2015 жылғы 27 қараша күні Павлодар қаласының №28 мектебінде жалпы білім беретін оқу орындарының 5-11 сынып оқушылары арасында ІІІ облыстық Мағжан оқулары өткізілді. Байқаудың қорытындысы бойынша "Өлең - менің Шолпаным, Айым, Күнім" бағыты бойынша 7 ә сынып оқушысы Кунтаева Амина ІІІ орынға ие болды. Бапкері қазақ тілі мен әдебиеті пәнінің мұғалімі Дария Амантаевна Нургалиева. Құттықтаймыз!

2015 жылдың 25 қараша күні Ақсу қалалық мұражайында өткізілген Қазақ халқының батыры, жазушы Бауыржан Момышұлының 105 жылдық мерейтойына арналған "Қазақ халқының қаһарман ұлы" атты дөңгелек үстелге 8-сынып оқушысы Тас Дариға қатысып, Алғыс хатқа ие болды. Шығармашылыққа жетелеуші Нургалиева Д.А. мен Дариғаға шығармашылық табыс тілейміз!

2015 жылғы 26 қараша күні Павлодар қаласындағы № 7 ЖОМ-да облысымыздың білім беру ұйымдары қызметкерлерінің «Педагогикалық бастамалар» жобасының қорғауы өтті. Байқауға гимназияның информатика пәнінің мұғалімі Абылгазина Эльмира Турагуловна қатасып, үздік жоба үшін Павлодар облысы білім беру басқармасының Білім беруді және тәрбиелеуді дамытудың инновациялық орталығының сертификатына ие болды. Әріптесімізді құттықтаймыз!

2015 жылдың 16-21 қараша аралығында гимназияда шет тілдер бірлестігінің апталығы өтті. Апталықта ағылшын, қытай және орыс тілдерінен ашық сабақтар мен сыныптан тыс іс-шаралар өткізілді. Апталық барысында мектепішілік радиодан «Қазақстан – менің мақтанышым» тақырыбы бойынша ағылшын, орыс, қытай тілдерінде хабарландырулар таратылып отырды

2015 жылдың 20 қарашасында гимназияда «Жаңаша оқыту- табыс көзі» атты облыстық семинар өтті. Семинар барысында 6а сыныбында «Жапырақ» тақырыбында биология пәнінің мұғалімі жас маман Жахав Б.Т. және 8 сыныпта «Жылу құбылыстары» тақырыбында физика мұғалімі «Үздік педагог-2014» иегері Қабылбекова А.С. ағылшын тілінде сабақтар өткізді.

2015 жылдың 3-8 қараша күндері Алматы қаласында үстел тенисінен өткен «Алтык күз» халықаралық сайсында гимназияның 4а сынып оқушысы Амангелді Әмір І дәрежелі дипломмен марапатталып, алтын медальға ие болды. Әмірді сайыcтағы жеңісімен құттықтаймыз!

2015 жылы 6 қараша күні гимназияда оқушыларды облыстық математикалық турнирге іріктеу және оқушылардың ой қабілеттерін дамыту мақсатында 2-4 сынып оқушылары арасында мектепішілік математикалық турнир өткізілді. Турнирге 2-4 сынып оқушыларынан тұратын 12 оқушыдан 4 команда болып қатысты.

2015 жылы 2 қараша күні гимназияда оқушылардың ойлау қабілеттері мен бейімділіктерін анықтау, білімге қызығушылығын арттыру және логикалық тұрғыдан ойлау қабілеттерін дамыту мақсатында 3-4 сынып оқушылары арасында қазақ тілі мен математика пәндерінен кешенді мектепішілік логикалық олимпиада өткізілді. Олимпиадаға 54 оқушы қатысып, 8 оқушы жүлделі орынға ие болды.

Павлодар қ. №16 лицей-мектебі базасында 2015 жылғы 6 қарашада Павлодар облысының білім беру басқармасы мен ақпараттық технологиялар орталығы ұйымдастырған, дәстүрлі «Ақпараттық-коммуникациялық технологиялар білім беруде» облыстық конкурсының ақтық кезеңі өтті. Конкурстың қорытындысы бойынша оқушылар арасында 8-сынып оқушылары Лайыков Нурсултан және Абай Асхат ІІІ орынға ие болды. Құттықтаймыз!

Балалар шығармашылық үйінде 30 қазан күні қалалық «Денің сау болған керемет» атты жарыс өткізілді.Гимназия намысын 5,6 сынып оқушыларынан тұратын «Қырандар» тобы қорғады. «Қыран» командасының белсенділігі мен ұйымшылдығының арқасында жүлделі ІІІ орынды иеленді. Жеңістеріңмен шын жүректен құттықтаймыз!

Қазанның 26-31 аралығында гимназияда құқық апталығы ұйымдастырылды. Апталық, ақпараттық стендте берілген суреттер арқылы өз құқықтарымен танысу, өзіне маңыздысын таңдаудан басталды. Апталық барысында 5-7 сыныптарда танымдық тәрбие сағаттары, 9-10 сыныптардың қатысуымен дөңгелек үстел және 7-8 сыныптар арасында сайыс өтті.

27-29 қазан аралығында гимназияда «Мен және менің полицейім» акциясы ұйымдастырылды. Акцияның мақсаты оқушыларды полиция жұмысымен таныстыру, қоғамдық орындардағы тәртіпті сақтауға тәрбиелеу, жол ережелерін білуге және сақтауға үйрету. Мектеп инспекторы С.Сагалиевамен біріге отырып, «Жасұлан» ұйымының белсенділері 1-4 сыныптарда «Мектеп инспекторы - қорғаушы және дос» тақырыбында танымдық сайысын өткізді.