26 қараша күні өткен облыстық Мәшһүр-Жүсіп оқуларына гимназия оқушылары қатысып, "Білімді зерек адам болам!"- десең, "Қара өзіңді басқаның айнасымен" бағыты бойынша 8 сынып оқушысы Каиржанова Аида және "Бас болып өнер білсең, тіпті жақсы" бағыты бойынша 9ә сынып оқушысы Садыбекова Арайлым жүлделі ІІ орындарға ие болса, "Мәшһүр-Жүсіп шығармалары және "Ұлы даланың ұлы есімдері" бағыты бойынша Қайрат Ләйлә жүлделі ІІІ орынға ие болды.

Павлодар қ. 2020 жылғы 8-11 сынып оқушыларының облыстық ғылыми жобалар конкурсы қашықтан өткізілді. Конкурстың қорытындысы бойынша Бейсебаева Д., Лашимова А., Каиржанова А. І орынға, Ералиева Р., Қинаят Ж., Хурмангалиев Е. ІІ орынға, Амангелді Н., Шакбекова Д., Кожабергенов Д., Әбілхақ С., Мубаракова Д., Шайфуллина А., Омурбаева А. және Жунусбеков Б. ІІІ орынға ие болды. Оқушыларымыз бен ұстаздарды құттықтаймыз!

25 қараша күні "Тұран-Астана" университеті 5-11-сынып оқушылары арасында "Абайды оқы, таңырқа!" республикалық мәнерлеп оқу сайысын өткізді. Гимназия оқушылары қатысып, нәтижесі төмендегідей болды: 11 сынып оқушысы Хаманай Асхат 1-орын, 7а сынып оқушысы Асанбай Жадыра 2-орын, 6ә сынып оқушысы Хурманғаз Толғанай және 6а сынып оқушысы Жумажанова Саяжан 3-орын. Құттықтаймыз!

28-29 қараша күндері "Жас дарын" мектебі ұйымдастырған облыстық пікірсайыста гимназияның командасы 1 және 3 жүлделі орындарды иеленді. Дебат сайысына барлығы 24 команда қатысып, оның 8-і жартылай финалға өтті. Соның төртеуі финалда ойнады. Оның екі командасы біздің гимназия командалары. Нәтижесінде: «Қайсар» тобы Қазтай Айшат, Сайыпова Әсем - І жүлделі орын. «Интеллект» тобы Жәнібек Жансая, Шакбекова Даяна - 3 жүлделі орын. Құттықтаймыз!

26 қараша күні Шет тілдер апталығының жоспарына сәйкес «Жаратылыстану бағытындағы пәндерді үштілде оқыту үшін ыңғайлы платформаларын қолдану ерекшеліктері» тақырыбында практикалық семинар өтті. Семинарда Атик Б.В. үштілде оқытылатын пәндерде Padlet және Jamboard мүмкіндіктерін пайдалану ерекшеліктерімен таныстырса, Абылгазина Э.Т. Wizer.me сервисінің көмегімен интерактивті тапсырмалар құруды үйретті.

23 қараша күні барлық сыныптарда "Жалпыадамзаттық құндылықтар - бақытты өмір негізі" атты жалпыреспубликалық өзін-өзі тану сағаты өткізілді. Сабақ барысында оқушылар бақытты өмір сүру, бақытты өмірдің мән мағынасы жайлы пікір алмасып, Әл-Фарабидің "Қайырымды қала тұрғындары" еңбегі негізінде құндылықтардың қоғамдағы маңызы туралы ой бөлісті.

Білім беру басқармасы ұйымдастырған "Шеберлер қаласы" облыстық сәндік-қолданбалы шығармашылығы көрмесінде 9а-сынып оқушысы Лашимова Аяулым жүлделі 1-орынға ие болды, ал жетекшісі Гүлжазира Қабдылкәрімқызы да Алғыс хатпен марпатталды. Аяулым мен жетекшісі Гүлжазира Қабдылкәрімқызын құттықтаймыз!

18 қараша күні Павлодар облысының мектеп оқушылары арасында өткізілген волейбол добымен жонглерлік ету бойынша online-чемпионатында ұлдар арасында 10-сынып оқушысы Жомартұлы Айдын ІІ орынға және қыздар арасында 7а-сынып оқушысы Жалешова Айым ІІІ орынға ие болды. Оқушыларды және оларды дайындаған дене шынықтыру мұғалімдерін құттықтаймыз!

2020 жылдың 13 қараша күні гимназияда кезекті «Мұғалімнің іс-әрекеті - бала тұлғасына жол» тақырыбында педкеңес өткізілді. Педкеңесте оқу ісінің орынбасары С.Джамалбаева мұғалімнің бойындағы қарым-қатынас принциптері мен мұғалім мамандығының қырлары жөнінде, география пәнінің мұғалімі А.Т.Альдекенова қазіргі заман мұғалімінің бейнесі туралы көрсетілімдер арқылы ойларын ортаға салды.

2020 жылғы 9-14 қараша айының аралығында 1-7 сынып оқушыларының зерттеу жобалары «Зерде» республикалық конкурсының облыстық кезеңі қашықтан өткізілді. Жоғары нәтиже көрсеткен оқушылар: Оразбек Камиль - ІІ орын, Жалешева Аяна, Жалешева Айым, Кайыргалым Жансұлу, Ермекова Жулдыз, Жулудинова Адель, Нургалиева Медина, Аблаева Наргиз, Асанбай Жадыра, Иглымхан Жанерке, Мақсұт Мөлдір, Баисов Санжар, Кибрат Карим – ІІІ орын.

2020 жылғы 11 қараша күні мектеп оқушылары арасында республикалық лингвистикалық олимпиаданың облыстық кезеңі онлайн режимде өтті. Олимпиаданың қорытындысы бойынша гимназияның 8-сынып оқушылары Үндерме Аяжан мен Алимова Томирис ІІ дәрежелі дипломымен марапатталды. Оқушыларды және олардың жетекшісі Мадина Канапияновна Сыздыкованы құттықтаймыз!

12 қараша күні жас мамандармен жұмыс жетекшісі Д.А.Нургалиеваның ұйымдастыруымен жас мамандардың кәсіби қалыптасуына ықпал ету, білікті ұстаз етіп тәрбиелеу, дайындау мақсатында «Халің қалай, жас маман?» атты қашықтан дөңгелек үстел өткізілді. Осы отырысқа гимназияның ғылым жөніндегі орынбасары К.М.Аккентаева, жас мамандар мен тәлімгерлер қатысты.