Гимназиямызда Қ.И.Сәтбаевтың туғанына 117 жыл толуына арналған «Ғасыр данасы» атты онкүндік аясында 7 сәуір күні 5, 6 сыныптармен "Тәжірибе-жаңалықтың алғашқы бастауы" атты танымдық іс-шара өтті. Ізденіске, шығармашылық және ғылыми жұмыстарға жұмылдыра білген химия пәннің мұғалімі Ерхасова Қ. Б. және физика пәнінің мұғалімі Атик Б.В. аталмыш шарада оқушылармен бірге көптеген қызықты тәжірибе жасады.

Гимназияның негізгі мақсаты оқушының білім-ғылым негіздерін терең және жан-жақты меңгеру, интеллектуалдық және шығармашылық ерекшеліктерін ескере отырып, ой-өрісін дамыту және оқушылар дүниетанымының тұрақтылығын қалыптастыру. Осы негізде гимназия 1-сыныпқа 27 мамырда сағат 10.00-да; 5, 7-9 сыныптарға 27 мамыр сағат 15.00-те қабылдау емтиханын жүргізеді.

4-14 сәуір аралығында гимназияда Қ.И.Сәтбаевтың туғанына 117 жыл толуына арналған «Ғасыр данасы» атты онкүндік өтуде. 6 сәуір күні 3-тілде "Әлем таныған ерен тұлға" атты танымдық кеш өтті. Өзінің халқын өзінен биік қоя білген Қаныш ағамыздың асыл қасиеттері мен еліне деген сүйіспеншілігін көрсете білген оқушыларымыздың өнеріне «Дарын» республикалық ғылыми-практикалық орталығынан келген қонақтар да қатысып, дән риза болды.

2016 жылы 31 наурызда «Өрлеу» БАҰО» АҚ филиалы Павлодар облысы бойынша педагогикалық қызметкерлердің біліктілігін арттыру институтында» «Білім берудегі инновациялар мен тәжірибе: уақыт талабы» II Республикалық педагогикалық оқуларының облыстық кезеңі өткізілді. Педагогикалық оқулардың қорытындысы бойынша гимназияның тарих пәнінің мұғалімі Альдекенова Анар Толыбаевна І дәрежелі дипломмен марапатталды. Құттықтаймыз!

2016 жылы наурыздың 28-30 күндері аралығында Алматы қаласының Қазақ-Британ техникалық университетінде "Дарын" РҒПО «Джуниор Эчивмент Қазақстан» әлеуметтік қорымен бірлесіп экономикадан республикалық турнирін өткізді. Біздің гимназиямыздың 11 сынып оқушысы Асқарбек Әділ жүлделі ІІ дәрежелі дипломмен марапатталып, кубокпен экономика және Статистика Академиясының оқу грантына ие болды. Жетекшісі Сыздыков Азамат Жанайдарович.

2016 жылғы наурыз айының 15-28 аралығында Көкшетау, Петропавл қалаларында жалпы білім беретін пәндер бойынша республикалық олимпиадасы өтті. Олимпиаданың қорытындысы бойынша құқық негіздері пәнінен 11-сынып оқушысы Турапекова Айым ІІІ орынға ие болды және ҚР Білім және ғылым Министрлігінің Құрмет грамотасымен 10 сынып оқушысы Жанкушуков Аманат марапатталды. Мұғалімі Сыздыков Азамат Жанайдарович. Құттықтаймыз!

Көктемгі демалыс уақытында Астана қаласында өткен Х Халықаралық «Ақкөгершін» фестиваль байқауына «Айгөлек» би ансамблінің кіші тобы қатысып ГРАН ПРИ иеленді. Сондай-ақ Астана қаласында өткен «Грация» халықаралық байқауында І жүлделі орынды иеленді. Ансамбльге көп жыл жетекшілік етіп келе жатқан шығармашыл, әрі өз ісінің шебері хореограф Зембаева Динара Нигматуловна «Үздік педагог» номинациясы бойынша марапатталды. Құттықтаймыз!

25 наурыз күні Павлодар облысы білім беру басқармасының қолдауымен М. Катаев атындағы облыстық оқушылар сарайында «Жұлдыздар бізге жарқырайды» атты облыстық жас астрономдарының слеті өтті. Аталмыш слетке гимназиямыздың 10 сынып оқушысы Галиева Камила қатысып ІІІ жүлделі орынға ие болды. Жетекшісі Атик Бибигуль Васильевна. Жүлдеге қол жеткізген оқушымыз бен ұстазымызды құттықтаймыз!

25-26 наурыз аралығында «Дарын» РҒПО ұйымдастыруымен Астана қаласында өзге ұлт оқушылары арасында «НұрОрда» мектеп-лицейінің базасында қазақ тілінен «Тіл – мемлекет тәуелсіздігінің символы» атты республикалық олимпиадасын өткізді. Олимпиаданың қорытындысы бойынша біздің гимназияның 5-сынып оқушысы Фелькер Аделя І дәрежелі димломмен марапатталды. Мұғалімі Есенгожина Акмарал Еркеновна. Құттықтаймыз!

Наурыз мерекесі қарсаңында 18 наурыз күні гимназияда түрлі мерекелік шаралар ұйымдастырылды. 5-11 сынып оқушылары «Қош келдің Әз-Наурыз» мерекесінде әрбір сынып бір ауыл болып, ұлттық салт-дәстүр, ұлттық ойындар, ұлттық тағам бағыттары бойынша сайысып, өнерлерін ортаға салды. Оқушылардың халқымыздың тамаша дәстүрлерінен көріністер көрсетіп, салтымызды дәріптеуі, болашақ ұрпақты ұлтжанды болуға тәрбиелері анық.

8-наурыз мерекесі қарсаңында біздің гимназияда түрлі шаралар ұйымдастырылды. Атап айтқанда: 1-4 сыныптарда «Мейірімін төгетін АНА» атты мерекелік шараға сыныптар аналарын шақырып концерт, құттықтаулар дайындаса, 5-9 сыныптар арасында «Қыз қылығымен көркем» байқауы, 8-10 сыныптарда «Қыздар сұлу көрінер» дөңгелек үстелі, ұжымдық «Сыйынар ем Ана деген тәңірге» атты салтанатты кеш өткізілді.

2016 жылдың 22-27 ақпан аралығында бастауыш сынып әдістемелік бірлестігінің апталығы өтті. Апталық барысында оқушылардың дарындылық, шығармашылық қабілеттерін арттыру мақсатында «Мен жас ақынмын» атты өлеңдер сайысы, «Менің жақсы көретін өсімдігім» атты презентациялар сайысы, «Қош келдің, Наурыз!» атты кітапша жасау сайысы, «Математикалық ребустар», «Тапқыр достар» сайысы өткізілді.