Үлкендерді сыйлау, құрмет көрсету - ұлтымыздың ежелден келе жатқан дәстүрі. Қарттар күні қарсаңында, кәсіподақ ұйымының ұйымдастыруымен, гимназиямызда еңбек еткен асыл жандарға дастархан жайылып, құрмет көрсетілді. Әрдайым, тынымсыз еңбегімен еліне қалаулы жандар - болашақ ұрпаққа өнеге болар.

Гимназиямызда бүгін мектеп президенті сайлауы өтті. Нәтижесі: 1. Жалел Ұлан - 56 ұпай - барлық дауыстың 18%; 2. Жукенов Ерен - 54 ұпай -17%; 3. Балжанова Айзере - 49 ұпай -16%; 4. Партияқызы Арайлым - 35 ұпай -12%; 5. Мустаханов Расул - 31 ұпай- 12%; 6. Сабиганова Аружан - 24 - 8%; 7. Ахметова Айдана - 22 ұпай - 7%; 8. Зейнулла Нұрислам - 17 ұпай - 5,6 ұпай; 9. Рымбек Мансур - 11 ұпай - 3,6 % 10.Нахметова Дания - 7 ұпай - 1 ,3%.

Елдің еңбекпен көркейетінін ескерсек, еңбек адамының қоғамда орны ерекше, абыройы биік. Халық еңбекке бейім болса, ел ырысқа кенеліп, өзгелермен терезесі теңеліп, байқуатты, бәсекеге қабілетті мемлекет болып нығаяды. Гимназиямыздың барлығымыз үшін жылы,әрі жайлы, таза әрі ыңғайлы, жарық болуын күнде қамтамасыз етіп отырған жандарға алғыс білдіреміз. Мерекелеріңіз құтты болсын

Еңбек күніне орай барлық сыныптарда "Еңбек - елдің мұраты" тақырыбында тәрбие сағаттары өтті. Тәрбие сағатында адал еңбек адамы дәріптеліп, қоғамға пайдасы, жеке қасиеттері насихатталды.

Әлемге аты әйгілі, орта ғасырлық сопылық әдебиеттің ірі өкілі, Қожа Ахмет Ясауи артына мәні өшпестей аса елеулі мұра қалдырды. Оның «Диуани Хикмет» атты екі әлемнің де мән-жайын сипаттайтын туындысы адамгершілік, имандылық, әділдік, инабаттылық тәрізді күрделі мәселелерді сипатттап ашып көрсетуге арналған. Ғұламаның өмірі мен еңбегіне арналған тәрбие сағаттары өткізілді.

14.09 күні жаңа оқу жылының жоспарына сәйкес ”Баланың қауіпсіз дамуы - мектеп пен ата-ананың жауапкершілігі” ата-аналар жиналысы өткізілді. Жиналыста гимназия басшысы А.Дюсембаев өткен оқу жылына қортынды жасап, оқушылардың қатысқан олимпиада,сайыстарына қатысу нәтижесіне тоқталды. 5 сынып ата-аналарына педагог-психолог жекелей кеңес беріп, жас ерекшелігіне сәйкес көңіл бөлуге қажет тұстарын айтып өтті.

Ақын, ойшыл, композитор, аудармашы Шәкәрім Құдайбердіұлының 165 жылдығына орай жоғары сынып оқушылары Ж.Аймауытов театрының “Ұждан” спектаклін тамашалады.

“Fizkultminutka” республикалық челленджіне барлық гимназия оқушылары қатысты.

“Абайлаңыз бала” жедел-алдын алу шаралары аясында оқушылардың жолда жүру ережесін сақтау,электрсамокат құралдарын тебу ережесін түсіндіру мақсатында мамандармен кездесу ұйымдастырылды. Аға лейтенант Дюсембаев Нуржан мен капитан Есболат Данияр оқушыларға 30 тамыздан күшіне енген ”ЖОЛ ҚОЗҒАЛЫСЫ” туралы жаңа заңды түсіндіре отырып, электр самокаттардың қозғалысына қатысты қолданылуы мүмкін шараларға толық тоқталды.

Қазақстан халқы тілдері мерекесі қарсаңында қазақстандықтардың қатысуымен қазақтың біртуар тұлғасы Мағжан Жұмабаевтың 130 жылдық мерейтойына арналған «Мағжан Жұмабаев - заманның заңғар тұлғасы» атты жалпықазақстандық ашық диктант өткізілді. Диктант жазудың мақсаты: Мемлекеттік тілдің Қазақстан халқын біріктіруші фактор ретінде қоғамдағы рөлін нығайту.

Оқу жылының басталуына орай ұйымдастырылған педагогикалық кеңесте өткен оқу жылына сараптама жасалып,жаңа 2023-2024 оқу жылының оқу-тәрбие жоспары таныстырылып бекітілді. Сондай-ақ жаңа оқу жылына әдістемелік-нұсқау хат ерекшеліктері және “Біртұтас тәрбие бағдарламасы” таныстырылды. Бағдарлама мазмұнына толық тоқтала отырып, құндылықтарды пән мазмұны,әлеуметтік жобалар арқылы жүзеге асыру, іс-шаралар мазмұны талқыланды.

Гимназиямызда алғашқы қоңырауға арналған салтанатты жиын өтіп, ”Мектеп-мейірім мекені” атты тәрбие сағаттары өтті.