22-маусым күні 4-сыныптарта «Бастауыш сыныппен қоштасу» кеші өткізілді. 4-сыныпты 40 оқушы аяқтады. Оқушылар білім нәрімен сусындатқан ұстаздарына алғыстарын білдіре отырып, өз өнерлерін ортаға салды. 5-сыныпта жетекшілік ететін сынып жетекшілерімен таныстырылды. Ата-аналар тарапынан ұстаздарына алғыстар айтылды.

2014 жылдың 7.05-17.05 аралығында Ақтөбе қаласында «Қазхром» ТҰҚ АҚ филиалы – Ақтөбе ферроқорытпа зауытының ұйымдастырумен «Айналайын - 2014» жас таланттар фестиваль-байқауы өтті. Осы байғауға Ақсу Ферроқорытпа зауытының намысын қорғау үшін гимназияның «Айгөлек» би тобы қатысқан. Бүлдіршіндеріміз хореография номинациясы бойынша жүлделі І орынға иеленді. «Айгөлек» би тобының жетекшісі Динара Нигматулловнаға Алғыс хат берілді.

2014 жылдың мамыр айында М.М.Катаев атындағы Оқушылар сарайының негізінде «Жас ұлан» облыстық балалар мен жасөспірімдер ұйымы» қоғамдық біллестігі ұйымдастырған облыстық «Жобалар шеруі - 2014» сайысы өткізілді. Сайыстың қорытындысы бойынша гимназияның 9-сынып оқушылары Ермек Ә. пен Қабылбекова А. ІІ орынға (жетекшісі Муханова У.К.), 10-сынып оқушысы Каиржанова А. (жетекшісі Альдекенова А.Т.) «Отан» номинациясына ие болды.

20 мамыр күні гимназияның мәжіліс залында дәстүрлі «Дарындыға дархан жол» атты шығармашылық кеш өткізілді. Кеште гимназияның жұлдыздары және Халықаралық, Республикалық байқауларының жеңімпазы «Айгөлек» би ансамбілі өз өнерлерін паш етті. Жыл сайын, өзінің білімі мен шығармашылығы, ақылы мен парасаты арқасында, топты жарып шығып, биіктен көрінген, дарынды оқушыларымызды марапаттау дәстүрге айналды.

2014 жылдың мамыр айының 17 күні 10-сынып оқушыларының ұйымдастыруымен гимназияда дәстүрге айналған «Вена балы» өтті. Балға 19 жұп қатысып, өз өнерлерін, яғни жұптардың әсемдігін көрсетті. Кештің соңында Тлеумов Даниял мен Шаймерден Әсия балдың ханзадасы мен ханшайымы болып танылды.

15 мамыр күні ҚР БжҒМ Мектепке дейінгі және орта білім департаментінің қолдауымен «Study INN» Cambridge University Press (CUP) білім беру компаниясы Астана қаласында өткізген «Қазақстан Республикасының жалпы білім беретін және функционалды сауаттылықты дамыту шеңберінде ағылшын тілін оқытуды кіріктіру» атты халықаралық конференциясына физика мұғалімі Кабылбекова А. С. және ағылшын тілі мұғалімі Уажанова Б. Б. қатысып келді.

2014 жылдың 5-і мамыр күні математика пәнінен КИО өтті. Олимпиада қорытындысы бойынша 5а-сынып оқушысы Закирьянова Бадинур, 7ә-сынып оқушылары Рымбаев Данияр және Кабиев Сұлтан – ІІ-орынға, 6а-сынып оқушысы Омирзакова Аяжан – ІІІ-орынға ие болды. Оқушыларды жеңістерімен құттықтаймыз!

2014 жылдың 5 мамыр күні Павлодар облысы білім беру басқармасының ұйымдастыруымен "Қазақ тілі мен әдебиеті кабинеттерінің стандартына сай жабдықталуы" бойынша облыстық конкурсының қорытынды кезеңі өткізілді. Гимназияның қазақ тілі мен әдебиет кабинетінің меңгерушісі Ғазиз Еңлік Ғазизқызы ІІІ дәрежелі дипломымен марапатталды.

2014 жылғы 3-5 мамыр аралығында Щучинск қаласының «Балдәурен» республикалық оқу-сауықтыру орталығында «Дарынды балаларға – талантты ұстаз» республикалық педагогикалық олимпиадасы өтті. Республикалық олимпиада қорытындысы бойынша гимназия мұғалімі Сыздыков Азамат Жанайдарұлы ІІІ орынға ие болып, Қазақстан Республикасы Білім және ғылым министрлігінің дипломымен марапатталды.

2014 жылдың 30-сәуір күні ИНеУ-де 10-11 сынып оқушыларының арасында VІІ облыстық көптілдік олимпиадасы өтті. Олимпиаданың қорытындысы бойынша 10-сынып оқушысы Қабылда Әлібек ІІІ орынға ие болды. Әлібекті және жетекшісі Нургалиева Салтанат Еркиновнаны құттықтаймыз! Ағылшын тілі пәнінің мұғалімі Нұрғалиева С.Е., қазақ тілі пәнінің мұғалімі Шапауова Ә.С. және орыс тілі пәнінің мұғалімі Тулеубаева К.Б. нәтижелі жұмыстарына алғыс білдіреміз.

29-сәуір күні гимназияда «Жас Ұлан» ұйымының қатарына қабылдау салтанаты болып өтті. «Жас Ұлан» ұйымынының қатарына 20 оқушы қабылданды. «Жас Ұлан» республикалық ұйымының қатарына оқушыларды қабылдау рәсімін өткізу қадірлі қонақтарымызға және осы ұйымның белсенді мүшелеріне берілді.

16 сәуір күні гимназияның мәжіліс залында Қаныш Имантайүлы Сәтбаевтың туғанына 115 жыл толуына орай ұйымдастырылған «Ғасыр данасы» атты апталығының жабылу салтанаты өткізілді. Салтанатты жиында республикалық, облыстық ғылыми жобалар сайысына қатысқан оқушыларға естелік сыйлықтар табыс етілді. Сонымен қатар мектепішілік кіші Сәтбаев пән олимпиадасында жүлделі орын алған оқушылар мадақтамалармен марапатталды.