Өткізілетін күндері: 22-23.06.2020 ж. Уақыты: 09.00-11.00 (08.00-08.30 – тіркеу). Өткізілетін орындары: гимназия ғимаратының 3-қабаты, №33, №37, №39 кабинеттер. Пәндері: тіл дамыту, математика, логика

3 маусым күні гимназияның 2020 жылғы түлектеріне Аттестатты табыс ету және соңғы қоңырау мерекесі өтті. 19 түлектің 3-і Алтын белгі төсбелгісіне, 2-і Үздік аттестатқа ие болды. Гимназия директорының м. а А. Дюсембаев, ата-аналар кеңесінің төрағасы Ғ. Батаев, сынып жетекшісі Д. Нургалиева жүрекжарды лебіздерін білдіріп, ҰБТ-де сәттілік тіледі. Түлектеріміз қайырымдылық акцияларын қолдауда. Олар мектеп ауласына ағаш көшеттерін отырғызды

Әр кезде де мектеп өмірінде ұстаз үшін де, шәкірт үшін де аса ерекше көрінер, көңілін босатып, жан-дүниесін тебірентіп, көңіл құсын аспанға шарықтатар Соңғы қоңырау салтанатының орны бөлек екендігі даусыз. Дәстүрлі басталып, жаңа форматта аяқталған жыл есте қалары сөзсіз. Бүгін қоңырау соғылмайды, дегенмен ұстаздарымызға оқу жылын абыроймен аяқтағандары үшін алғысымды білдіремін! Гимназия түлектеріне алдағы ҰБТ де сәттілік тілеймін.

Информатика пәнінен КИО жеңімпаздарды 6а-сынып оқушысы Кайргали Д., 7-сынып оқушысы Шайфуллина А., 9-сынып оқушылары география пәнінен Бейсебаева Д., ағылшын тілінен Касенова А., бастауыш сынып оқушылары Арын-Рашид А., Сабыржан Д. және Қаршыға Б. Оқушыларды және ұстаздарын Абылгазина Э.Т, Альдекенова А.Т., Қонақбаев Е.М., Аубакирова А.И., Жаксыбекова М.Ж. құттықтаймыз!

"Дарын" республикалық ғылыми-практикалық орталығының ұйымдастыруымен өткен "Кенгуру-математика барлығы үшін" халықаралық зияткерлік сайысына қатысқан оқушыларымыз жетістікке жетті. Оқушыларымыз бен ұстаздарың құттықтаймыз!

Daryn.online білім беру платформасы мен Qaztest.kz олимпиада сайтының ұйымдастыруымен өтіп жатқан І Республикалық "Жас полиглот" және "Жас тарихшы" олимпиадасына және Абай порталы ұйымдастырған "Абай мұрасы" шығармашылық байқауына қатысқан оқушыларымыз жүлдеге ие болды. Жарайсыңдар!

Май ауданымен кәсіптік қолдау және ынтымақтастық жоспарына сәйкес 21 мамыр күні директордың тәрбие жөніндегі орынбасары Г.Бакирбекованың ұйымдастыруымен қашықтық семинар өткізілді. "Тәрбие жөніндегі директор орынбасарының басқарушылық қызметі" тақырыбында өткен семинарға тәрбие жөніндегі директор орынбасарлары қатысып, маңызды мәселелер бойынша пікір алмасып, мектеп құжаттарын жүргізу бойынша кеңес алды.

Гимназияның Май ауданына кәсіптік қолдау және ынтымақтастық жоспарына сәйкес 21 мамыр күні Муканова Бақытгүл Кадыровна математика пәнінен кезекті ҰБТ-ға дайындық вебинарын өткізді.

Гимназияның Май ауданына кәсіптік қолдау және ынтымақтастық жоспарына сәйкес 19 мамыр күні гимназияның мұғалімдері Тулеубаева К. Б. және Альдекенова А. Т. аудан мұғалімдеріне "Оқушыларды ғылыми жоба жазуға бейімдеу" тақырыбында вебинар өткізді. Вебинар соңында әріптестер өздерін толғандырған сұрақтар қойып, мәселелерімен бөлісті.

Гимназияның Май ауданына кәсіптік қолдау және ынтымақтастық жоспарына сәйкес 18 мамыр күні мектеп психологтарына арналған семинар өтті. Тақырыбы: Психологтың мектептегі дарынды, қабілетті оқушылармен жұмыс түрлері. Семинар соңында әріптестер өздерін толғандырған сұрақтар қойып, рефлексия жасалды.

2020-2021 оқу жылына 1-сыныптар (қазақ тілінде) бойынша конкурстық іріктеуге қатысуға 15 мамырдан 17 маусым (сағат 18.00-ге дейін) аралықтағы мерзімде өтініш қабылданады. 2020 жылының 22-24 маусым аралығында (сағат 9.00-11.00-ге дейін) 1-сыныптарға қабылдауға конкурстық іріктеу жүргізіледі. Қосымша мәліметті мына телефондар арқылы алуға болады: 871837-6-42-94, 87779392338 (сағ.9.00-16.00 дейін)

Жаратылыстану-математикалық бағытындағы пәндер бойынша республикалық жасөспірімдер онлайн олимпиадасында гимназияның 7-сынып оқушылары Зейнеп Арын-Рашид, Шайфуллина Анель және Сәду Дария ІІІ орынға ие болды. Талапты оқушыларымызды және ұстаздарын құттықтаймыз!