27 ақпан күні  Ақсу қаласы Балалар шығармашылық үйінде Қазақстан халықтары Ассамблеясының 20 жылдығына орай ұйымдастырылған "Бір шаңырақ астында" атты  6-8 -сыныптар арасында қалалық мәдени-танымдық  сайыс өткізілді. Аталған сайыста қаланың алты мектебінің арасында  татар халқының салт-дәстүрі, әдет-ғұрпы, өнерінен үздік білім көрсеткен  гимназияның 6 "ә" -сынып оқушылары жүлделі І  орынды жеңіп алды. 6 "ә" -сыныбының сынып жетекшісі Дария Амантайқызы Нургалиеваны және жүлдегерлерді жеңістерімен құттықтаймыз! Талай толағай табыстарға жете берулеріне тілектестік білдіреміз!