2019 жылдың 31 наурыз күні Ақсу қаласының Иманжүсіп Құтпанұлы атындағы спорт кешенінде Қаныш Имантайұлы Сәтбаевтың 120-жылдығына арналған Ақсу жастар баскетбол Лигасы өтті. Баскетбол Лигасында гимназияның құрама командасы ІІ орынға ие болды. Құттықтаймыз!

2019 жылғы 29 наурызда «Ертіс дарыны» өңірлік қосымша білім беру оқу-әдістемелік орталығының ұйымдастыруымен облыстық «Мәшһүр-Жүсіп оқулары» өтті. Қазылар алқасының шешімі негізінде «Алдыма өлең жаз деп қағаз келген, Сөзімді сөйлеп бақтым мен де білген» мүшәйрасында 9 сынып оқушысы Баянбатұлы Ерасыл және «Бас болып өнер білсең, тіпті жақсы» атты ғылыми жоба қорғау бойынша 8 сынып оқушысы Жанибек Жансая ІІІ орынға ие болды.

27-28 наурыз күндері гимназияның бастауыш сынып оқушылары «Ақсу» балалар эко-техноорталыққа экскурсия жасады. Экскурсия барысында экоәлем, биология, IT технология және робототехника, шахмат, қолөнер кабинеттерін аралап, үйірме жұмыстарымен танысты. Коворкинг залында қолданбалы өнер туындыларын көріп, жануарлар мүйісіндегі жануарлармен жақын танысты. Экскурсия соңында кинозалда мультфильм тамашалады.

Наурыз мерекесіне орай өткізілген "Шаңырақ" облыстық киіз үй көрме-байқауында гимназиямыз "АЛТЫН ОРДА" бағыты бойынша жүлделі ІІІ орынға ие болды. Құттықтаймыз!!! Бұл ұжымның бірлескен қажырлы еңбегінің нәтижесі. Бұл ауқымды жұмысқа басшылық жасап, асқан шеберлік пен шығармашылық таныта білген мұғалімдеріміз Гүлжазира Кабдулкарімқызы мен Ануарбек Құмарұлыны шексіз алғыс білдіреміз. "Шеберлінің қолы ортақ" деп тегін айтылмаған.

2019 жылдың 18-20 наурыз аралығында Абай атындағы Республикалық мамандандырылған дарынды балаларға арналған қазақ тілі мен әдебиетін тереңдете оқытатын орта мектеп-интернат базасында 9-11 сынып оқушылары арасында тұңғыш рет қазақ тілі мен әдебиетінен Абай атындағы республикалық олимпиада өтті. Біздің гимназиямыздың 10-сынып оқушысы Батай Аружан І дәрежелі дипломмен марапатталды. Жетекшісі Нургалиева Дария Амантаевна.

Ұлыстың Ұлы күні - Наурыз мерекесі қарсаңында 19, 20 күндері бастауыш сыныптар мен 5-11 сыныптар арасында "Қош келдің Әз-Наурыз" мерекесі өтті. Мерекелік іс-шаралар аясында ұлттық ойындар, "Бұрымды қыз" , "Наурыз бата", "Бауырсақ fest" сайыстары өткізіліп, "Көк отырғызу, ақ бүрку", "Селт еткізу, ұйқы ашар", "Қыз баланың құлағын тесу" , "Қыз бен жігіт айтысы" атты Наурыз дәстүрлері мен салттары көрсетілді.

19 наурыз күні "Ұлы Дала мұрасы" атты мектеп мұражайының салтанатты ашылуы өтті. Салтанатты ашу рәсіміне Ардагер ұстазымыз, Ақсу қаласының құрметті азаматы Сламбекова Рымкеш Хамитқызы, Ақсу қаласының мәдениет және тілдерді дамыту бөлімінің басшысы Оразалин Айдос Ырсымбекұлы, ата-аналар кеңесі мүшелері, ұстаздар мен оқушылар қатысты.

Г.Потанин атындағы Павлодар облыстық тарихи-өлкетану музейінде Отырар қорғанысының 800 жылдығына орай «Қамалы бекем, халқы қайсар - Отырар» көрмесі ашылды. Біздің гимназияның 8-сынып оқушылары осы көрмеге барып келді. Оқушылар көне ғасыр мәдениетімен жете танысып, археологиялық жәдігерлерді өз көзімен көру мүмкіндігіне ие болды. Отырардан Павлодарға жеткен көрмеде тарихи мекеннің кешегісінен сыр шертетін құнды жәдігерлер бар.

2019 жылғы 16 наурыз күні гимназиямызда облыстық мамандандырылған мектеп ата-аналары арасындағы дәстүрлі волейбол турниры өтті. Тартысты ойынның нәтижесінде гимназиямыздың ата-аналар волейбол командасы І орынға, Павлодар қаласының көпсалалы лицей интернаты ІІ орынға, "Жас дарын" мамандандырылған мектебі ІІІ орынға ие болды. Құттықтаймыз!

15 наурыз күні гимназиямызда облыстық "Шаңырақ" жобасы аясында ұлтымыздың мақтанышы, ата-бабамыздың тұрақ-мекені киіз үйді насихаттау мақсатында "Киіз үй fest" шарасы өтті. Осы іс-шарада қазақтың "Тұса кесу" дәстүрі өткізілді.

Қарағанды қаласында өткізілген жастар арасындағы ХХІ спорттық акробатика облыстық сайысында 4-сынып оқушылары Ермек Жанерке және Ермек Назерке ІІ орынға және 5-сынып оқушысы Кайргали Дария ІІІ орынға ие болды. Құттықтаймыз!

2019 жылғы 15 наурыз күні Дарынды балаларға арналған №3 гимназиясында өткізілген ХХ облыстық Абай оқуларына қатысып, "Ұлылар әлемі" бағыты бойынша 10 сынып оқушысы Жумабаева Дильнара және “Көңілім әнді ұғады” бағыты бойынша 7а сынып оқушысы Алимжанов Әлібек ІІ жүлделі орынды иеленді. Жеңіскерлерімізді құттықтаймыз! Жетекшілері қазақ тілі мұғалімі Нургалиева Дария Амантаевна мен музыка пәні мұғалімі Жилбаев Сағадат Серікұлы