Білім беру басқармасының Аймақтық оқу-тәжірибелік дене тәрбиесі орталығы мұғалімдер күніне орай Мухитова Айсулу Бокенбаевнаны дене тәрбиесі мен спорттың дамуына, оқушы жастар арасында салауатты өмір салтын насихаттауда зор үлес қосқаны үшін Құрмет грамотасымен марапатталды.

Тілдер мерекесіне орай, оқушылардың би-шешендердің нақыл сөздерінен тәлім алу мақсатында "Тоқсан ауыз сөздің тобықтай түйіні" атты би-шешендердің нақыл сөздерін 10 сынып оқушысы Жәнібек Жансая жатқа оқыды.

Тілдер айлығы аясында 7-сыныптар арасында "Үш тұғырлы тіл - болашақтың бастауы" атты мақал-мәтелдер онлайн-сайысы ұйымдастырылды. Ойын нәтижесі бойынша: 1-орынды Қайырғалым Жансұлу мен Даутбеков Ерхан, 2-орынды Жалешева Айым мен Олжас Қайрат, 3-орынды Калмахан Жасмина мен Амангельды Ералхан иеленді.

Мектепке алғаш келген балалар көптеген қиындықтар мен қобалжуларға тап болуы мүмкін. Ата-аналардың баланың қарым-қатынас пен жас ерекшеліктерін жете білуі көптеген мәселені шешуде көмегін тигізері анық. Осы мақсатта мектеп психологы Назигуль Тусуповна 1-сынып ата-аналарымен онлайн семинар ұйымдастырып, баланың күнін дұрыс ұйымдастыру бойынша кеңес берді.

24 қыркүйек күні гимназиямызда "Бірыңғай жарақаттануды алдын-алу" күніне орай "Қауіпсіздік техникасы және жарақаттануды алдын-алу" тақырыбында семинар өткізілді. Техникалық инспектор Атик Б. В. жиналған техперсоналды еңбек қауіпсіздігінің талаптарын сақтануға және жарақаттануды алдын-алуға шақырды. Әсіресе карантин кезінде бұл шаралардың маңыздылығы түсіндірілді. Соңында қауіпсіздік техникасымен таныстырылып, журналда белгі қойды.

"Сен де бір кірпіш дүниеге, кетігін тап та бар қалан" деп ұлы Абай ойшылымыз айтқандай, жастарымыз үшін мамандық таңдау, өмірде өз жолын айқындап, белгілі бір белеске жету мәселесі өте өзекті. 23 қыркүйек күні 9-11 сынып оқушыларымен экология бағытында Чехияның Оломоуц қаласында Палацск университетінің доктарантура студенті жас ғалым Рахманов Дауренмен онлайн кездесу өтті.

17 қыркүйек гимназияның қамқоршылық кеңесінің кезекті кездесуі ұйымдастырылды. Гимназия директоры А. Дюсембаев кеңес мүшелерін кезекші сыныптағы білім беруді ұйымдастыру, санитарлық нормалардың орындалуы, қашықтықтан оқытуда қолданылатын білім ресурстарымен жұмыс барысымен толық таныстырды.

17 қыркүйек күні "Қашықтықтан оқыту кезінде балаға қалай көмектесуге болады?" атты жалпыреспубликалық ата-аналар жиналысы ұйымдастырылды. Жиналыс барысында: оқыту платформасында жұмыс жасау; "Онлайн-мектеп" ресурсын қолдану; оқушылардың оқу жетістіктерін бағалау; балаларға берілетін тапсырмалар көлемі сияқты мәселелер бойынша нақты ақпарат түсіндіріліп, сауалдарға жауап берілді.

Бүгін 1-қыркүйек Білім күніне орай 1 сынып оқушыларына салтанатты тәрбие сағаты ұйымдастырылды. Барлық санитарлық талаптарды сақталды: дене қызуын өлшеу, қолды өңдеу, антисептикалық кілемшелер мен дәліздер қолдану, кабинетті кварцтау. Балалар 2 топқа бөлініп, салтанатты шараға қатысты.

Жаңа оқу жылының басталуымен шын жүректен құттықтаймыз! Білім күніне арналған салтанатты жиын онлайн форматта Microsoft Teams платформасы арқылы ұйымдастырылады. Басталуы: 1 қыркүйек, сағат 10.00.

Гимназияның тарих және география пәні мұғалімі Альдекенова Анар Толыбаевна "ҮЗДІК ПЕДАГОГ 2020" байқауының облыстық кезеңінде жеңімпаз атанып, республикалық кезеңге жолдама алды. Әріптесімізді құттықтай отырып, республикалың кезеңінде сәттілік тілейміз!

"Дарын" реапубликалық ғылыми-практикалық орталығы ұйымдастырған жазғы мектебіне математика-жаратылыстану пәндері бойынша қатысып, жоғары білім көрсеткені үшін 7а сынып оқушысы Асанбай Жадыра дипломмен марапатталды.