Қараша айында «ЕУРАЗИЯЛЫҚ ГЕНДІК ҚОР» ғылыми-өндірістік білім беру орталығы М.Мақатаевтың 85 жылдығына арналған республикалық қашықтық «Жырлайды жүрек» атты мәнерлеп оқу байқауын өткізді. Гимназияның 2а-сынып оқушысы Амангелді Абдулкәрім II дәрежелі дипломмен және 2ә-сынып оқушысы Шокушев Ерхат III дәрежелі дипломмен марапатталды.

Дарынды балаларға арналған облыстық көп салалы лицей-интернатында 2016 жылғы 24 қараша күні 5-6 сынып оқушылары арасындағы V облыстық кешенді олимпиадасы өтті. Олимпиада қорытындысы бойынша гимназияның 6-сынып оқушысы Хасенов Еркебұлан ІІ орынға, 5-сынып оқушысы Есмуханов Ансар ІІІ орынға ие болды. Мұғалімдері Алькеева З.Б., Муканова Б.Қ., Муханова У.К. және Абраева Д.И. Құттықтаймыз!

ҚР Білім және ғылым министрлігінің "Дарын" РҒТО 2016 жылғы 19-20 қазан күндері аралығында білім беру ұйымдарының 10-11 сынып оқушылары арасында психологиядан бірінші республикалық қашықтық олимпиадасын өткізді. Олимпиаданың қорытындысы бойынша гимназияның 11-сынып оқушысы Алиханова Томирис І орынға ие болды. Құттықтаймыз!

Қазақстан Республикасы тәуелсіздігінің 25 жылдығы қарсаңында өткізілген танымдық шаралардың бірі «Туған жерім-тұғырым, өскен елім - өзегім» атты тықырыптағы таңғажайып алаңы ойыны. Қатысушылар еліміздің тарихы мен Ақсу өңірі туралы қызықты сұрақтарға жауап бере отырып таңдалды. Ойын барысында оқушыларға Қазақстанның тәуелсіздік жылдары жеткен жетістіктері, Астана қаласындағы тарихи ескерткіштер, қазақ хандары...

Астана қаласында 2016 жылдың 21-22 қараша аралығында «Балаларға мейірімді Қазақстан» республикалық балалар мен жасөспірімдер Форум-фестиваліне 10-сынып оқушысы Ержинбаева Мадина шақырылды. Оқушылар сарайында 16 аймақтан келген делегация таныстырылып, планетарийге экскурсия, Қазақстан Республикасындағы саясат, өнер салаларындағы танымал қоғам қайраткерлерімен кездесу ұйымдастырылды.

9-сынып оқушысы Тастемір Гүлзат Астана қаласындағы "Əлемді өзгертетін идеялар" атты семинарға қатысып келді. Семинардың ең басты мақсаты жастарды Елбасының «Ұлт Жоспары - 100 нақты қадам» стратегиялық жоспарымен таныстыру, болашаққа бағдарлау, тәуелсіздік жылдары еліміздің жеткен жетістіктерін паш ету. Сапар барысында өте елеулі мәселелер талқыланды, барлық шаралар жоғары деңгейде ұйымдастырылды.

22-қараша күні 6 сыныпта гимназияның аға тәлімгердің ұйымдастыруымен «Жемқорлық індет, жою міндет» атты тәрбие сағаты өтті. Тәрбие сағатының мақсаты оқушыларға адам құқтары жайлы түсініктерін қалыптастыру, «жемқорлық» деген не екенін түсіндіру, патриоттық тәрбие қалыптастыру болатын. «Адамдар неге жемқорлыққа барады? Жемқорлықты қалай жоюға болады?» деген сұрақтар қоя отырып, оқушылармен пікірталас өткізілді.

Павлодар қаласының СЮТур балалар аула клубында ҚР Тәуелсіздігінің 25 жылдығына орай жабық ғимараттағы таулы туризм техникасы бойынша ашық чемпионат өтті. Гимназияның 1, 2, 5 сынып оқушылары осы чемпиоанатқа қатысып, 1-сынып оқушысы Маратұлы Ибрагим ІІ орынды иеленді. Ал жетекшісі Мухитова А.Б. Алғыс хатпен марапатталды. Алғашқы рет қатысып отырған барлық 1, 2 сынып оқушыларына мадақтама берілді.

2016 жылғы 4 қараша күні Павлодар қ. №16 лицей-мектебі базасында Павлодар облысының білім беру басқармасы мен ақпараттық технологиялар орталығы ұйымдастырған, дәстүрлі «АКТ білім беруде» облыстық конкурсы өтті. Конкурстың қорытындысы бойынша оқушылар арасында 7а-сынып оқушысы Қабдолла Дильназ І орынға, 9-сынып оқушысы Лайыков Нурсултан «Бағдарламашы оқушы» номинациясына ие болды. Құттықтаймыз!

2016 жылғы 4 қарашада Павлодар қаласының № 25 мектебінде 1-7 сынып оқушылары арасындағы «Зерде» республикалық зерттеу жұмыстары мен жобалар конкурсының облыстық кезеңі өткізілді. Сайыс қорытындысы бойынша 7ә сынып оқушылары Тельжанов Жасұзақ, Омурбаева Адель, 5ә сыныптың оқушысы Садыбекова Арайлым, 3ә сыныптың оқушылары Берденбекұлы Али және Мухамматова Ақерке ІІІ орынға ие болды. Құттықтаймыз!

31.10-1.11 аралығында Астана қаласында өткен "MUSIC SHOW KZ" Халықаралық ән және би байқауында гиназияның «Айгөлек» би ансамблі І орынға ие болды. Байқауды ұйымдастырушылар “Aruzhan production”. Ансамбль жетекшісі Земабева Динара Нигматуловна Алғыс хатпен марапатталды. Кішкентай бишілерге әлі де өнердің биік шыңынан көріне берулерін тілейміз.

2016 жылы 2-қараша күні гимназияда «Бастауыш сыныпта бәсекеге қабілетті тұлғаны қалыптастырудағы шығармашылық жұмыстың рөлі» тақырыбында педагогикалық кеңес өтті. Педкеңесте директордың оқу ісінің орынбасары С.С. Джамалбаеваның «Шығармашылық қабілеттер теориясы мен даму факторлары» атты баяндамасы, бастауыш сыныптың және информатика, ағылшын тілі, ырғақ пәні мұғалімдерінің баяндамалары тыңдалды.