2017 жылғы 18-19 мамыр күндері Павлодар қаласында Павлодар облысы білім беру басқармасы және «ҚазРоботикс» білім беру және спорт робот техникасы Қазақстан Федерациясы ұйымдастырған робот техникасының облыстық фестивалі өтті. Гимназиямыздың кіші топ команда мүшелері Заруза Нұрай және Есмуханов Ансар ІІІ орынға ие болды және сыйлыққа Астанада өтетін ЭКСПО-ға жолдама алды. Жетекшісі Атик Б.В. Құттықтаймыз!

Жыл сайын дәстүрлі түрде өтетін шығармашылық кеш биылғы оқу жылы 19 мамыр күні мәжіліс залында салтанатты түрде өтті. Жиылған ата-аналар мен қонақтарға жыл бойығы оқушылар мен ұстаздар еңбегі мен жетістігі туралы ақпарат беріліп, түрлі шығармашылық топтар өз өнерлерін ортаға салды. Мектеп директоры М.Касенова республикалық, облыстық пән олимпиадасы мен жарыстардың жеңімпаздарын естелік мүсіндермен, дипломдармен марапаттады.

Ақсу қаласының гимназиясы 2017-2018 оқу жылына 4, 5, 6, 8, 9, 10-сыныптарға қабылдау жүргізеді. Қазақ тілі (тест), математика (бақылау жұмысы: 5 есептен тұрады), ағылшын тілінен (тест, сөйлесім) бақылау жұмыстары алынады. Қабылдау ауқыты: 26-27 мамыр, сағ.15.00. Толық ақпаратты мына телефон бойынша алуға болады: 8(71837) 5-16-81, ұ.т. 87774154935.

2017 жылғы 11-13 мамыр аралығында «Дарын» РҒПО «Балдәурен» республикалық оқу-сауықтыру орталығында (Щучинск қ.) «Тарих ата» XII республикалық қашықтық олимпиадасының қорытынды кезеңін өткізді. Олимпиаданың қорытындысы бойынша гимназияның 6-сынып оқушылары Кожабергенов Д. І дәрежелі дипломымен, Азимбеков Д. және Әбілхақ С. ІІ дәрежелі дипломымен марапатталды. Мұғалімі Ибраева Бахыт Шаймардановна.

2017 жылдың 19 мамыр күні сағат 18.00-де гимназияның мәжіліс залында «Дарындыға дархан жол» атты шығармашылық кеш өтеді. Кеште оқу жылының қортындысы бойынша білім мен тәрбиеде облыстық, республикалық, халықаралық білім көкжиегінде биік көрсеткіштерге жеткен үздік оқушылар мен ұстаздар аталып, марапатталады. Үздік би, вокал, драма топтары өз өнерлерін көрсетеді. Келіңіздер, кеш қонағы болыңыздар!

Акцияны өткізу уақыты: 2017 жылғы 10 мамырдан 30 тамызға дейін. Мақсаты: өз мектептерінің дамуына үлес қосуға, қолдан келгенше қайырымдылық және демеулік көмек көрсету үшін табысты түлектерді тарту. Ақцияның қорытындыларын шығару кезеңі (2017 жылғы 1 қыркүйек). Жаңа оқу жылына арналған салтанатты линейкада акцияның қорытындыларын шығару.

Павлодар қ. Назарбаев Зияткерлік мектебінде 2017 жылдың 29 сәуірінде «Ертіс дарыны» өңірлік қосымша білім беру оқу-әдістемелік орталығының ұйымдастыруымен робототехника олимпиадасының облыстық кезеңі өтті. Жарысқа қатысқан гимназияның 4 командасының екеуі жүлделі орындарға ие болып, гимназия мерейін асырды. Самғау-3 (Мұқышев Ж., Алиханов Қ.) - ІІ орынға және Самғау-4 (Турыcбекова А., Кабдулла Д.) - ІІІ орынға ие болды. Жетекшісі Атик Б.В.

Оқушылардың сыбайлас жемқорлыққа қарсы мәдениетін қалыптастыру жоспарына сәйкес «Адал ұрпақ» клубы мүшелері 22 сәуірде бастауыш сынып оқушылары арасында «Адал еңбек, алғыр ой-анық досың біліп қой» атты байқау ұйымдастырды. Байқау барысында оқушылар адал еңбек ету, еңбектің жемісін көру, қайырымдылық жасау тақырыбында көрініс көрсетіп, еңбек туралы мақал жарысқа қатысты.

Алматы қаласында «Бөбек» Ұлттық ғылыми-практикалық білім беру және сауықтыру орталығының ұйымдастыруымен 2017 жылдың 16-21 сәуір аралығында Тукен Омаров атындағы Республикалық ғарыштық физика мен астрономиядан ғылыми жарыс өтті. Жарысқа қатысқан гимназияның 10 сынып оқушысы Қайырдолда Диас I-ші орынға қол жеткізді. Диасты және жетекшісі Атик Б.В. құттықтай отырып, Халықаралық астрономиялық жарыста сәттілік тілейміз.

2017 жылдың 18 суәір күні ҚР Парламенті Сенатының әлеуметтік-мәдени даму және ғылым комитетінің көшпелі отырысы бағдарламасы аясында Сенат депутаты Бірғаным Әйтімова облыстың білім беру жағдайымен танысуға Ақсу қаласына келді. Бірғаным Сариқызы физика, өзін-өзі тану, информатика, робототехника және шахмат үйірмесі кабинеттерін аралау барысында оқушылармен әңгімелесіп, ұсыныстарын қабылдады.

2017 жылдың сәуірдің 14-16 күндері аралығында Павлодар қаласында оқушылардың XXVI облыстық жазғы спартакиадасы өтті. Бағдарлама аясында өткізілген спорттық бағдарлау бойынша 9-сынып оқушылары Кайраш Ермұхан І орын, Жуматаев Тамерлан ІІІ орын, 8-сынып оқушылары Бағау Дильназ ІІ орын, Мұқышев Жанболат ІІІ орын, 7-сынып оқушысы Такаранова Алуа ІІ орынға ие болды. Жалпы командалық есепте гимназияның құрама командасы ІІ орында.

2017 жылғы 12 сәуірде Білім беруді дамытудың инновациялық орталығында «Үздік педкеңес бағдарламасы» облыстық конкурсы өтті. Конкурстың қорытындысы бойынша гимназия директорының орынбасары Аккентаева Қырмызы Мұхаметқалиқызы мен психологі Шаймарданова Назигүл Түсіпқызы «Жаңашылдық пен шығармашылық» номинациясымен марапатталды. Құттықтаймыз!