Павлодар облысы білім беру басқармасының бастамасымен оқушыларды ғылым мен техниканың әртүрлі саласындағы зерттеу, өнертапқыштық қызметіне тарту, қоршаған ортаға ұқыпты қарауды тәрбиелеу, талантты балалардың шығармашылығына жағдай жасау мақсатында «Ертіс дарыны» өңірлік қосымша білім беру оқу-әдістемелік орталығы 2021 жылғы 12 мамырда жалпы және мамандандырылған білім беру ұйымдарының 8-10 сынып оқушылары арасында «Болашақ – өз қолыңда» облыстық жобалар конкурсын өткізді. 

Экология саласындағы жобалар бағытында«Тастама материалдарды қайта пайдалану» тақырыбында гимназияның 9-сынып оқушысыЕралиева Рауан өз жобасында тастама пластик ыдыстардан гүл өсіретін құмыра, киім салатын себет, қобдиша, жеміс сауыты сияқты тұрмысқа қажетті қолөнер бұйымдар жасауды көрсетті. Конкурс қорытындысы бойынша «Экология саласындағы жобалар» бағытында Рауан ІІІ дәрежелі дипломмен марапатталды.Сонымен қатар,  «Жылу/электр және баламалы энергетика саласындағы жобалар» бағытында ІІІ дәрежелі дипломды гимназиясының 8- сынып оқушысы Токтамысов Олжас иеленді.