстық Мәшһүр Жүсіп оқуларында жеңіске жетті. Жетекшілері Акмарал Еркенқызы мен Райгүл Тоқанқызын және оқушыларды жеңістерімен құттықтаймыз! Республикалық кезеңде сәттілік тілейміз!

Біздің гимназия облыстық деңгейде географияны оқытудың ғылыми-әдістемелік орталығы болып табылады. Осы бағыттағы жұмыс ары қарай жалғасуда. 10.03 орталықтың жұмыс жоспарының негізінде Гумилев атындағы Евразия Ұлттық Университетінде магистратурада оқып жатқан Альдекенова Анар Толыбаевна «География пәні бойынша қалыптастырушы бағалауға арналған тапсырмалар құру жолдары» тақырыбындағы вебинарда өз тәжірибесімен бөлісті.

Гимназия оқушылары облыстық «Robotek Grand Tournament» турнирінің жүлдегері атанды. Турнир қорытындысы бойынша: “Kids” командасының мүшелері Серікжанұлы Әли, Тоқпан Алинур 2-орын; “Samgay kids” командасының мүшелері Шахмет Мансур, Жубатханов Мирас 2-орын. Команда жетекшісі Жеңісхан Нүргүл мен оқушыларды жүлделерімен құттықтаймыз!

Облыстық дарынды балаларға арналған мектептердің ата-аналары арасында өткен волейболдан гимназия командасы 2-орынды иеленді. Команда мүшелері мен гимназия ата-аналарын жүлделерімен құттықтаймыз. Әрдайым қолдау көрсетіп , гимназия намысын қорғап, Ақсудың атын шығарып келген ата-аналарға алғысымыз шексіз. Команда мүшелері ұтып алған жүлделеріне оқушыларға спорттық киім сатып әперді.

6 а, 6 ә, 6б сыныптары арасында "Дарындылар додасы" атты психологиялық марафон өтті. Марафон барысындағы сайыстар логикалық ойлауды,шығармашылық қиялды, есте сақтау мен зейінді жаттықтыруға, құрбыларымен қарым-қатынасты дамытып, ынтымақтастықты арттыруға бағытталды. Сонымен қатар көшбасшылар, идея ұсынушылар анықталды. Балалармен "Логика әлемінде", "Бәйге", "Кім байқағыш", "Қиялшылдар", "Капитандар сайысы", "Жұмыла көтерген жүк жеңіл" атты сайыстар ұйымдастырылды.

2023 жылғы 28 ақпанда “Ертіс дарынды” өңірлік қосымша білім беру оқу-әдістемелік орталығы “Әбіш оқулары” байқауының облыстық кезеңін өткізді. Байқау қорытындысы бойынша “Иллюстрациялық сурет” бағыты бойынша Салих Ақбота Құрмет грамотасымен марапатталып, “Шығармашылық жұмыс“ бағыты бойынша Қайырғалым Жансұлу ІІІ орынды иеленді. Жетекшілері Солтан Гүлжазира Кабдылкаримовна мен Нургалиева Дария Амантаевна. Құттықтаймыз!

“Оқуға құштар мектеп” жобасы аясында Ақсу қаласы мектептері арасында “Ертегілер әлемінде" квест ойыны өтті. Абай атындағы және Ы.Алтынсарин мектебі, гимназия оқушылары оқыған ертегілері туралы түрлі сұрақтарға жауап беріп, ертегі кейіпкерлерін сипаттау, шатасқан ертегілерді мазмұнына қарай реттеу, түйінді ойды табу, мақал-мәтелдерді ертегі мазмұнына сәйкестендіру сияқты тапсырмалар орындады.

24 ақпан Оқушылар сарайында "Жайдарлы Жас Ұлан" облыстық интеллектуалдық сайысында 11 команда бақ сынасты. Гимназиямыздың "Сәтбаев балалары" КТК командасы 2 жүлделі орынды иеленді. Ал команданың белсенді ойыншысы Абдрахманова Аделия "Үздік ойыншы" атанды. Команда құрамы: Махсатқан Қымбат, Бакраденова Индира, Базар Бауыржан, Ашен Бейбарыс, Канатов Алихан, Абдрахманова Аделия, Омарханова Алуа.

Бастауыш сынып апталығының соңғы күні түрлі сайыстар мен олимпиадаларға, іс-шараларға белсене қатысқан оқушылар марапатталды. "Көркем жазу" байқауына 10 оқушы қатысты: I орын 1, II орын 4, III орын 5 Қазақ тілі пәні бойынша 4- сыныптар арасындағы олимпиада қорытындысы: I орын 1, II орын 2. III орын 2. Математикалық" Алтын сақа " олимпиадасының жеңімпаздары: I орын 2, II орын 4, III орын 4.

Гимназияда ата-аналар арасындағы волейбол жарысы жыл сайын дәстүрлі түрде ұйымдастырылады. Биылғы жарысты өткізуге 6”а” сынып ата-аналары бастамашыл болды. Жарысқа 3, 4, 5, 6 сынып ата аналары командалары қатысты. Тартысты ойын нәтижесінде: ЖЕҢІМПАЗ - 6”А” сынып командасы; 1-орын - 4”Ә” сынып командасы; 2-орын - 5”А” сынып командасы; 3-орын - 3 сынып командасы.

Дарынды мектептер арасында ұйымдастырылған облыстық Тоғызқұмалақ жарысында оқушыларымыз биік жетістіктер көрсетті: 1 орын Каркен Айя,4а сынып оқушысы; 2 орын Төлеу Алихан,10 сынып оқушысы; 2 орын Шахмет Арнұр,8ә сынып оқушысы; 3 орын Асанбай Жадыра, 9а сынып оқушысы. Оқушыларымызды және жетекшілері Хавал Нұртай мен Ермек Маратұлын құттықтаймыз!