2017 жылғы 19 қазан күні Дарынды балаларға арналған Абай атындағы №10 лицей-мектебінде география пәнінен VIІ облыстық жасөспірімдер олимпиадасы өтті. Олимпиада қорытындысы бойынша 8 сынып оқушысы Дарганбеков Жомарт Құрмет грамотасымен марапатталды. Жомартты және оны дайындаған мұғалімі Альдекенова Анар Толыбаевнаны құттықтаймыз.

ҚР Тұңғыш Президенті – Елбасының Қоры мен Мемлекеттік тілді дамыту Қоры жариялаған «Кім білгіш?» зияткерлік-танымдық ойыны бойынша 9, 10, 11 сынып оқушылары арасында республикалық on-line турнир өтті. 2017 ж. 13 қазан күні Астана каласында турнирдің қорытынды кезеңі өтті. Турнир нәтижесі бойынша біздің гимназияның 11 сынып оқушысы Боранбай Бихан жеңімпаз атанып, I дәрежелі диплом және бағалы сыйлықпен марапатталды. Құттықтаймыз!

2017 жылғы 10 қазанда Білім беруді дамытудың инновациялық орталығы Павлодар қаласының «Жас дарын» мамандандырылған мектебінде «Жылдың үздік психологі» республикалық конкурсының облыстық кезеңін өткізді. Конкурс қорытындысы бойынша гимназияның психологі Шаймарданова Назигуль Тусуповна І орынға ие болды. Құттықтаймыз!

2017 жылғы 5 қазан күні Облыстық көп салалы дарынды балаларға арналған лицей-интернатында биология пәнінен VIІ облыстық жасөспірімдер олимпиадасы өтті. Олимпиада қорытындысы бойынша 8-сынып оқушысы Успанова Аймира Құрмет грамотасымен марапатталды. Аймира мен ұстазы Үміт Кабиденқызын құттықтаймыз.

Өткен аптада гимназия қабырғасында «Рухани жаңғыру» бағдарламасында орын алған Латын әліпбиіне көшу мәселесіне қатысты дөңгелек үстел өтті. Жиынға мұғалімдер мен 8-сынып оқушылары қатысып, латын әліпбиіне көшу мәселесін қызу талқылады. Ал осы апта да бұл мәселені 9 сыныптар талқыға салды. Дөңгелек үстел барысында Қазақ елі қолданған әліпбилер туралы зияткерлік сайыс ұйымдастырылды.

2017 жылғы 13-19 қыркүйек аралығында мұғалімдердің кәсіби мерекесі қарсаңында Павлодар облысы білім беру басқармасы мен Білім беруді және тәрбиелеуді дамытудың инновациялық орталығы «Жыл мұғалімі – 2017» облыстық конкурсын өткізді. Гимназияның тарих пәнінің мұғалімі Альдекенова Анар Толыбаевна конкурсқа қатысып, "Ізденімпаз "номинациясына ие болды. Әріптесімізді шын жүректен құттықтай отырып, шығармашылық табыс тілейміз!

«Рухани жаңғыру» бағдарламасын іске асыру шеңберінде Ақсу қаласының дене тәрбиесі және спорт басқармасының ұйымдастыруымен 30-қыркүйек күні Иман Жүсіп Құтпанұлы атындағы спорт сарайында тоғызқұмақ турнирі өтті. Турнирінің қорытындысы бойынша гимназия оқушылары 3-ші орынға ие болды. Команда құрамы: 5 сынып оқушылары Төлеу Әлихан, Исабекова Дәмелі, 3 сынып оқушылары Шахмет Арнұр, Дәуітбек Арнұр және Көпжанова Аружан.

Алаш арысы Сұлтанмахмұт Торайғыровтың 125 жылдығына орай гимназияда «Жалындап өткен жас ғұмыр» атты Сұлтанмахмұт оқулары ұйымдастырылды. Нәтижесінде «Қараңғы қазақ көгіне, Өрмелеп шығып, күн болам!» жас ақындар мүшәйрасында І орын – 7-сынып оқушысы Бердембекқызы Ә., ІІ орын – 7-сынып оқушысы Садыбеков Ж., ІІІ орын – Сайыпова Ә. бұйырды. «Мен балаң жарық күнде сәуле қуған» номинациясы бойынша І орынды – Шакбекова Д. ...

Ақсу қаласында № 2 мектепте «Әнші балапан» сайысы өтті. Жас өнерпаздар балалық шақты әнге арқау етіп өнерлерін ортаға салды. Осы қалалық байқауда Ақсу қаласы және Ақсу ауылдық аймақтық мектептерінің жас таланттары бақ сынады. Нәтижесінде «Сал күрең» күйін нақышына келтіріп орындаған гимназияның шәкірттері І орынға қол жеткізсе, жекелей орындауында «Гүлдерайым» әнін тамылжыта шырқаған Қайыржанова Аида ІІ орынға ие болды. Құттықтаймыз!

15 қыркүйек күні шағын ауылдар мен ірі қалаларды қамтитын жалпыреспубликалық «Рухани жаңғыру» жастар акциясы бастау алды. 12.00-де Астана қаласындағы «Бәйтерек» монументінде басталған акциядан гимназия шәкірттері де қапы қалмады. Жалпы акцияға барлығы Ақсу қаласының мектептері мен колледждерінен 200-ге тарта бала қатысып, бір мезетте патриоттық әндерге флешмоб биін ұйымдастырды.

«Рухани жаңғыру» бағдарламасын іске асыру шеңберінде 14-қыркүйек күні Павлодар облысының барлық білім беру ұйымдарында тоғызқұмалақтан бірыңғай флешмоб ұйымдастырылды. Аталған іс-шарадан гимназияның оқушылары да шет қалмады. 14 балаға арналған үстел тақтасына кезектесіп ойнаған балалардың жалпы саны 20-дан асты. Өте тартысты өткен ойында оқушылар шеберлігін шыңдаумен қатар, бай тәжірибе жинады.

5-11 қыркүйек аралығында республикалық "Отбасы - бақыт мекені" атты акция өтуде. Апталық мақсаты отбасылық құндылықтарды насихаттау, отбасының бала тәрбиесіндегі ролін арттыру. Гимназияда акция аясында түрлі шаралар өткізілуде. 1-сынып оқушылары "Бақытты отбасы" тақырыбында асфальтта сурет салса, 2-сынып оқушылары "Отбасыммен өткізген қызықты күнім" тақырыбында суреттер салып, өз шығармашылықтарын байқатты.